322.0305.150800
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ
ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵ ՀՐԱՄԱՆ
12 հուլիսի 2000 թվականի N 305-կ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵԻ 05.08.99 ԹՎԱԿԱՆԻ ԹԻՎ 212 - ԿԱ ՀՐԱՄԱՆՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 49 հոդվածի և Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կանոնադրության 7-րդ կետի պահանջներով
ՀՐԱՄԱՅՈՒՄ ԵՄ`
i
1. «Պետական գրանցման և տեղեկատվության տրամադրման վճարների ցանկը հաստատելու մասին» Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի 05.08.99թ. թիվ 212 - կա հրամանով հաստատված վճարների ցանկում կատարել հետևյալ լրացումները`
ա) Չափագրում բաժնում «դ» կետի «գյուղատնտեսական նշանակության սեփականաշնորհված» բառերից հետո լրացնել «ինչպես նաև համայնքների վարչական սահմաններում գտնվող պետական պահուստային ֆոնդի» բառերը:
i
2. «Պետական գրանցման համար գանձվող վճարների ցանկի» առաջին և երկրորդ կետերում «գյուղատնտեսական նշանակության սեփականաշնորհված» բառերից հետո լրացնել «ինչպես նաև համայնքների վարչական սահմաններում գտնվող պետական պահուստային ֆոնդի» բառերը:
i
3. «Պետական գրանցման համար գանձվող վճարների ցանկից հետո լրացնել առանձին պարբերություններ հետևյալ բովանդակությամբ.
- Համայնքների վարչական սահմաններից դուրս, մարզերի վարչական սահմաններում գտնվող պետական սեփականություն հանդիսացող գյուղատնտեսական նշանակության և պահուստային ֆոնդի հողամասերի (պետական ֆոնդի ամառային արոտներ) վարձակալության պայմանագրերից ծագող իրավունքների` հիմք ընդունելով մարզպետների կողմից հաստատված տվյալ հողամասի հատակագիծը, պետական գրանցման վճար սահմանել` 2000 դրամ:
«Հայաստանի Հանրապետության պետական, հանրային և համայնքային բնակարանային ֆոնդի սեփականաշնորհման մասին» Հայաստանի Հանրապետության օրենքի 29 հոդվածում փոփոխություն կատարելու մասին» Հայաստանի Հանրապետության օրենքով սահմանված մինչև 1998 թվականի դեկտեմբերի 31-ը սահմանված կարգով տրված դիմումների հիման վրա բնակարանային ֆոնդի սեփականաշնորհումից և «Պետական բնակարանային ֆոնդի բնակարանների անհատույց մասնավորեցման մասին» Հայաստանի Հանրապետության օրենքով սահմանված պետական սեփականություն համարվող բնակարանային ֆոնդի բնակարանների անհատույց մասնավորեցումից ծագող սեփականության իրավունքի պետական գրանցման, տվյալ բնակարանի չափագրման, կամերալ և գնահատության աշխատանքների համար սահմանել վճար` 1000 դրամ»:
4. Վերը նշված լրացումները ներկայացնել Հայաստանի Հանրապետության արդարադատության նախարարություն` գրանցման:
Համաձայնեցված է Հաստատված է
Հայաստանի Հանրապետության ֆինանսների ՀՀ կառավարությանն առընթեր
և էկոնոմիկայի նախարարություն անշարժ գույքի կադաստրի
պետական կոմիտե
___________ Լ. Բարխուդարյան ____________ Մ. Վարդանյան
«____»____________ 2000թ. «____»____________ 2000թ.
ԳՐԱՆՑՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«15» «08» 2000 թ.
ՊԵՏԱԿԱՆ ԳՐԱՆՑՄԱՆ ԹԻՎ 32200078