ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 հունվարի 1994թ. թիվ 29
i
ԲԱՆՎՈՐՆԵՐԻ ԵՎ ԾԱՌԱՅՈՂՆԵՐԻ ԱՄԵՆԱՄՅԱ ԱՐՁԱԿՈՒՐԴՆԵՐԻ ՕՐԵՐԸ ՀԱՇՎԱՐԿԵԼԻՍ ՇԱԲԱԹ ՕՐԵՐԸ ՈՉ ԱՇԽԱՏԱՆՔԱՅԻՆ ՀԱՄԱՐԵԼՈՒ ՄԱՍԻՆ
Հայաստանի Հանրապետության կառավարության և Հայաստանի արհմիությունների կոնֆեդերացիայի միջև կնքված համաձայնագրի 1 հոդվածի 11-րդ կետի պահանջներից ելնելով` Հայաստանի Հանրապետության կառավարությունը որոշում է.
1. Սկսած 1994 թվականի հունվարի 1-ից հնգօրյա աշխատանքային շաբաթով աշխատող ձեռնարկությունների, հիմնարկների, կազմակերպությունների բանվորների և ծառայողների ամենամյա արձակուրդների օրերը հաշվարկելիս ներառել միայն աշխատանքային օրերը, անկախ ամենամյա արձակուրդների ժամանակահատվածից և տևողությունից:
2. Հայաստանի Հանրապետության աշխատանքի և սոցիալական ապահովության նախարարությանը` 15-օրյա ժամկետում տալ սույն որոշմամբ սահմանված ամենամյա արձակուրդների օրերի հաշվարկման նոր կարգի կիրառման վերաբերյալ համապատասխան պարզաբանումներ: