040.0466.100800
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«10» օգոստոսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 օգոստոսի 2000 թվականի N 466
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1997 ԹՎԱԿԱՆԻ ՄԱՅԻՍԻ 5-Ի N 119 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 1997 թվականի մայիսի 5-ի «Զանգվածային ոչնչացման զենքերի արգելման և սպառազինությունների վերահսկման ոլորտի միջազգային պայմանագրերի հետ կապված աշխատանքների համադրման հանձնաժողով ստեղծելու մասին» N 119 որոշման մեջ կատարել հետևյալ փոփոխությունը`
որոշմամբ հաստատված` զանգվածային ոչնչացման զենքերի արգելման և սպառազինությունների վերահսկման ոլորտի միջազգային պայմանագրերի հետ կապված աշխատանքների համադրման հանձնաժողովի կազմը շարադրել նոր խմբագրությամբ (կցվում է):
2. Զանգվածային ոչնչացման զենքերի արգելման և սպառազինությունների վերահսկման ոլորտի միջազգային պայմանագրերի հետ կապված աշխատանքների համադրման հանձնաժողովին` մեկամսյա ժամկետում Հայաստանի Հանրապետության կառավարություն ներկայացնել հանձնաժողովի կանոնադրությունը:
3. Սույն որոշումն ուժի մեջ է մտնում 2000 թվականի օգոստոսի 10-ից:
Հաստատված է
ՀՀ կառավարության 1997 թ.
մայիսի 5-ի N 119 որոշմամբ
ԿԱԶՄ
զանգվածային ոչնչացման զենքերի արգելման և
սպառազինությունների վերահսկման ոլորտի միջազգային
պայմանագրերի հետ կապված աշխատանքների համադրման
հանձնաժողովի
Վ. Գաբրիելյան - ՀՀ արտաքին գործերի նախարարության
սպառազինությունների վերահսկման և միջազգային
անվտանգության վարչության պետ (հանձնաժողովի
նախագահ)
Ա. Մարտիրոսյան - Հայպետատոմհսկողության պետ
Կ. Մելիքյան - ՀՀ կառավարությանն առընթեր ռազմատնտեսական ծրագրերի
վարչության պետի տեղակալ
Ա. Թանանյան - ՀՀ կառավարությանն առընթեր արտակարգ իրավիճակների
վարչության պետի տեղակալ
Է. Աֆրիկյան - ՀՀ գիտությունների ազգային ակադեմիայի
միկրոկենսաբանության ինստիտուտի տնօրեն
Ա. Մանթաշյան - ՀՀ գիտությունների ազգային ակադեմիայի քիմիական
ֆիզիկայի ինստիտուտի տնօրեն
Ա. Մկրտչյան - ՀՀ գիտությունների ազգային ակադեմիայի կիրառական
ֆիզիկայի պրոբլեմների ինստիտուտի տնօրեն
Ռ. Ջրբաշյան - ՀՀ գիտությունների ազգային ակադեմիայի երկրաբանական
գիտությունների ինստիտուտի տնօրեն
Լ. Ավագյան - ՀՀ կառավարության աշխատակազմի վարչական մարմինների
վարչության գլխավոր մասնագետ
Տ. Աղաջանյան - ՀՀ ազգային անվտանգության նախարարության բաժնի պետ
Ս. Գալստյան - ՀՀ ֆինանսների և էկոնոմիկայի նախարարության
պետական մասնակցության մոնիտորինգի գլխավոր
վարչության պետ
Ա. Գևորգյան - ՀՀ էներգետիկայի նախարարության ատոմային
էներգետիկայի վարչության պետ
Մ. Մելքոնյան - ՀՀ պաշտպանության նախարարության արտաքին
հարաբերությունների և ռազմական համագործակցության
վարչության պետ
Ռ. Դովլաթյան - ՀՀ արդյունաբերության և առևտրի նախարարության
պետական գնումների և հատուկ ծրագրերի վարչության
պետ
Ս. Մինասյան - ՀՀ կրթության և գիտության նախարարության գիտության
և գիտատեխնիկական քաղաքականության վարչության պետ
Ա. Մնացականյան - ՀՀ պետական եկամուտների նախարարության միջազգային
հարաբերությունների բաժնի պետի տեղակալ