040.0495.170800
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«17» օգոստոսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
17 օգոստոսի 2000 թվականի N 495
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ՏՆՕՐԻՆՈՒԹՅԱՆԸ ՏԱՐԱԾՔ ՀԱՆՁՆԵԼՈՒ ՄԱՍԻՆ
Հիմք ընդունելով Հայաստանի Հանրապետության Արարատի մարզի Մասիսի քաղաքային համայնքի ավագանու 2000 թվականի հուլիսի 15-ի N 10 որոշումը` Հայաստանի Հանրապետության կառավարությունը որոշում է.
i
1. Մասիս քաղաքի նախկին քաղխորհրդի գործկոմի շենքի 499,2 քառակուսի մետր տարածքը (հաշվեկշռային արժեքը` 10632960 դրամ) որպես Հայաստանի Հանրապետության պետական սեփականություն անհատույց հանձնել Հայաստանի Հանրապետության արդարադատության նախարարության տնօրինությանը` այն, ի լրումն նույն շենքում Հայաստանի Հանրապետության կառավարության 1997 թվականի նոյեմբերի 7-ի «Գույքի փոխանակության մասին» N 499 որոշմամբ նախարարության տնօրինությանը հանձնված և Հայաստանի Հանրապետության Արարատի մարզի առաջին ատյանի դատարանի զբաղեցրած 263,6 քառակուսի մետր տարածքի, նշված դատարանին տրամադրելու համար:
2. Հայաստանի Հանրապետության արդարադատության նախարարությանը` մեկամսյա ժամկետում Մասիսի քաղաքապետի հետ համատեղ` սահմանված կարգով ապահովել նշված տարածքի նվիրատվության պայմանագրի կնքումը, տարածքի հանձնման-ընդունման աշխատանքների կատարումը և գույքային իրավունքների պետական գրանցումը:
3. Սույն որոշումն ուժի մեջ է մտնում 2000 թվականի օգոստոսի 17-ից: