(ուժը կորցրել է 02.07.01 թիվ 588 որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 փետրվարի 1994 թ. թիվ 67
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՆԿԵՐԻ ԿԱՆՈՆԱԴՐԱԿԱՆ ԿԱՊԻՏԱԼԻ ՁԵՎԱՎՈՐՄԱՆԸ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ՄԱՍՆԱԿՑՈՒԹՅԱՆ ՄԱՍԻՆ
Հայաստանի Հանրապետության Գերագույն խորհրդի 1993 թվականի հոկտեմբերի 13-ի «Հայաստանի Հանրապետության բանկերի կանոնադրական կապիտալներում պետական մասնակցության կարգի, պայմանների և Հայաստանի Հանրապետությունում դրամաշրջանառության կարգավորման միջոցառումների մասին» որոշման 1-ին կետի համապատասխան Հայաստանի Հանրապետության կառավարությունը որոշում է.
1. Հայաստանի Հանրապետության բանկերի կանոնադրական կապիտալի ձևավորմանը պետական ձեռնարկությունների մասնակցության վերաբերյալ համաձայնություն տվող պետական կառավարման մարմնի լիազորությունները դնել Հայաստանի Հանրապետության ֆինանսների նախարարության վրա:
i
2. Հայաստանի Հանրապետության ֆինանսների նախարարությանը` մեկշաբաթյա ժամկետում հաստատել Հայաստանի Հանրապետության բանկերի կանոնադրական կապիտալի ձևավորմանը պետական ձեռնարկությունների (բացառությամբ պետական բյուջեից ֆինանսավորվող պետական ձեռնարկությունների) մասնակցության վերաբերյալ համաձայնություն տալու մասին հրահանգը` այդ մասին իրազեկ պահելով Հայաստանի Հանրապետության կառավարությանը և Հայաստանի Հանրապետության կենտրոնական բանկին: