040.0519.280800
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» օգոստոսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 օգոստոսի 2000 թվականի N 519
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԺԵԹՂԹԵՐԻ ՇՈՒԿԱՅԻ ՏԵՍՉՈՒԹՅՈՒՆԸ ԼՈՒԾԱՐԵԼՈՒ ՄԱՍԻՆ
«Արժեթղթերի շուկայի կարգավորման մասին» Հայաստանի Հանրապետության օրենքի 153 հոդվածի 1-ին կետին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության օրենսդրությամբ սահմանված կարգով լուծարել Հայաստանի Հանրապետության արժեթղթերի շուկայի տեսչությունը (այսուհետև` տեսչություն):
2. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության արժեթղթերի հանձնաժողովի ստեղծումից հետո մեկօրյա ժամկետում կազմել տեսչության լուծարման հանձնաժողով և սկսել լուծարման գործընթացը:
3. Լուծարման հանձնաժողովին` ապահովել`
ա) տեսչության լուծարման գործընթացի իրականացումը.
բ) տեսչության խնդիրների և գործառույթների հետ անմիջական առնչություն ունեցող բոլոր փաստաթղթերի հանձնումը Հայաստանի Հանրապետության արժեթղթերի հանձնաժողովին.
գ) տեսչության ֆինանսական և տնտեսական գործունեության հետ առնչվող բոլոր փաստաթղթերի հանձնումը Հայաստանի Հանրապետության ֆինանսների և էկոնոմիկայի նախարարությանը.
դ) տեսչության աշխատողների` Հայաստանի Հանրապետության օրենսդրությամբ սահմանված իրավունքները և երաշխիքները:
4. Տեսչության գույքը, այդ թվում` «ԳԱԶ 3110» մակնիշի (շասսի` 786734, թափք` XTH 311000X 02829), «ԳԱԶ 31029» մակնիշի (շասսի` 0411311, թափք` 0397365), «ՎԱԶ 21213» մակնիշի (թափք` 1361610) մեքենաները հանձնել Հայաստանի Հանրապետության արժեթղթերի հանձնաժողովի տնօրինությանը:
5. Լուծարման ընթացքում տեսչության ընթացիկ գործունեության ղեկավարման իրավասությունը վերապահել տեսչության լուծարման հանձնաժողովի նախագահին:
i
6. Ուժը կորցրած ճանաչել Հայաստանի Հանրապետության կառավարության 1998 թվականի նոյեմբերի 30-ի «Հայաստանի Հանրապետության արժեթղթերի շուկայի տեսչություն ստեղծելու մասին» N 757 որոշումը: