031.0646.240800
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ԿԱՐԳԱԴՐՈՒԹՅՈՒՆԸ
i
«ԼԻՆՍԻ» ՀԻՄՆԱԴՐԱՄԻ ԾՐԱԳՐԵՐԻ ԿԱՌԱՎԱՐՄԱՆ ԽՈՐՀՐԴԻ ԿԱՆՈՆԱԴՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
«Լինսի» հիմնադրամի ծրագրերի արդյունավետ կազմակերպման և իրականացման համար.
1. Հաստատել «Լինսի» հիմնադրամի ծրագրերի կառավարման խորհրդի կանոնադրությունը` համաձայն հավելվածի:
i
2. Հայաստանի Հանրապետության կառավարությանը` ստեղծել Հայաստանի Հանրապետությանը «Լինսի» հիմնադրամից և Հայաստանի Հանրապետության օրենսդրությամբ չարգելված այլ աղբյուրներից տրամադրվող միջոցներով «Մշակույթ», «Ճանապարհաշինություն», «Աղետի գոտի» ծրագրերն իրականացնող պետական հիմնարկներ:
(2-րդ կետը փոփ. 18.12.04 ՆԿ-318-Ա կարգադրություն)
3. Սույն կարգադրությունն ուժի մեջ է մտնում ստորագրման պահից:
24 օգոստոսի 2000 թ.
ՆԿ-646
Հավելված
ՀՀ Նախագահի
2000 թ. օգոստոսի 24-ի
ՆԿ-646 կարգադրության
ԿԱՆՈՆԱԴՐՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ «ԼԻՆՍԻ» ՀԻՄՆԱԴՐԱՄԻ ԿՈՂՄԻՑ ՏՐԱՄԱԴՐՎՈՂ ՄԻՋՈՑՆԵՐԻ ՀԱՇՎԻՆ ՆԱԽԱՊԱՏՐԱՍՏՎՈՂ ԵՎ ԻՐԱԿԱՆԱՑՎՈՂ ԾՐԱԳՐԵՐԻ ԿԱՌԱՎԱՐՄԱՆ ԽՈՐՀՐԴԻ
I. ԸՆԴՀԱՆՈՒՐ ԴՐՈՒՅԹՆԵՐ
1. «Լինսի» հիմնադրամի ծրագրերի կառավարման խորհուրդը (այսուհետ` խորհուրդ) հասարակական հիմունքներով աշխատող մարմին է:
Խորհուրդը ստեղծվել է Հայաստանի Հանրապետության Նախագահի 2000 թվականի օգոստոսի 3-ի ՆԿ-639 կարգադրությամբ:
2. Խորհուրդն իր գործունեության ընթացքում ղեկավարվում է Հայաստանի Հանրապետության օրենքներով, Հայաստանի Հանրապետության Նախագահի հրամանագրերով և կարգադրություններով, Հայաստանի Հանրապետության կառավարության որոշումներով, «Լինսի» հիմնադրամի հետ ստորագրված համաձայնագրերով և սույն կանոնադրությամբ:
3. Խորհրդի և ծրագրերի բոլոր մասնակիցների միջև հարաբերությունները կարգավորվում են Հայաստանի Հանրապետության օրենսդրությամբ, ծրագրերի համաձայնագրերով և սույն կանոնադրությամբ:
4. Խորհրդի լրիվ անվանումն է` Հայաստանի Հանրապետությանը «Լինսի» հիմնադրամի կողմից տրամադրվող միջոցների հաշվին նախապատրաստվող և իրականացվող ծրագրերի կառավարման խորհուրդ:
II. ԽՈՐՀՐԴԻ ԳՈՐԾՈՒՆԵՈՒԹՅԱՆ ՆՊԱՏԱԿԸ ԵՎ ԳՈՐԾԱՌՈՒՅԹՆԵՐԸ
5. Խորհրդի գործունեության հիմնական նպատակը «Լինսի» հիմնադրամից և Հայաստանի Հանրապետության օրենսդրությամբ չարգելված այլ աղբյուրներից Հայաստանի Հանրապետությանը տրամադրվող միջոցներով ծրագրերի իրականացման կառավարումն է:
(5-րդ կետը փոփ. 18.12.04 ՆԿ-318-Ա կարգադրություն)
6. Խորհրդի գործառույթներն են`
ա) ծրագրեր իրականացնող պետական հիմնարկների (այսուհետ` ԾԻԳ) գործունեության համակարգումը և վերահսկողությունը.
բ) ԾԻԳ-ի կողմից մշակված ծրագրերի շրջանակներում իրականացվող աշխատանքների ժամանակացույցի և ծրագրերի բյուջեների քննարկումն ու հաստատումը.
գ) ծրագրերով նախատեսված և խորհրդի կողմից հաստատված ծրագրերի կատարման մասին հաշվետվությունների քննարկումը և հաստատումը.
դ) սարքավորումների, խորհրդատվական ծառայությունների, նախագծային, շինարարական ու վերահսկման աշխատանքների ձեռքբերման նպատակով անցկացվող մրցույթների արդյունքների հաստատումը.
ե) ծրագրերի շրջանակներում տնտեսված միջոցների օգտագործման, ինչպես նաև միջոցների վերաբաշխման վերաբերյալ որոշումների ընդունումը.
զ) ԾԻԳ-ի կողմից ներկայացվող հաշվետվություններում հայտնաբերված խախտումների և թերությունների վերացման ուղղությամբ համապատասխան միջոցների ձեռնարկման վերաբերյալ որոշումների ընդունումը և դրանց կատարման նկատմամբ վերահսկողությունը.
է) ծրագրերի ավարտից հետո դրանց արդյունքներն ամփոփելը և ծրագրերի արդյունքների մասին «Լինսի» հիմնադրամին տեղեկատվություն ներկայացնելը:
7. Խորհրդի հետ համաձայնեցվում են`
ա) ԾԻԳ-ի տնօրենի նշանակումը և ազատումը.
բ) ԾԻԳ-ի կանոնադրությունը, դրանում փոփոխություններն ու լրացումները.
գ) ԾԻԳ-ի կառուցվածքը, պահպանման ծախսերը, տնօրենի վարձատրության չափը և պայմանները:
i
8. Համապատասխան ծրագրերի իրականացման համար «Լինսի» հիմնադրամից և Հայաստանի Հանրապետության օրենսդրությամբ չարգելված այլ աղբյուրներից տրամադրվող ֆինանսական միջոցները հատկացվում են խորհրդի սահմանած կարգով:
(8-րդ կետը փոփ. 18.12.04 ՆԿ-318-Ա կարգադրություն)
III. ԽՈՐՀՐԴԻ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ
9. Խորհուրդն իր աշխատանքները կազմակերպում է նիստերի միջոցով, որոնք գումարվում են առնվազն երկու ամիսը մեկ անգամ` ծրագրերի իրականացման ընթացքի և հաստատված աշխատանքային ժամանակացույցի կատարման մասին ԾԻԳ-ի տնօրենի զեկույցը լսելու և քննարկելու նպատակով, ինչպես նաև արտահերթ նիստերի` սույն կանոնադրությամբ սահմանված կարգով: Խորհրդի նիստերն արձանագրվում են:
10. Խորհուրդն իր արտահերթ նիստերը գումարում է ծրագրերի իրականացման ընթացքում առաջացած հարցերի և խնդիրների լուծման համար` խորհրդի նախագահի նախաձեռնությամբ, խորհրդի անդամների առնվազն մեկ երրորդի առաջարկությամբ:
11. Խորհրդի նիստն իրավազոր է, եթե դրան մասնակցում է խորհրդի անդամների կեսից ավելին:
12. Խորհրդի նիստը վարում է խորհրդի նախագահը կամ նրա հանձնարարությամբ` խորհրդի անդամներից մեկը: Խորհրդի որոշումներն ընդունվում են ձայների պարզ մեծամասնությամբ: Ձայների հավասարության դեպքում խորհրդի նախագահի ձայնը վճռորոշ է:
13. Խորհրդի նիստի օրակարգը կազմվում և համապատասխան փաստաթղթերով տրամադրվում է խորհրդի անդամներին` խորհրդի գումարվող նիստից 3 օր առաջ:
14. Հարցերի քննարկման ընթացքում լրացուցիչ նյութեր կամ տեղեկատվություն պահանջվելու դեպքում հարցերի քննարկումը տեղափոխվում է խորհրդի հաջորդ նիստ: ԾԻԳ-ի տնօրենը պարտավոր է ապահովել պահանջվող նյութերի տրամադրումը:
15. Խորհրդի որոշումները ստորագրում է խորհրդի նախագահը:
16. Ծրագրերի շրջանակներում առաջացող հարցերը ԾԻԳ-ի տնօրենի ներկայացմամբ քննարկվում են խորհրդի նիստերում` մեկ շաբաթվա ընթացքում:
17. Խորհրդի հաստատմանն են ներկայացվում ԾԻԳ-ի կողմից կազմված մրցույթների հայտահրավերները, ներկայացված մրցութային առաջարկների ամփոփ տեղեկանքը, անվավեր ճանաչված առաջարկների հիմնավորումները, հանձնաժողովի` հաղթող ճանաչելու մասին որոշումը, նախատեսվող գնի հիմնավորումը:
IV. ԽՈՐՀՐԴԻ ՆԱԽԱԳԱՀԸ ԵՎ ԱՆԴԱՄՆԵՐԸ
18. Խորհրդի նախագահը`
ա) ներկայացնում է խորհուրդը այլ մարմինների և կազմակերպությունների հետ փոխհարաբերություններում.
բ) կազմակերպում և ղեկավարում է խորհրդի գործունեությունը:
19. Խորհրդի այն անդամը, որը համաձայն չէ խորհրդի ընդունած որոշմանը, ներկայացնում է իր գրավոր հատուկ կարծիքը, որը կցվում է որոշմանը և գրառվում խորհրդի նիստի արձանագրության մեջ:
20. Խորհրդի անդամի պարտականությունները կարող են դադարեցվել խորհրդի նախագահի առաջարկությամբ` Հայաստանի Հանրապետության Նախագահի կարգադրությամբ:
21. Խորհրդի անհատական կազմը հաստատում է Հայաստանի Հանրապետության Նախագահը:
V. ԽՈՐՀՐԴԻ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ
22. Խորհրդի գործունեությունը դադարում է Հայաստանի Հանրապետության Նախագահի կարգադրությամբ: