ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 սեպտեմբերի 1994 թ. թիվ 429
«ՄԻՋԱԶԳԱՅԻՆ ԳԻՏԱՏԵԽՆԻԿԱԿԱՆ ԿԵՆՏՐՈՆԻ ՀԻՄՆԱԴՐՄԱՆ ՄԱՍԻՆ» ՀԱՄԱՁԱՅՆԱԳՐԻՆ ՄԻԱՆԱԼՈՒ ՄԱՍԻՆ
Ընդունելով միջազգային գիտատեխնիկական կենտրոնի (ՄԳՏԿ) նպատակները և «Միջազգային գիտատեխնիկական կենտրոնի հիմնադրման մասին» համաձայնագրում ամրագրված սկզբունքները ու ելնելով Հայաստանի Հանրապետության գիտատեխնիկական, կոնստրուկտորատեխնոլոգիական, նախագծային, արտադրական և այլ կազմակերպությունների ու ձեռնարկությունների կողմից կատարվող գիտահետազոտական աշխատանքների և փորձարարակոնստրուկտորային մշակումների վերակողմնորոշման (կոնվերսիայի) անհրաժեշտությունից, Հայաստանի Հանրապետության կառավարությունը որոշում է.
1. Միանալ «Միջազգային գիտատեխնիկական կենտրոնի հիմնադրման մասին» համաձայնագրին:
i
2. Սահմանել, որ «Միջազգային գիտատեխնիկական կենտրոնի հիմնադրման մասին» համաձայնագրի շրջանակներում Հայաստանի Հանրապետությունում կատարվող աշխատանքները համակարգում է Հայաստանի Հանրապետության կրթության և գիտության նախարարը:
/խմբ. 27.12.96 թիվ 389 որոշում/