050.0333.261200
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
26 դեկտեմբերի 2000 թվականի թիվ 333
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՀԱՇՎԱՊԱՀԱԿԱՆ ՀԱՇՎԱՌՄԱՆ ՀԱՇԻՎՆԵՐԻ ՊԼԱՆՈՒՄ» ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետի դրույթներով` Հայաստանի Հանրապետության կենտրոնական բանկի խորհուրդը որոշում է.
i
1. Հայաստանի Հանրապետության կենտրոնական բանկի խորհրդի 2000 թվականի մարտի 22-ի թիվ 58 որոշմամբ հաստատված «ՀՀ կենտրոնական բանկի հաշվապահական հաշվառման հաշիվների պլանում» կատարել հետևյալ փոփոխությունները`
- 756 «Հիմնական միջոցների դուրսգրման և իրացման ծախսեր» ենթաբաժինը վերանվանել «Հիմնական միջոցների և պաշարների դուրսգրման ու իրացման ծախսեր»
- 756 «Հիմնական միջոցների և պաշարների դուրսգրման ու իրացման ծախսեր» ենթաբաժնում բացել 7563 «Պաշարների դուրսգրման ծախսեր» և 7564 «Պաշարների իրացման ծախսեր» հաշիվները
- 757 «Վերագնահատման բացասական արդյունքից առաջացած ծախս» ենթաբաժինը վերանվանել «Հիմնական միջոցների և պաշարների վերագնահատման բացասական արդյունքից առաջացած ծախսեր»
- 757 «Հիմնական միջոցների և պաշարների վերագնահատման բացասական արդյունքից առաջացած ծախսեր» ենթաբաժնում բացել 7572 «Պաշարների վերագնահատման բացասական արդյունքից առաջացած ծախս» հաշիվը
- 656 «Հիմնական միջոցների իրացումից առաջացած եկամուտներ» ենթաբաժինը վերանվանել «Հիմնական միջոցների և պաշարների իրացումից առաջացած եկամուտներ»
- 656 «Հիմնական միջոցների և պաշարների իրացումից առաջացած եկամուտներ» ենթաբաժնում բացել 6562 «Պաշարների իրացումից առաջացած եկամուտներ» հաշիվը
- 657 «Հիմնական միջոցների վերագնահատման դրական արդյունքից առաջացած եկամուտներ» ենթաբաժինը վերանվանել «Հիմնական միջոցների և պաշարների վերագնահատման դրական արդյունքից առաջացած եկամուտներ»
- 657 «Հիմնական միջոցների և պաշարների վերագնահատման դրական արդյունքից առաջացած եկամուտներ» ենթաբաժնում բացել 6572 «Պաշարների վերագնահատման դրական արդյունքից առաջացած եկամուտներ» հաշիվը
- 77 «Ապարատի պահպանման ծախսեր» բաժնում բացել 775 «Աշխատակիցների սոցիալական ապահովության ծախսեր» ենթաբաժինը
- 775 «Աշխատակիցների սոցիալական ապահովության ծախսեր» ենթաբաժնում բացել 7751 «Աշխատակիցների բժշկական ապահովագրության ծախսեր», 7752 «Աշխատակիցների հանգստի կազմակերպման ծախսեր» և 7753 «Աշխատակիցների սոցիալական ապահովության այլ ծախսեր» հաշիվները:
2. Հանձնարարել Հայաստանի Հանրապետության կենտրոնական բանկի հաշվապահական հաշվառման վարչությանը` համապատասխան փոփոխություններ կատարել «Հայաստանի Հանրապետության կենտրոնական բանկի հաշվապահական հաշվառման վարման կանոնները» և «Հայաստանի Հանրապետության կենտրոնական բանկի ծախսերի նախահաշվի և կապիտալ ներդրումների ծրագրի կազմումը, կատարումը և վերահսկումը» ձեռնարկներում:
3. Սույն որոշումն ուժի մեջ է մտնում ընդունման պահից: