040.0903.311200
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«31» դեկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 դեկտեմբերի 2000 թվականի N 903
i
«ՍՈԼԱՐԷՆ» ՄԻՋԱԶԳԱՅԻՆ ԸՆԿԵՐՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՀՈՂՄԱՅԻՆ ԷՆԵՐԳԻԱՅԻ ԱՐՏԱԴՐՄԱՆ ԾՐԱԳԻՐՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ
Ելնելով Հայաստանի Հանրապետությունում էլեկտրաէներգիայի արտադրության այլընտրանքային աղբյուրների զարգացման և էներգետիկ անկախության աստիճանի բարձրացման անհրաժեշտությունից, ինչպես նաև հիմք ընդունելով «Պետական սահմանի մասին» Հայաստանի Հանրապետության օրենքի 19-րդ և 21-րդ հոդվածները` Հայաստանի Հանրապետության կառավարությունը որոշում է.
1. Հավանություն տալ «Սոլարէն» միջազգային ընկերության և Հայաստանի Հանրապետության էներգետիկայի նախարարության միջև 2000 թվականի նոյեմբերի 3-ին Երևանում ստորագրված` մտադրությունների մասին հուշագրին:
2. Հայաստանի Հանրապետության Գեղարքունիքի մարզպետին` հիմք ընդունելով «Սոլարէն» միջազգային ընկերության կողմից ներկայացված` Գեղարքունիքի մարզի Սոթքի լեռնանցքի շրջանում 10-20 ՄՎտ ընդհանուր հզորությամբ հողմաէլեկտրակայանքների կառուցման համար հողային տարածքի ընտրության վերաբերյալ տեխնիկական հիմնավորումը` 25-օրյա ժամկետում սահմանված կարգով «Սոլարէն» սահմանափակ պատասխանատվությամբ ընկերությանը Սոթքի լեռնանցքի շրջանում առանց մրցույթի հատկացնել 200 հեկտար հողատարածք և նրա հետ կնքել 30 տարի ժամկետով վարձակալության պայմանագիր` ապահովելով գույքային իրավունքների պետական գրանցումը:
3. Սույն որոշումն ուժի մեջ է մտնում 2000 թվականի դեկտեմբերի 31-ից: