041.0010.040101
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
4 հունվարի 2001 թվականի N 10
2001 ԹՎԱԿԱՆԻ ՄԱՅԻՍԻ 9-11-Ը ՆՅՈՒ ՅՈՐՔՈՒՄ ԿԱՅԱՆԱԼԻՔ «ՀԻՆԱՎՈՒՐՑ ԵՐԿԻՐ - ՆՈՐ ՀՈՐԻԶՈՆՆԵՐ» ԽՈՐԱԳՐՈՎ ՀԱՄԱԺՈՂՈՎԻ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԻ ՄԱՍԻՆ
2001 թվականի մայիսի 9-11-ը Նյու Յորքում կայանալիք համաժողովի նախապատրաստական աշխատանքների իրականացումն ապահովելու նպատակով`
1. Ստեղծել կազմակերպչական հանձնաժողով և հաստատել դրա կազմը (կցվում է):
2. Հաստատել «Հինավուրց երկիր - նոր հորիզոններ» խորագրով համաժողովի նախապատրաստական աշխատանքների իրականացման միջոցառումների ժամանակացույցը (կցվում է):
3. Կազմակերպչական հանձնաժողովին` ապահովել ժամանակացույցում նշված միջոցառումների իրականացումը:
4. Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության արտաքին գործերի նախարարությանը, Հայաստանի Հանրապետության գյուղատնտեսության նախարարությանը, Հայաստանի Հանրապետության էներգետիկայի նախարարությանը, Հայաստանի Հանրապետության պետական գույքի կառավարման նախարարությանը, Հայաստանի Հանրապետության տրանսպորտի և կապի նախարարությանը, Հայաստանի Հանրապետության ֆինանսների և էկոնոմիկայի նախարարությանը, «Զարգացման հայկական գործակալություն» փակ բաժնետիրական ընկերությանը` իրենց ոլորտում նախապատրաստական աշխատանքների իրականացման, ներդրումային ծրագրերի փաթեթ մշակելու և կազմակերպչական հանձնաժողովին աջակցելու նպատակով ստեղծել համապատասխան աշխատանքային խմբեր:
5. Կազմակերպչական հանձնաժողովին, Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության արտաքին գործերի նախարարությանը, Հայաստանի Հանրապետության ֆինանսների և էկոնոմիկայի նախարարությանը, «Զարգացման հայկական գործակալություն» փակ բաժնետիրական ընկերությանը` համաժողովի նախապատրաստման և անցկացման աշխատանքները պատշաճ մակարդակով ապահովելու նպատակով համագործակցել համապատասխան միջազգային ֆինանսական կազմակերպությունների հետ:
6. Հայաստանի Հանրապետության արդյունաբերության և առևտրի նախարարությանը` ոչ ուշ, քան յուրաքանչյուր ամիսը մեկ անգամ Հայաստանի Հանրապետության Նախագահի աշխատակազմին և Հայաստանի Հանրապետության կառավարությանը տեղեկացնել համաժողովի նախապատրաստական աշխատանքների կատարման ընթացքի մասին:
i
7. Ուժը կորցրած ճանաչել Հայաստանի Հանրապետության վարչապետի 1999 թվականի հոկտեմբերի 22-ի «2000 թվականի մայիսին Լոնդոնում կայանալիք «Հայաստանը 21-րդ դարում» վեհաժողովի նախապատրաստական աշխատանքների մասին» N 658, 2000 թվականի հունվարի 10-ի «Հայաստանի Հանրապետության վարչապետի 1999 թվականի հոկտեմբերի 22-ի N 658 որոշման մեջ փոփոխություններ կատարելու մասին» N 8, մայիսի 30-ի «Հայաստանի Հանրապետության վարչապետի 1999 թվականի հոկտեմբերի 22-ի N 658 որոշման մեջ փոփոխություններ կատարելու մասին» N 308, հուլիսի 27-ի «Հայաստանի Հանրապետության վարչապետի 1999 թվականի հոկտեմբերի 22-ի N 658 որոշման մեջ փոփոխություն կատարելու մասին» N 487 և նոյեմբերի 17-ի «Հայաստանի Հանրապետության վարչապետի 1999 թվականի հոկտեմբերի 22-ի N 658 որոշման մեջ փոփոխություններ կատարելու» N 768 որոշումները:
Հաստատված է
ՀՀ վարչապետի 2001 թվականի
հունվարի 4-ի N 10 որոշմամբ
ԺԱՄԱՆԱԿԱՑՈՒՅՑ
«Հինավուրց երկիր - նոր հորիզոններ» խորագրով համաժողովի
նախապատրաստական աշխատանքների իրականացման միջոցառումների
.__________________________________________________________________________.
| Միջոցառման անվանումը | Կատարման ժամկետը |
|_______________________________________________________|__________________|
|Համաժողովի խորագրի և նախնական օրակարգի մշակում | 05.01.2001 |
|_______________________________________________________|__________________|
|Մասնակիցների (հրավիրյալների) նախնական ցանկի պատրաստում | 05.01.2001 |
|_______________________________________________________|__________________|
|Միջազգային ֆինանսական կորպորացիայի (IFC) և Հայաստանի | 10.01.2001 |
|Հանրապետության կառավարության կողմից ներկայացվելիք | |
|ներդրումային ծրագրերի նախնական ընտրություն և փաթեթի | |
|պատրաստում | |
|_______________________________________________________|__________________|
|Մասնակիցներին հրավերքների ուղարկում | 15.01.2001 |
|_______________________________________________________|__________________|
|Ներդրումային ծրագրերի վերջնական փաթեթի մշակում | 01.02.2001 |
|_______________________________________________________|__________________|
|«Հայաստանի կառավարության ներդրումային ռազմավարությունը | 01.03.2001 |
|և տնտեսական զարգացումը» համակարգչային ծրագրի | |
|պատրաստում | |
| | |
|Ընտրված ներդրումային ծրագրերի (Project Presentation) | |
|ներկայացման պատրաստում | |
| | |
|Համաժողովին մասնակցելու համար Հայաստանում գործող | |
|ներդրողների վերջնական ցանկի մշակում | |
|_______________________________________________________|__________________|
|Ներդրումային համաժողովի անցկացում | 09.05-11.05.2001 |
.__________________________________________________________________________.
Հաստատված է
ՀՀ վարչապետի 2001 թվականի
հունվարի 4-ի N 10 որոշմամբ
ԿԱԶՄ
կազմակերպչական հանձնաժողովի
ՀՀ արդյունաբերության և առևտրի նախարար
(հանձնաժողովի նախագահ)
ՀՀ արտաքին գործերի նախարար
ՀՀ գյուղատնտեսության նախարար
ՀՀ էներգետիկայի նախարար
ՀՀ պետական գույքի կառավարման նախարար
ՀՀ տրանսպորտի և կապի նախարար
ՀՀ ֆինանսների և էկոնոմիկայի նախարար
ՀՀ Նախագահի տնտեսական հարցերով գլխավոր խորհրդական
(համաձայնությամբ)
ՀՀ արտադրական ենթակառուցվածքների գործունեությունը
համակարգող նախարարի տեղակալ
ՀՀ արդյունաբերության և առևտրի նախարարի տեղակալ
ԱՄՆ-ում Հայաստանի Հանրապետության դեսպան
ՀՀ կառավարության աշխատակազմի արտադրական ենթակառուցվածքների
վարչության պետ
«Զարգացման հայկական գործակալություն» ՓԲԸ-ի գործադիր տնօրեն
«Զարգացման հայկական գործակալություն» ՓԲԸ-ի «Մեկ կանգառի կենտրոն»
ծրագրի ղեկավար
ՀՀ արդյունաբերության և առևտրի նախարարության ներդրումային
քաղաքականության վարչության պետ
(հանձնաժողովի քարտուղար)