(ուժը կորցրել է 03.05.18 թիվ 546-Ն որոշում)
i
040.0865.020705
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«2» հուլիսի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
9 հունիսի 2005 թվականի N 865-Ն
ՄԱՔՍԱՅԻՆ ՄԱՐՄԻՆՆԵՐԻ ՏԵՂԱԿԱՅՄԱՆ ՎԱՅՐԵՐԸ ԵՎ ՄԱՔՍԱՏՆԵՐԻ ԳՈՐԾՈՒՆԵՈՒԹՅԱՆ ՏԱՐԱԾՔՆԵՐԸ ՀԱՍՏԱՏԵԼՈՒ ՄԱՍԻՆ
«Մաքսային կարգավորման մասին» Հայաստանի Հանրապետության օրենքի 6-րդ հոդվածի 3-րդ մասին և 4-րդ մասի 2-րդ կետին համապատասխան` Հայաստանի Հանրապետության կառավարությունը որոշում է.
1. Սահմանել մաքսային մարմինների տեղակայման վայրերը` համաձայն հավելվածի:
2. Սահմանել, որ`
i
ա) «Զվարթնոց» մաքսային գործունեության տարածք է հանդիսանում «Զվարթնոց և «Էրեբունի» օդանավակայանների տարածքները` այդ օդանավակայաններով Հայաստանի Հանրապետության մաքսային սահմանով տեղափոխվող ապրանքների դեպքում, ինչպես «Զվարթնոց» մաքսատանը հաշվառված արտաքին տնտեսական գործունեություն իրականացնողների կողմից ապրանքների տեղափոխման դեպքում` Հայաստանի Հանրապետության ամբողջ տարածքը.
բ) միջազգային ճանապարհային փոխադրումների տարածաշրջանային մաքսատան գործունեության տարածք է հանդիսանում Հայաստանի Հանրապետության ամբողջ տարածքը.
գ) Արարատյան տարածաշրջանային մաքսատան գործունեության տարածք է հանդիսանում Երևանը, Հայաստանի Հանրապետության Արարատի, Արմավիրի, Արագածոտնի, Կոտայքի և Գեղարքունիքի մարզերի վարչական տարածքները.
դ) Սյունիքի տարածաշրջանային մաքսատան գործունեության տարածք է հանդիսանում Սյունիքի և Վայոց ձորի մարզերի վարչական տարածքները.
ե) Գուգարքի տարածաշրջանային մաքսատան գործունեության տարածք է հանդիսանում Լոռու և Տավուշի մարզերի վարչական տարածքները.
զ) Շիրակի տարածաշրջանային մաքսատան գործունեության տարածք է հանդիսանում Շիրակի մարզի վարչական տարածքը.
է) ավտոտրանսպորտային միջոցների մաքսային ձևակերպումների մասնագիտացված մաքսատան գործունեության տարածք է հանդիսանում Հայաստանի Հանրապետության ամբողջ տարածքը.
ը) ակցիզային հարկով հարկվող ապրանքների մաքսային ձևակերպումների մասնագիտացված մաքսատան գործունեության տարածք է հանդիսանում Հայաստանի Հանրապետության ամբողջ տարածքը.
թ) Հայաստանի Հանրապետության ֆինանսների նախարարության միջազգային փոստային և սուրհանդակային առաքումներով փոխադրվող ապրանքների մասնագիտացված մաքսատան գործունեության տարածք է Հայաստանի Հանրապետության ամբողջ տարածքը:
(2-րդ կետը փոփ. 22.09.06 թիվ 1330-Ն, 12.10.06 թիվ 1496-Ն, 20.08.09 թիվ 945-Ն, 19.03.15 թիվ 252-Ն որոշումներ)
(նախաբանը փոփ. 19.03.15 թիվ 252-Ն որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՀՈՒՆԻՍԻ 29-ԻՆ
Հավելված
i
ՀՀ կառավարության
2005 թվականի հունիսի 9-ի
N 865-Ն որոշման
ՄԱՔՍԱՅԻՆ ՄԱՐՄԻՆՆԵՐԻ ՏԵՂԱԿԱՅՄԱՆ ՎԱՅՐԵՐԸ
Հայաստանի Հանրապետության ֆինանսների նախարարություն` Ավտոտրանսպորտային միջոցների մաքսային ձևակերպումների մասնագիտացված մաքսատուն` քաղ. Երևան, Մելիք-Ադամյան 1, Մովսես Խորենացու 3,7
«Զվարթնոց» մաքսատուն` քաղ. Երևան, «Զվարթնոց» օդանավակայան
Արարատյան տարածաշրջանային մաքսատուն` քաղ. Երևան, Ծովակալ Իսակովի 10
Նոր Հաճնի մասնագիտացված մաքսային կետ` ՀՀ Կոտայքի մարզ, քաղ. Նոր Հաճն, Թորոզյան 7
Սյունիքի տարածաշրջանային մաքսատուն` ՀՀ Սյունիքի մարզ, Շաքիի համայնք
Մեղրու մաքսային կետ` ՀՀ սյունիքի մարզ, Կարճևանի համայնք
Գուգարքի տարածաշրջանային մաքսատուն` ՀՀ Լոռու մարզ, քաղ. Վանաձոր, Մոսկովյան 44
Բագրատաշենի մաքսային կետ` ՀՀ Տավուշի մարզ, Բագրատաշենի համայնք
Այրում-Ջիլիզայի մաքսային կետ` ՀՀ Լոռու մարզ, «Այրում» ե/գ կայարան, Լոռու մարզ, Ալավերդու համայնք, Մադան թաղամաս
Գոգավան-Պրիվոլնոյեի մաքսային կետ` ՀՀ Լոռու մարզ, Ձորամուտի համայնք, գյուղ Գոգավան, Լոռու մարզ, Պրիվոլնոյեի համայնքն
Շիրակի տարածաշրջանային մաքսատուն` ՀՀ Շիրակի մարզ, քաղ. Գյումրի, Մովսես Խորենացու 1, 2
Բավրայի մաքսային կետ` ՀՀ Շիրակի մարզ, Բավրայի համայնք
«Շիրակ» օդանավակայանի մաքսային կետ` ՀՀ Շիրակի մարզ, քաղ. Գյումրի, «Շիրակ» օդանավակայան
Միջազգային ճանապարհային փոխադրումների մաքսատուն` քաղ. Երևան, Ծովակալ Իսակովի 10
Ակցիզային հարկով հարկվող ապրանքների մաքսային ձևակերպումների մասնագիտացված մաքսատուն` քաղ. Երևան, Ծովակալ Իսակովի 10 ա
Հայաստանի Հանրապետության ֆինանսների նախարարության միջազգային փոստային և սուրհանդակային առաքումներով փոխադրվող ապրանքների մասնագիտացված մաքսատուն` քաղ. Երևան, Տիգրան Մեծի 1-ին փակուղի, 1
(հավելվածը փոփ. 22.09.06 թիվ 1330-Ն, 12.07.07 թիվ 790-Ա, 20.08.09 թիվ 945-Ն, 19.03.15 թիվ 252-Ն որոշումներ)