040.0087.070201
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«7» փետրվարի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 փետրվարի 2001 թվականի N 87
i
«ԲԵՐԴ ՀՅՈՒՐԱՆՈՑ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ
Հայաստանի Հանրապետության կառավարության 2000 թվականի մարտի 13-ի «Մի շարք բաժնետիրական ընկերություններ (ձեռնարկություններ) լուծարելու, Հայաստանի Հանրապետության կառավարության մի շարք որոշումներ մասնակի ուժը կորցրած ճանաչելու մասին» N 110 որոշմամբ լուծարվող «Բերդ հյուրանոց» պետական փակ բաժնետիրական ընկերության գույքի ամբողջականությունը պահպանելու և ընկերության պարտավորությունները մարելու նպատակով Հայաստանի Հանրապետության կառավարությունը որոշում է.
i
1. «Բերդ հյուրանոց» պետական փակ բաժնետիրական ընկերության լուծարման հանձնաժողովին`
ա) Հայաստանի Հանրապետության կառավարության 1998 թվականի մարտի 27-ի «Մասնավորեցվող «փոքր» օբյեկտների պետական գույքի գնահատման կարգը հաստատելու մասին» N 208 որոշմամբ հաստատված կարգով 31483,8 հազ. դրամ գնահատված «Բերդ հյուրանոց» պետական փակ բաժնետիրական ընկերության գույքը` որպես ամբողջական միավոր, վաճառել մրցույթով.
բ) սահմանել մրցույթի հաղթողին որոշելու հետևյալ պայմանները`
գույքի համար առաջարկվող գինը,
ներդրումների չափը` տարիների կտրվածքով.
գ) սահմանել գույքի վաճառքի նվազագույն գինը` 4900 հազ. դրամ:
2. Հայաստանի Հանրապետության պետական գույքի կառավարման նախարարությանը`
ա) մրցույթի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ վաճառքի ենթակա գույքի, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին.
բ) երկամսյա ժամկետում ապահովել մրցույթի անցկացումը:
3. Մրցույթի մասնակցության կանխավճարի չափը սահմանել գույքի գնահատված մեծության 5 տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:
4. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության կառավարությանն առընթեր միգրացիայի և փախստականների վարչությանը` մրցույթի կայացումից հետո 10-օրյա ժամկետում ապահովել հատուկ հաշվի բացումը` հյուրանոցում փաստացի բնակվող փախստական ընտանիքների վերաբնակեցման հիմնախնդրի լուծման համար:
5. Սահմանել, որ մրցույթում հաղթող ճանաչված մասնակիցը մրցույթի արձանագրությունն ստանալու օրվանից մեկ ամսվա ընթացքում սույն որոշման 4-րդ կետում նշված հատուկ հաշվին պետք է փոխանցի 3,0 մլն դրամ` 2000 թվականի դեկտեմբերի 1-ի դրությամբ հյուրանոցում ապաստանած 5 փախստական ընտանիքից յուրաքանչյուրի համար 600 հազ. դրամ հաշվարկով:
i
6. Հայաստանի Հանրապետության կառավարությանն առընթեր միգրացիայի և փախստականների վարչությանը` մրցույթի հաղթողի կողմից ամբողջ գումարը փոխանցվելուց հետո երկու ամսվա ընթացքում Հայաստանի Հանրապետության կառավարության 1999 թվականի փետրվարի 2-ի «Հայաստանի Հանրապետության պետական կառավարման հանրապետական և տարածքային մարմինների կողմից բնակարանների, շենքերի ու շինությունների գնման և վարձակալության կարգը հաստատելու մասին» N 45 որոշմամբ հաստատված կարգով կազմակերպել բնակարանների գնումը` փախստական ընտանիքներին հատկացնելու համար` ապահովելով հյուրանոցում նրանց զբաղեցրած տարածքների ազատումը:
7. Սույն որոշումն ուժի մեջ է մտնում 2001 թվականի փետրվարի 7-ից: