ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
29 նոյեմբերի 1994 թ. թիվ 551
i
ԲՌՆԱԴԱՏՎԱԾԻ ԿԱՐԳԱՎԻՃԱԿ ՈՒՆԵՑՈՂ ԱՆՁԱՆՑ ԿԱՄ ՆՐԱՆՑ ԱՌԱՋԻՆ ՀԵՐԹԻ ԺԱՌԱՆԳՆԵՐԻՆ ՎԿԱՅԱԿԱՆ ՏԱԼՈՒ ԿԱՐԳԻ ՄԱՍԻՆ
Ի կատարումն Հայաստանի Հանրապետության Գերագույն խորհրդի 1994 թվականի մայիսի 25-ի «Բռնադատվածների մասին» Հայաստանի Հանրապետության օրենքը կիրարկելու մասին» որոշման, Հայաստանի Հանրապետության կառավարությունը որոշում է.
1. Հաստատել բռնադատվածի կարգավիճակ ունեցող անձանց կամ նրանց առաջին հերթի ժառանգներին վկայական տալու կարգը (կցվում է):
i
2. Հաստատել բռնադատվածի կարգավիճակ ունեցող անձանց կամ նրանց առաջին հերթի ժառանգներին վկայականներ տվող հանձնաժողովի կազմը, համաձայն հավելվածի:
Հայաստանի Հանրապետության ներքին գործերի և ազգային անվտանգության նախարարությանը` ապահովել հանձնաժողովի աշխատանքների հետ կապված հարցերի լուծումը:
(2-րդ կետն ուժը կորցրել է հանձնաժողովի մասով 09.01.98 թիվ 13 որոշում)
3. Հայաստանի Հանրապետության կառավարությանն առընթեր հրատարակչական գործի վարչությանը` երկամսյա ժամկետում ապահովել բռնադատվածի կարգավիճակ ունեցող անձանց կամ նրանց առաջին հերթի ժառանգներին տրվող վկայականների ձևերի տպագրումը` համաձայն բռնադատվածի կարգավիճակ ունեցող անձանց կամ նրանց առաջին հերթի ժառանգներին վկայականներ տվող հանձնաժողովի հայտերի:
ՀԱՍՏԱՏՎԱԾ Է
ՀՀ կառավարության 1994 թ.
նոյեմբերի 29-ի թիվ 551 որոշմամբ
Կ Ա Ր Գ
ԲՌՆԱԴԱՏՎԱԾԻ ԿԱՐԳԱՎԻՃԱԿ ՈՒՆԵՑՈՂ ԱՆՁԱՆՑ ԿԱՄ ՆՐԱՆՑ
ԱՌԱՋԻՆ ՀԵՐԹԻ ԺԱՌԱՆԳՆԵՐԻՆ ՎԿԱՅԱԿԱՆ ՏԱԼՈՒ
1. Բռնադատվածի կարգավիճակ ունեցող անձանց (այսուհետև` բռնադատված) կամ նրանց առաջին հերթի ժառանգներին տրվում են սույն կարգով սահմանված ձևի վկայականներ ( թիվ 1 և թիվ 2 ձևերը կցվում են), որոնք հանդիսանում են նրանց կարգավիճակը հաստատող փաստաթուղթ:
Նշված անձանց վկայականը տրվում է նրանց օրենքով սահմանված իրավունքներն ու օրինական շահերը պաշտպանելու և արտոնություններից օգտվելու նպատակով:
2. Բռնադատվածների կամ նրանց առաջին հերթի ժառանգներին վկայականը տրվում է վկայականներ տվող հանձնաժողովի ( այսուհետև` հանձնաժողով) կողմից: Վկայականը տրվում է բռնադատվածի կամ նրա առաջին հերթի ժառանգների դիմումի հիման վրա:
Վկայականը բռնադատվածների առաջին հերթի ժառանգներին է տրվում այն դեպքում, եթե նրանք դատապարտված են եղել մահապատժի կամ մահացել են ազատազրկման ձևով պատիժը կրելիս կամ այդ պատիժը կրելուց հետո:
3. Բռնադատվածի վկայական ստանալու համար հանձնաժողովին ներկայացվում է դիմում, որին կցվում են`
ա) արդարացման վերաբերյալ որոշումը կամ բռնադատման փաստը հաստատող այլ փաստաթղթեր.
բ) բռնադատվածի մահվան վկայականը, եթե այն տրվում է նրա առաջին հերթի ժառանգներին.
գ) բռնադատվածի և նրա առաջին հերթի ժառանգների ազգակցական կապը հաստատող փաստաթուղթ:
4. Հանձնաժողովը նիստում քննության է առնում վկայական տալու մասին դիմումը` կից փաստաթղթերով, այն ստանալու օրվանից երկամսյա ժամկետում, անհրաժեշտության դեպքում ստուգում է ներկայացված փաստաթղթերի արժանահավատությունը և ընդունում որոշում` բռնադատվածին կամ նրա առաջին հերթի ժառանգներին համապատասխան վկայական տալու կամ դիմումը մերժելու մասին:
Հանձնաժողովն իրավազոր է որոշում կայացնելու այն դեպքում, երբ նիստին մասնակցում են նրա անդամների կեսից ավելին:
Հանձնաժողովն ընդունած որոշման մասին տասնօրյա ժամկետում հայտնում է բռնադատվածին կամ նրա առաջին հերթի ժառանգին: Դիմումը մերժելու դեպքում նրանց հայտնում է նաև մերժման պատճառները:
Մերժման որոշումը կարող է գանգատարկվել դատական կարգով:
5. Վկայական տալու մասին դիմումի քննարկմանը կարող է մասնակցել նաև բռնադատվածը կամ նրա առաջին հերթի ժառանգը:
6. Վկայականները ստորագրում են հանձնաժողովի նախագահը, քարտուղարը և հաստատվում են կնիքով:
7. Վկայականը հաշվառվում է հատուկ հաշվառման մատյանում և բռնադատվածին կամ նրա առաջին հերթի ժառանգին տրվում ստորագրությամբ:
8. Օտարերկրյա քաղաքացիների և քաղաքացիություն չունեցող անձանց վկայականները տրվում են ընդհանուր հիմունքներով:
Ծանոթություն : ՀՀ քաղաքացիական օրենսգրքի 535 հոդվածի համաձայն
առաջին հերթի ժառանգներ են հանդիսանում բռնադատվածի
զավակները (այդ թվում` որդեգրվածները), ամուսինն ու
ծնողները (որդեգրողները), ինչպես նաև բռնադատվածի այն
երեխան, որը ծնվել է նրա մահից հետո:
Ձև թիվ 1
i
ՎԿԱՅԱԿԱՆ ԹԻՎ -----------
ԲՌՆԱԴԱՏՎԱԾԻ ԿԱՐԳԱՎԻՃԱԿ ՈՒՆԵՑՈՂ ԱՆՁԻ
Բռնադատված -----------------------------------------------------------
(անունը, հայրանունը, ազգանունը)
Ծննդյան տարեթիվը -----------------------------------------------------
Բնակության վայրը -----------------------------------------------------
Վկայականը բռնադատվածներին տրվում է Հայաստանի Հանրապետության օրենսդրությամբ սահմանված և նրանց վերապահված արտոնություններից օգտվելու համար:
Վկայականը բռնադատվածին տրվում է հանձնաժողովի ----------------------
(ամսաթիվ,
-----------------------------------որոշման հիման վրա:
ամիս, տարեթիվ)
Կ.Տ. Բռնադատվածի կարգավիճակ ունեցող
անձանց և նրանց առաջին հերթի
ժառանգներին վկայականներ տվող
հանձնաժողովի նախագահ
------------------------------
(ստորագրությունը)
Ն.Տ.
«------»------------------199 թ.
Ձև թիվ 1
Վ Կ Ա Յ Ա Կ Ա Ն ԹԻՎ -----------
ԲՌՆԱԴԱՏՎԱԾԻ ԿԱՐԳԱՎԻՃԱԿ ՈՒՆԵՑՈՂ ԱՆՁԻ ԱՌԱՋԻՆ ՀԵՐԹԻ ԺԱՌԱՆԳՆԵՐԻ
Բռնադատված -----------------------------------------------------------
(անունը, հայրանունը, ազգանունը)
Բռնադատվածի առաջին հերթի ժառանգ --------------------------------------
(անունը, հայրանունը, ազգանունը)
Բռնադատվածի կարգավիճակ ունեցող անձի առաջին հերթի ժառանգներին վկայականը տրվում է Հայաստանի Հանրապետության օրենսդրությամբ սահմանված և նրանց վերապահված արտոնություններից օգտվելու համար:
Վկայականը տրվում է բռնադատվածի առաջին հերթի ժառանգներին հանձնաժողովի
------------------------------------------- որոշման հիման վրա:
(ամսաթիվ, ամիս, տարեթիվ)
Կ.Տ. Բռնադատվածի կարգավիճակ ունեցող անձանց
և նրանց առաջին հերթի ժառանգներին
վկայականներ տվող հանձնաժողովի նախագահ
--------------------------------------
(ստորագրությունը)
«-------»--------------------199 թ.