(ուժը կորցրել է 02.07.01 թիվ 588 որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
8 ապրիլի 1994 թ. թիվ 163
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԽՄԵԼՈՒ ՋՐԻ ՄԱՏԱԿԱՐԱՐՄԱՆ ԵՎ ՋՐԱՀԵՌԱՑՄԱՆ ԲԱՐԵԼԱՎՄԱՆ ՄԻՋՈՑԱՌՈՒՄՆԵՐԻ ՄԱՍԻՆ
Հայաստանի Հանրապետության կառավարությունը որոշում է`
i
1. Թույլատրել պատգամավորների Երևանի քաղխորհրդի գործկոմին և Հայաստանի Հանրապետության կառավարությանն առընթեր «Հայբնակկոմտնտ» ՀՄ-ին, Հայաստանի Հանրապետության էկոնոմիկայի նախարարության հետ, համաձայնեցնելով ոչ հաճախ, քան ամիսը մեկ անգամ իրենց համակարգերի ձեռնարկությունների, հիմնարկների և կազմակերպությունների համար սահմանել խմելու ջրի մատակարարման միասնական միջինացված սակագներ:
Սակագները սահմանելիս, բնակչությանը խմելու ջրի մատակարարումից առաջացած վնասները ծածկելուց հետո, շահութաբերության մակարդակն ընդունել մինչև 15 տոկոս:
/փոփ. 31.03.95 թիվ 165 որոշում, ուժը կորցրել է 09.07.97 թիվ 256 որոշում/
2. Թույլատրել պատգամավորների Երևանի քաղխորհրդի գործկոմի ջրմուղկոյուղու տնտեսության հատուկ նշանակության պետական ձեռնարկությանը և Հայաստանի Հանրապետության կառավարությանն առընթեր «Հայբնակկոմտնտ» հանրապետական միավորման «Հայջրմուղկոյուղի» հատուկ նշանակության պետական ձեռնարկությանը կատարել ենթակա ձեռնարկությունների հաշվեկշռային շահույթների կենտրոնացում և վերաբաշխում:
Հայաստանի Հանրապետության հարկային պետական տեսչությանը` ջրմուղկոյուղու տնտեսության ՀՆՊՁ-ի և «Հայջրմուղկոյուղի» ՀՆՊՁ-ի համակարգերից շահութահարկի գանձումն իրականացնել կենտրոնացված կարգով:
3. Հայաստանի Հանրապետության գյուղատնտեսության նախարարության «Հայգյուղջրատարշին» ՀՇՇՄ-ի «Գյուղջրմուղ» պետական ձեռնարկությունը հանձնել Հայաստանի Հանրապետության կառավարությանն առընթեր «Հայբնակկոմտնտ» հանրապետական միավորման ենթակայությանը:
Հայաստանի Հանրապետության գյուղատնտեսության նախարարությանը և Հայաստանի Հանրապետության կառավարությանն առընթեր «Հայբնակկոմտնտ» հանրապետական միավորմանը` մեկամսյա ժամկետում ավարտել «Գյուղջրմուղ» պետական ձեռնարկության գույքի սահմանված կարգով հանձնման-ընդունման աշխատանքները:
4. Հայաստանի Հանրապետության ֆինանսների նախարարությանը` շահագրգիռ կազմակերպությունների հետ համատեղ վերլուծել «Գյուղջրմուղ» պետական ձեռնարկության և Հայաստանի Հանրապետության կառավարությանն առընթեր «Հայբնակկոմտնտ» հանրապետական միավորման 1993 թվականի գործունեությունից առաջացած վնասների պատճառները և քննարկման արդյունքների հիման վրա 10-օրյա ժամկետում ներկայացնել առաջարկություններ Հայաստանի Հանրապետության կառավարություն: