05/04/2018 - 22/07/2022
040.0925.120711
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 հունիսի 2011 թվականի N 925-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ՈՒ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.
i
1. Հայաստանի Հանրապետության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման NN 10 և 11 հավելվածներում կատարել լրացումներ ու փոփոխություններ` համաձայն NN 1 և 2 հավելվածների:
2. Հայաստանի Հանրապետության Լոռու մարզի Ստեփանավան քաղաքի Դեսինի NN 47, 45 և Պրոմեթևսի NN 28, 49 հասցեներում գտնվող շենքերի (այսուհետ` գույք) նկատմամբ Հայաստանի Հանրապետության Լոռու մարզի Ստեփանավանի քաղաքային համայնքի սեփականության իրավունքը գրանցելու և հետագայում բնակարանները Հայաստանի Հանրապետության քաղաքաշինության նախարարի կողմից հաստատված` Հայաստանի Հանրապետության Լոռու մարզի Ստեփանավան քաղաքում երկրաշարժի հետևանքով անօթևան մնացած, 2008 թվականի նոյեմբերի 1-ի դրությամբ սահմանված կարգով հաշվառված ընտանիքների բնակարանային խնդիրների լուծման նպատակով` Հայաստանի Հանրապետության 2010 թվականի պետական բյուջեով նախատեսված հատկացումների հաշվին իրականացված բնակարանային շինարարության ծրագրի շրջանակներում կառուցված բազմաբնակարան շենքերից բնակարան ստացող ընտանիքների (այսուհետ` շահառու) ցուցակին համապատասխան հատկացնելու համար` Հայաստանի Հանրապետության 2011 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության քաղաքաշինության նախարարությանը 2011 թվականի ինն ամսում հատկացնել 2,117.0 հազ. դրամ, այդ թվում`
1) 293.0 հազ. դրամ` սույն որոշման 2-րդ կետում նշված գույքի նկատմամբ Հայաստանի Հանրապետության Լոռու մարզի Ստեփանավանի քաղաքային համայնքի սեփականության իրավունքը գրանցելու համար, որից`
ա. գույքի նկատմամբ իրավունքների պետական գրանցման համար պետական տուրքի գծով` 4.0 հազ. դրամ (բյուջետային ծախսերի տնտեսագիտական դասակարգման «Պարտադիր վճարներ» հոդվածով),
բ. գույքի նկատմամբ իրավունքների պետական գրանցման համար` 289.0 հազ. դրամ (բյուջետային ծախսերի տնտեսագիտական դասակարգման «Մասնագիտական ծառայություններ» հոդվածով).
2) 1,824.0 դրամ` սույն որոշման 2-րդ կետում նշված գույքը շահառուներին տրամադրելու նպատակով գործարքների վավերացման, գույքի նկատմամբ իրավունքների պետական գրանցման և գրանցված իրավունքների ու սահմանափակումների մասին տեղեկատվության տրամադրման համար, որից`
ա. պայմանագրի նոտարական վավերացման համար համապատասխան համայնքների բյուջեներ գանձվող պետական տուրքի գծով` 280.0 հազ. դրամ (բյուջետային ծախսերի տնտեսագիտական դասակարգման «Պարտադիր վճարներ» հոդվածով),
բ. նոտարի մատուցած ծառայությունների համար վճարելու նպատակով` 56.0 հազ. դրամ (բյուջետային ծախսերի տնտեսագիտական դասակարգման «Մասնագիտական ծառայություններ» հոդվածով),
գ. գույքի նկատմամբ իրավունքների պետական գրանցման համար պետական տուրքի գծով` 1,120.0 հազ. դրամ (բյուջետային ծախսերի տնտեսագիտական դասակարգման «Պարտադիր վճարներ» հոդվածով),
դ. գույքի նկատմամբ իրավունքների պետական գրանցման և գրանցված իրավունքների ու սահմանափակումների մասին տեղեկատվության տրամադրման համար` 368.0 հազ. դրամ (բյուջետային ծախսերի տնտեսագիտական դասակարգման «Մասնագիտական ծառայություններ» հոդվածով):
3. Սահմանել, որ սույն որոշման 2-րդ կետում նշված գումարներից նույն կետում նախատեսված ծախսերի ֆինանսավորումն իրականացվում է, եթե բնակարանները հատկացվում են Հայաստանի Հանրապետության քաղաքաշինության նախարարի կողմից հաստատված ցուցակին համապատասխան` հիմք ընդունելով Հայաստանի Հանրապետության Լոռու մարզի Ստեփանավանի քաղաքային համայնքի ղեկավարի գրավոր համաձայնությունը:
4. Հայաստանի Հանրապետության քաղաքաշինության նախարարին` նոտարական ծառայություններ մատուցող նոտարների հետ կնքել փոխհատուցման պայմանագիր:
i
5. Առաջարկել Հայաստանի Հանրապետության Լոռու մարզի Ստեփանավանի համայնքի ղեկավարին սույն որոշման 2-րդ կետում նշված`
1) շահառուների հետ կնքել նվիրատվության պայմանագրեր.
2) շենքերի չբաշխված բնակարանները նվիրել Հայաստանի Հանրապետության պաշտպանության նախարարության կողմից ներկայացված շահառուներին` նվիրատվության պայմանագրերում նախատեսելով, որ պայմանագրի նոտարական վավերացման և դրանից ծագող իրավունքների պետական գրանցման հետ կապված վճարումները կատարվում են նվիրառուների միջոցների հաշվին:
(5-րդ կետը փոփ. 06.03.18 թիվ 303-Ն, 21.07.2022 թիվ 1113-Ն որոշումներ)
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2011 ԹՎԱԿԱՆԻ ՀՈՒԼԻՍԻ 12-ԻՆ
Հավելված N 1
ՀՀ կառավարության
2011 թվականի հունիսի 23-ի
N 925-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ N 10 ՀԱՎԵԼՎԱԾՈՒՄ ԿԱՏԱՐՎՈՂ ԼՐԱՑՈՒՄՆԵՐԸ ԵՎ ՓՈՓՈԽՈՒԹՅՈՒՆՆԵՐԸ
._____________________________________________________________________.
|Անվանումը |Գնման|Չափի|Ցուցանիշների |
| |ձևը |միա-|փոփոխությունը |
| | |վորը|(ավելացումները|
| | | |նշված են |
| | | |դրական նշանով)|
| | | |______________|
| | | |քանակը|գումարը|
| | | | |(հազ. |
| | | | |դրամ) |
|_____________________________________________________________|_______|
|ՀՀ քաղաքաշինության նախարարություն | 424.0|
|_____________________________________________________________|_______|
|Բաժին N 11 |Խումբ N 01 |Դաս N 01 |ՀՀ կառավարության | 424.0|
| | | |պահուստային ֆոնդ | |
|___________________________________________|_________________|_______|
|Նոտարի մատուցած ծառայությունների դիմաց |ԲԸԱՀ |դրամ| 1 | 56.0|
|փոխհատուցման վճարում | | | | |
|___________________________________________|_____|____|______|_______|
|Գույքի նկատմամբ իրավունքների պետական |ԲԸԱՀ |դրամ| 1 | 368.0|
|գրանցման և գրանցված իրավունքների ու | | | | |
|սահմանափակումների մասին տեղեկատվության | | | | |
|տրամադրում | | | | |
._____________________________________________________________________.
Հավելված N 2
ՀՀ կառավարության
2011 թվականի հունիսի 23-ի
N 925-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ N 11 ՀԱՎԵԼՎԱԾԻ N 11.22 ԱՂՅՈՒՍԱԿՈՒՄ ԿԱՏԱՐՎՈՂ ԼՐԱՑՈՒՄՆԵՐԸ
._____________________________________________________________________.
|Չափորոշիչներ |Ցուցանիշների փոփոխությունը |
| |(ավելացումները նշված են |
| |դրական նշանով) |
| |_____________________________|
| |ոչ ֆինանսական|ֆինանսական |
| |ցուցանիշներ |ցուցանիշներ |
| |_____________|_______________|
| |ինն | տարի |ինն | տարի |
| |ամիս | |ամիս | |
|_____________________________________________________________________|
|ՄԱՍ Բ: Կառավարչական հիմնարկի անմիջական գործունեության կառավարման |
|արդյունքները |
| |
|1. Անմիջականորեն մատուցվող ծառայությունների արդյունքային ցուցանիշները|
|_____________________________________________________________________|
|Ծրագրային|Մատուցվող ծառայության անվանումը |
|դասիչը |Պայմանագրի նոտարական վավերացման համար համապատասխան |
| |համայնքների բյուջեներ գանձվող պետական տուրքի, նոտարի |
| |մատուցած ծառայությունների դիմաց փոխհատուցում վճարելու և |
| |գույքի նկատմամբ իրավունքների պետական գրանցման համար պետական|
| |տուրքի ծառայություններ |
|_________| |
|Ը011|ԾՏ01|Նկարագրությունը |
| | |ՀՀ Լոռու մարզի Ստեփանավան քաղաքի Դեսինի NN 47, 45 և |
| | |Պրոմեթևսի NN 28, 49 հասցեներում գտնվող շենքերը ՀՀ Լոռու |
| | |մարզի Ստեփանավանի քաղաքային համայնքի անունով գրանցելը և |
| | |շահառուներին հատկացնելը |
|_________|___________________________________________________________|
|Քանակական|Մշակված չէ | | | | |
|_______________________________________|______|______|_______|_______|
|Մատուցվող ծառայության վրա կատարվող | X | X |2,117.0|2,117.0|
|ծախսը (հազ. դրամ) | | | | |
|_____________________________________________________________________|
|Ծրագիրը (ծրագրերը), որի (որոնց) շրջանակներում իրականացվում է |
|քաղաքականության միջոցառումը |
|Ը005 Բնակարանային ապահովում |
|_____________________________________________________________________|
|Վերջնական արդյունքի նկարագրությունը |
|Ծրագիրը կնպաստի երկրաշարժի հետևանքով անօթևան մնացած ընտանիքների` |
|բնակարանով ապահովմանը: |
|_____________________________________________________________________|
|Ծառայություն մատուցողի (մատուցողների) անվանումը (անվանումները) |
|«ՀՀ քաղաքաշինության նախարարության աշխատակազմ» պետական կառավարչական |
|հիմնարկ |
._____________________________________________________________________.