i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 մայիսի 2019 թվականի N 666-Ա
ՀՈՂԱՄԱՍԻՑ ՍԱՀՄԱՆԱՓԱԿ ՕԳՏՎԵԼՈՒ ԻՐԱՎՈՒՆՔ (ՍԵՐՎԻՏՈՒՏ) ՏՐԱՄԱԴՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 210-րդ հոդվածը, Հայաստանի Հանրապետության հողային օրենսգրքի 3-րդ հոդվածի 2-րդ կետը և 50-րդ հոդվածի 3-րդ կետի 1-ին ենթակետը, ինչպես նաև «Տեղական ինքնակառավարման մասին» Հայաստանի Հանրապետության օրենքի 43-րդ հոդվածի 2-րդ մասի 2-րդ կետը` Հայաստանի Հանրապետության կառավարությունը որոշում է.
1. Հայաստանի Հանրապետության տնտեսական զարգացման և ներդրումների նախարարության պետական գույքի կառավարման կոմիտեին ամրացված` Երևան քաղաքի Միկոյան 18/4 հասցեում գտնվող` 0.4462 հեկտար մակերեսով հողամասը սահմանափակ օգտվելու իրավունքով (սերվիտուտով) տրամադրել Երևան քաղաքի Միկոյան 18/2 հասցեի սեփականատեր «Կամ Դևելոփմենթս» սահմանափակ պատասխանատվությամբ ընկերությանը` (այսուհետ` ընկերություն) հողամասով անցնելու կամ երթևեկելու համար:
2. Առաջարկել Երևանի քաղաքապետին մեկամսյա ժամկետում ընկերության հետ կնքել հողամասից սահմանափակ օգտվելու իրավունքի (սերվիտուտի) պայմանագիր` դրանում սահմանելով, որ`
1) ընկերությունը պարտավորվում է հողամասից սահմանափակ օգտվելու իրավունքի (սերվիտուտի) դիմաց վճարել 100 000 դրամ տարեկան վճար.
2) պայմանագրի նոտարական վավերացման և դրանից բխող գույքային իրավունքների պետական գրանցման հետ կապված ծախսերը ենթակա են իրականացման` ընկերության միջոցների հաշվին:
Հայաստանի Հանրապետության
վարչապետ Ն. Փաշինյան
2019 թ. հունիսի
Երևան