Սեղմել Esc փակելու համար:
ՀՀ 2001 ԹՎԱԿԱՆԻ ՊԵՏԱԿԱՆ ԲՅՈՒՋԵՈՎ ՆԱԽԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ 2001 ԹՎԱԿԱՆԻ ՊԵՏԱԿԱՆ ԲՅՈՒՋԵՈՎ ՆԱԽԱՏԵՍՎԱԾ ՊԵՏԱԿԱ ...

 

 

040.0373.300401

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«30» ապրիլի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

30 ապրիլի 2001 թվականի N 373

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2001 ԹՎԱԿԱՆԻ ՊԵՏԱԿԱՆ ԲՅՈՒՋԵՈՎ ՆԱԽԱՏԵՍՎԱԾ ՊԵՏԱԿԱՆ ՏՈՒՐՔԻ ԵՎ ՈՉ ՀԱՐԿԱՅԻՆ ԵԿԱՄՈՒՏՆԵՐԻ ԳԱՆՁՄԱՆ ԱՇԽԱՏԱՆՔՆԵՐԸ ԿԱՆՈՆԱԿԱՐԳԵԼՈՒ ՄԱՍԻՆ

 

Հայաստանի Հանրապետության 2001 թվականի պետական բյուջեով նախատեսված պետական տուրքի և ոչ հարկային եկամուտների հավաքագրման և բյուջետային մուտքերի ապահովման արդյունավետության բարձրացման նպատակով Հայաստանի Հանրապետության կառավարությունը որոշում է.

i

1. Հայաստանի Հանրապետության նախարարություններին, գերատեսչություններին, մարզպետներին, Երևանի քաղաքապետին`

ա) անհրաժեշտ միջոցներ ձեռնարկել Հայաստանի Հանրապետության 2001 թվականի պետական բյուջեով նախատեսված և Հայաստանի Հանրապետության կառավարության 2001 թվականի հունվարի 30-ի «Հայաստանի Հանրապետության 2001 թվականի պետական բյուջեի կատարումն ապահովող միջոցառումների մասին» N 68 որոշման 2.7-րդ կետով սահմանված` տարեկան և եռամսյակային համամասնություններին համապատասխան եկամուտների մուտքերն ամբողջությամբ ապահովելու համար.

i

բ) յուրաքանչյուր եռամսյակ Հայաստանի Հանրապետության պետական բյուջե գանձված ոչ հարկային եկամուտների, ինչպես նաև բնօգտագործման և բնապահպանական վճարների վերաբերյալ տեղեկությունները մինչև տվյալ եռամսյակին հաջորդող ամսվա 15-ը ներկայացնել Հայաստանի Հանրապետության պետական եկամուտների նախարարություն` վերջինիս կողմից սահմանված ձևերով և կարգով.

գ) յուրաքանչյուր եռամսյակ Հայաստանի Հանրապետության կառավարության 2001 թվականի հունվարի 30-ի «Հայաստանի Հանրապետության 2001 թվականի պետական բյուջեի կատարումն ապահովող միջոցառումների մասին» N 68 որոշման 2.7-րդ կետով սահմանված եկամտատեսակների գծով նախատեսված եռամսյակային գումարներից պակաս մուտքեր ապահովելու դեպքում, տվյալ եռամսյակի ավարտից հետո, մինչև տվյալ եռամսյակին հաջորդող ամսվա 25-ը Հայաստանի Հանրապետության կառավարություն ներկայացնել տեղեկատվություն թերկատարման պատճառների մասին և առաջարկություններ` դրանց վերացման վերաբերյալ:

2. Հայաստանի Հանրապետության պետական եկամուտների նախարարությանը`

ա) ապահովել Հայաստանի Հանրապետության 2001 թվականի պետական բյուջե մուտքագրվող պետական տուրքի և ոչ հարկային եկամուտների գումարների վճարման նկատմամբ վերահսկողության իրականացումը և Հայաստանի Հանրապետության պետական բյուջեի` պայմանագրերով կարգավորվող առանձին եկամուտների ամբողջական հաշվեգրումը Հայաստանի Հանրապետության պետական բյուջե.

բ) յուրաքանչյուր եռամսյակի ավարտից հետո, մինչև տվյալ եռամսյակին հաջորդող ամսվա 25-ը, ամփոփել պետական կառավարման մարմինների կողմից ներկայացված հաշվետվությունները և դրանք ներկայացնել Հայաստանի Հանրապետության կառավարություն:

3. Հայաստանի Հանրապետության մարզպետներին և Երևանի քաղաքապետին` անհրաժեշտ միջոցներ ձեռնարկել համայնքների վարչական սահմաններից դուրս գտնվող պետական պահուստային ֆոնդի հողերի օգտագործման նպատակով Հայաստանի Հանրապետության օրենսդրությամբ սահմանված կարգով վարձակալության պայմանագրերի կնքման, վարձավճարների, ինչպես նաև կանխավճարների ժամանակին գանձման և ամբողջությամբ Հայաստանի Հանրապետության պետական բյուջե մուտքագրման համար:

4. Հայաստանի Հանրապետության տրանսպորտի և կապի նախարարությանը`

ա) անհրաժեշտ միջոցներ ձեռնարկել միջպետական և հանրապետական նշանակության ավտոմոբիլային ճանապարհներին տեղադրված գովազդների` համապատասխան ժամանակահատվածի համար հաշվարկված վճարն ամբողջությամբ գանձելու համար.

բ) համագործակցելով Հայաստանի Հանրապետության ներքին գործերի նախարարության և Հայաստանի Հանրապետության մարզպետարանների հետ` կանխել միջպետական և հանրապետական ավտոմոբիլային ճանապարհներին գովազդների տեղադրումն առանց կնքված համապատասխան պայմանագրերի:

5. Հայաստանի Հանրապետության պետական գույքի կառավարման նախարարությանը` անհրաժեշտ միջոցներ ձեռնարկել պետական մարմինների, դրանց ենթակա հիմնարկների հաշվեկշիռներում հաշվառվող գույքի վարձակալության պայմանագրերով նախատեսված վարձավճարների ժամանակին գանձումը և Հայաստանի Հանրապետության պետական բյուջե մուտքագրումն ապահովելու համար:

6. Սահմանել, որ սույն որոշման կատարման նկատմամբ վերահսկողությունն իրականացնում է Հայաստանի Հանրապետության պետական եկամուտների նախարարությունը:

7. Սույն որոշումն ուժի մեջ է մտնում 2001 թվականի ապրիլի 30-ից:

 

 

pin
ՀՀ կառավարություն
30.04.2001
N 373
Որոշում