ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ
ՀՐԱՄԱՆ
31 հուլիսի 2018 թվականի թիվ 7-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ ԽՈՐՀՐԴԱԿԱՆՆԵՐԻ ԵՎ ՕԳՆԱԿԱՆՆԵՐԻ ՄԻՋԵՎ ՊԱՐՏԱԿԱՆՈՒԹՅՈՒՆՆԵՐԸ ԲԱՇԽԵԼՈՒ ՎԵՐԱԲԵՐՅԱԼ ՑԱՆԿԸ ՀԱՍՏԱՏԵԼՈՒ ՄԱՍԻՆ
Համաձայն «Հայաստանի Հանրապետության ոստիկանության կանոնադրությունը հաստատելու մասին» Հայաստանի Հանրապետության վարչապետի 11.06.2018 թ. թիվ 751-Լ որոշման 20-րդ կետի 7-րդ ենթակետի պահանջի, ինչպես նաև Հայաստանի Հանրապետության ոստիկանության համակարգի առանձին կարևորություն ունեցող ոլորտների համակարգումը կազմակերպելու և անմիջական հսկողություն իրականացնելու նպատակով.
ՀՐԱՄԱՅՈՒՄ ԵՄ`
1. Հաստատել Հայաստանի Հանրապետության ոստիկանության պետի խորհրդականների և օգնականների միջև պարտականությունների բաշխման ցանկը` համաձայն հավելվածի:
2. Հրամանը հայտարարել ՀՀ ոստիկանության բարձրագույն, գլխավոր, ավագ և միջին խմբերի պաշտոններ զբաղեցնող ծառայողներին:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԳՆԴԱՊԵՏ
2018 ԹՎԱԿԱՆԻ ՀՈՒԼԻՍԻ 31-ԻՆ
Հավելված
ՀՀ ոստիկանության պետի
2018 թվականի հուլիսի 31-ի
թիվ 7-Լ հրամանի
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ ԽՈՐՀՐԴԱԿԱՆՆԵՐԻ ԵՎ ՕԳՆԱԿԱՆՆԵՐԻ ՄԻՋԵՎ ՊԱՐՏԱԿԱՆՈՒԹՅՈՒՆՆԵՐԻ ԲԱՇԽՄԱՆ
1. ՀՀ ոստիկանության պետի գլխավոր խորհրդական, ոստիկանության գնդապետ` Գ. Բադիրյան
ՀՀ ոստիկանության Երևան քաղաքի վարչության ՊՊԾ գնդի 4-րդ և 5-րդ հատուկ գումարտակներում ծառայության ընդունվելու թեկնածուների ընտրություն, նրանց մասնագիտական գիտելիքների ստուգում, ինչպես նաև ծառայողական գործունեության ընթացիկ վերլուծություն:
2. ՀՀ ոստիկանության պետի խորհրդական` Ա. Ավոյան
Ոստիկանության գործունեության նկատմամբ հասարակական վերահսկողություն իրականացնելու նպատակով ստեղծված ՀՀ ոստիկանության պետին կից հասարակական խորհրդի գործառույթների պատշաճ կազմակերպում և իրականացում:
3. ՀՀ ոստիկանության պետի խորհրդական` Գ. Աբովյան
«Հանրապետության ոստիկանության վետերանների խորհուրդ» հասարակական կազմակերպության անդամների և ոստիկանության համակարգի միջև ակտիվ փոխհամագործակցության աշխատանքների կազմակերպում և վերահսկողություն:
(3-րդ կետը փոփ. 28.03.2019 թիվ 4-Լ հրաման)
4. ՀՀ ոստիկանության պետի խորհրդական` Մ. Կիրակոսյան
Ոստիկանության Երևան քաղաքի, մարզային վարչությունների և դրանց ենթակա տարածքային բաժինների, մարզպետարանների և համայնքների ղեկավարների ու ներկայացուցիչների հետ` համայնքում առկա խնդիրների քննարկման և դրանց լուծման, ինչպես նաև ոստիկանություն-համայնք փոխհամագործակցությունն ակտիվացնելու և ամրապնդելու նպատակով տեղերում անցկացված հանդիպումների տեսաձայնագրությունների ու արձանագրությունների, ինչպես նաև համայնքային ոստիկանության ծառայության առանձնահատկությունների ուսումնասիրման և ծառայողների շրջանում ոլորտի վերաբերյալ մասնագիտական գիտելիքների համալրման նպատակով վերոնշյալ ստորաբաժանումների անձնակազմի հետ անցկացված դասընթացների տեսաձայնագրությունների պարբերաբար ամփոփում:
5. ՀՀ ոստիկանության պետի խորհրդական` Ա. Կիրակոսյան
Հասարակական կարգի պահպանության և հասարակական անվտանգության ապահովման ոլորտի համակարգում, քաղաքականության մշակում, ինչպես նաև խնդրահարույց հարցերի լուծմանն ուղղված խորհրդատվությունների տրամադրում:
(5-րդ կետը փոփ. 30.08.2018 թիվ 9-Լ, 28.03.2019 թիվ 4-Լ հրամաններ)