040.0414.150501
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«15» մայիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 մայիսի 2001 թվականի N 414
i
ԹՈՒՐՔՄԵՆՍՏԱՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԱՅԻՆ ՆԵՐԿԱՅԱՑՈՒՑՉՈՒԹՅՈՒՆ ՍՏԵՂԾԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 1993 թվականի սեպտեմբերի 10-ի «Արտասահմանում Հայաստանի Հանրապետության առևտրական ներկայացուցչությունների մասին» N 457 որոշումը և «Հայաստանի Հանրապետության կառավարության և Թուրքմենստանի կառավարության միջև ազատ առևտրի մասին» համաձայնագրի 16-րդ հոդվածը` Հայաստանի Հանրապետության կառավարությունը որոշում է.
i
1. Թուրքմենստանում գրանցված և այնտեղ գործունեություն իրականացնող «Պրոգրես» տնտեսավարող ընկերությունը Հայաստանի Հանրապետության կառավարության 1993 թվականի սեպտեմբերի 10-ի N 457 որոշմամբ հաստատված` արտասահմանում Հայաստանի Հանրապետության առևտրական ներկայացուցչությունների մասին կանոնադրության 12-րդ կետով սահմանված կարգով օժտել Թուրքմենստանում Հայաստանի Հանրապետության առևտրական ներկայացուցչության լիազորություններով:
2. Հայաստանի Հանրապետության արդյունաբերության և առևտրի նախարարությանը` «Պրոգրես» տնտեսավարող ընկերության հետ կնքել համաձայնագիր` Հայաստանի Հանրապետության կառավարության 1993 թվականի սեպտեմբերի 10-ի N 457 որոշմամբ հաստատված կանոնադրության համաձայն:
3. Հայաստանի Հանրապետության արտաքին գործերի նախարարությանը և Հայաստանի Հանրապետության ֆինանսների և էկոնոմիկայի նախարարությանը` «Պրոգրես» տնտեսավարող ընկերության միջոցների հաշվին Աշգաբատ քաղաքում Հայաստանի Հանրապետության դեսպանության շենք կառուցելու և կառուցված շենքից նրան Հայաստանի Հանրապետության առևտրական ներկայացուցչության կարիքների համար անհրաժեշտ տարածք հատկացնելու նպատակով «Պրոգրես» տնտեսավարող ընկերության հետ կնքել պայմանագիր:
4. Սույն որոշումն ուժի մեջ է մտնում 2001 թվականի մայիսի 15-ից: