040.0487.020601
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«2» հունիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
2 հունիսի 2001 թվականի N 487
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ԴԵԿՏԵՄԲԵՐԻ 21-Ի N 860 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հանրապետության հաշմանդամների առողջարանային բուժման համար լրացուցիչ ուղեգրեր ձեռք բերելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2000 թվականի դեկտեմբերի 21-ի «Հայաստանի Հանրապետության սոցիալական ապահովագրության պետական հիմնադրամի 2001 թվականի բյուջեի մասին» N 860 որոշման մեջ կատարել հետևյալ փոփոխությունները`
i
որոշմամբ հաստատված` Հայաստանի Հանրապետության սոցիալական ապահովագրության պետական հիմնադրամի 2001 թվականի բյուջեի ծախսային մասի «3. Զբաղվածության պետական ծրագրեր» կետով և նույն կետի «ընթացիկ տարվա ծախս» ենթակետի «ա) գործազրկության նպաստներ» տողով նախատեսված գումարները պակասեցնել 200.0 մլն դրամով` նույն չափով ավելացնելով «4. Սոցիլական ապահովագրության առանձին պետական ծրագրեր» կետով և նույն կետի «բ) հաշմանդամների առողջարանային բուժման ուղեգրերի ձեռքբերում» տողով նախատեսված գումարները:
2. Սույն որոշումն ուժի մեջ է մտնում 2001 թվականի հունիսի 2-ից: