ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 փետրվարի 2020 թվականի N 164-Ա
ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ ԵՎ ԱՄՐԱՑՆԵԼՈՒ ՄԱՍԻՆ
i
Ղեկավարվելով Հայաստանի Հանրապետության քաղաքացիական օրենսգրքի 594-րդ հոդվածով, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ մասով և «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածով` Հայաստանի Հանրապետության կառավարությունը որոշում է.
1. Որպես նվիրատվություն Հայաստանի Հանրապետությանն ընդունել` Միավորված ազգերի զարգացման ծրագրի (այսուհետ` ՄԱԶԾ) Հայաստանի Հանրապետությունում իրականացվող «Հայաստանում կլիմայի փոփոխության ազդեցության մեղմումը անտառային և դաշտային հրդեհների կառավարման և ներուժի զարգացման միջոցով» ՄԱԶԾ - Ռուսաստան N 00102520/00104555 ծրագրի շրջանակներում 24,400,000.00 դրամ ընդհանուր արժողությամբ ձեռք բերված մեքենաները (այսուհետ` գույք)` համաձայն հավելվածի:
2. Սույն որոշման 1-ին կետում նշված գույքը սեփականության իրավունքով ամրացնել Հայաստանի Հանրապետության շրջակա միջավայրի նախարարության անտառային կոմիտեի «Հայանտառ» պետական ոչ առևտրային կազմակերպությանը:
3. Հայաստանի Հանրապետության շրջակա միջավայրի նախարարին` սույն որոշումն ուժի մեջ մտնելուց հետո`
1) 10-օրյա ժամկետում ապահովել որոշման 1-ին կետում նշված գույքի` որպես նվիրատվության մասին պայմանագրի կնքումը.
2) սույն կետի 1-ին ենթակետում նշված աշխատանքների ավարտից հետո 15-օրյա ժամկետում ապահովել մեքենաների պետական գրանցումը և հաշվառումը.
3) սույն կետի 1-ին և 2-րդ ենթակետերով նախատեսված աշխատանքների իրականացման հետ կապված ծախսերն իրականացնել գույքն ընդունող կողմի միջոցների հաշվին:
Հայաստանի Հանրապետության
փոխվարչապետ Տ. Ավինյան
2020 թ. փետրվարի 14
Երևան
Հավելված
ՀՀ կառավարության
2020 թվականի փետրվարի 13-ի
N 164-Ա որոշման
ՑԱՆԿ
ՄԻԱՎՈՐՎԱԾ ԱԶԳԵՐԻ ԶԱՐԳԱՑՄԱՆ ԾՐԱԳՐԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇՐՋԱԿԱ ՄԻՋԱՎԱՅՐԻ ՆԱԽԱՐԱՐՈՒԹՅԱՆԸ ՓՈԽԱՆՑՎԱԾ ՄԵՔԵՆԱՆԵՐԻ
._________________________________________________________________.
|NN | Անվանումը |Քա- |Միավորի |Միավորի |
| | |նակը|գինը |գումարը |
| | | |(ԱՄՆ |(դրամ *) |
| | | |դոլար) | |
|___|________________________________|____|_________|_____________|
|1. |Միցուբիշի L-200 D/CAB |1 |25,608.73|12,200,000.00|
| |Արտադրման տարին - 2018 | | | |
| |Երաշխիք - 3 տարի կամ 100 000 կմ | | | |
| |VIN -MMBNG45KXJH059587 | | | |
|___|________________________________|____|_________|_____________|
|2. |Միցուբիշի L-200 D/CAB |1 |25,608.73|12,200,000.00|
| |Արտադրման տարին - 2018 | | | |
| |Երաշխիք - 3 տարի կամ 100 000 կմ | | | |
| |VIN -MMBNG45K7JH059577 | | | |
|___|________________________________|____|_________|_____________|
| |ԸՆԴԱՄԵՆԸ | |51,217.46|24,400,000.00|
._________________________________________________________________.
*) UNORE փոխարժեք 2019 թ. սեպտեմբերի դրությամբ 1 USD=476,4 AMD