ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՈՒՐԴ
ՈՐՈՇՈՒՄ
ԲԴԽ-5-Ո-9
2020 թ.
ԻՐԱՎՈՒՆՔԻ ՈՒԺՈՎ ՆՇԱՆԱԿՎԱԾ ԴԱՏԱՎՈՐԻՆ ՏՐՎՈՂ ԾԱՌԱՅՈՂԱԿԱՆ ՎԿԱՅԱԿԱՆԻ ՏՐՄԱՆ ԿԱՐԳԸ ԵՎ ՁԵՎԸ ՍԱՀՄԱՆԵԼՈՒ ՄԱՍԻՆ
i
Հիմք ընդունելով «Հայաստանի Հանրապետության դատական օրենսգիրք» սահմանադրական օրենքի 62-րդ հոդվածի 1-ին մասը, 89-րդ հոդվածի 1-ին մասի 45-րդ կետը և ղեկավարվելով 94-րդ հոդվածի 1-ին մասով` Բարձրագույն դատական խորհուրդը
ՈՐՈՇՈՒՄ Է
1. Սահմանել իրավունքի ուժով նշանակված դատավորին տրվող ծառայողական վկայականի տրման կարգը և ծառայողական վկայականի ձևը` համաձայն հավելվածի:
2. Սույն որոշումն ուժի մեջ է մտնում հրապարակմանը հաջորդող օրվանից:
ԲԱՐՁՐԱԳՈՒՅՆ ԴԱՏԱԿԱՆ
ԽՈՐՀՐԴԻ ՆԱԽԱԳԱՀ Ռ. ՎԱՐԴԱԶԱՐՅԱՆ
2020թ. փետրվարի 27
Երևան
Հավելված
Բարձրագույն դատական խորհրդի
2020թ. փետրվարի 27-ի
թիվ ԲԴԽ-5-Ո-9 որոշման
ԻՐԱՎՈՒՆՔԻ ՈՒԺՈՎ ՆՇԱՆԱԿՎԱԾ ԴԱՏԱՎՈՐԻՆ ՏՐՎՈՂ ԾԱՌԱՅՈՂԱԿԱՆ ՎԿԱՅԱԿԱՆԻ ՏՐՄԱՆ ԿԱՐԳԸ ԵՎ ԾԱՌԱՅՈՂԱԿԱՆ ՎԿԱՅԱԿԱՆԻ ՁԵՎԸ
1. Իրավունքի ուժով նշանակված դատավորին պաշտոնավարման ամբողջ ժամանակահատվածի համար ծառայողական վկայական (այսուհետ` Վկայական) տրվում է «Հայաստանի Հանրապետության դատական օրենսգիրք» սահմանադրական օրենքի 118-րդ հոդվածի 3-րդ մասով սահմանված դեպքերում:
2. Վկայականը տրվում է Բարձրագույն դատական խորհրդի նախագահի կողմից` դատական իշխանության պաշտոնական ինտերնետային կայքում իրավունքի ուժով դատավորի նշանակման վերաբերյալ համապատասխան հայտարարության հրապարակումից հետո մեկամսյա ժամկետում:
3. Վկայականի կորստյան, օգտագործման համար ոչ պիտանի դառնալու դեպքերում դատավորն այդ մասին հայտնում է Դատական դեպարտամենտի ղեկավարին:
4. Կորցրած, ինչպես նաև օգտագործման համար ոչ պիտանի դարձած Վկայականն անվավեր է ճանաչվում Դատական դեպարտամենտի ղեկավարի հրամանով:
5. Կորցրած Վկայականը դատավորի կողմից հայտնաբերվելու դեպքում այն անմիջապես հանձնվում է Դատական դեպարտամենտի կենտրոնական մարմին` ոչնչացման նպատակով:
6. Դատավորի լիազորությունների դադարման կամ դադարեցման դեպքերում, Վկայականն առձեռն հանձնվում է դատարանի նախագահին կամ դրա անհնարինության դեպքում` Դատական դեպարտամենտի անձնակազմի կառավարման վարչություն:
7. Վկայականի հաշվառումը և տրամադրումն իրականացվում է Դատական դեպարտամենտի անձնակազմի կառավարման վարչության կողմից` իրավունքի ուժով նշանակված դատավորին տրվող ծառայողական վկայականների տրման և հաշվառման մատյաններով (ձև 1):
8. Վկայականի պատրաստումն իրականացնում է Դատական դեպարտամենտի Նյութատեխնիկական ապահովման վարչությունը:
9. Վկայականը բացված վիճակում ունի 6,5 x 20 սմ չափսեր (ձև 2):
10. Վկայականի կազմի գույնը մուգ շագանակագույն է, պատրաստվում է կաշվից կամ կաշվին փոխարինող նյութի երեսապատումով ստվարաթղթից, իսկ միջուկի գույնը վարդագույն է:
11. Վկայականի կազմի վրա` միջնամասում, պատկերվում է Հայաստանի Հանրապետության ոսկեգույն զինանշանը, իսկ զինանշանից ներքև` հայերեն ոսկեգույն մեծատառերով նշվում են «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» բառերը:
12. Վկայականի միջուկի ձախ և աջ հատվածների հետին պլանում պատկերվում է Հայաստանի Հանրապետության զինանշանը:
13. Վկայականի միջուկի ձախ հատվածի վերին միջնամասում հայերեն մեծատառերով նշվում են «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» բառերը, որոնք մնացած մասից անջատվում են հորիզոնական գծով:
14. Հորիզոնական գծից ներքև հայերեն մեծատառերով նշվում են «ՎԿԱՅԱԿԱՆ ՀՀ-...» բառերը` բազմակետի փոխարեն լրացնելով տվյալ վկայականի հերթական համարը:
15. Վկայականի միջուկի ձախ եզրային հատվածում` հորիզոնական գծի եզրին կից, փակցվում է պաշտոնատար անձի 3 x 4 սմ չափսերի գունավոր դիմահայաց լուսանկարը:
16. Լուսանկարի համար նախատեսված հատվածից աջ նշվում են պաշտոնատար անձի` դատավորի անունը, ազգանունը, անհրաժեշտության դեպքում` նաև հայրանունը, «դատավոր» բառը:
17. Վկայականի միջուկի ձախ հատվածի ստորին ձախ մասում` նկարի ներքևի հատվածում, նշվում են «Բարձրագույն դատական խորհրդի նախագահ» բառերը և դրանից աջ որոշակի հատված նախատեսվում է Բարձրագույն դատական խորհրդի նախագահի անվան, ազգանվան և ստորագրության համար:
18. Վկայականի միջուկի ձախ հատվածի ստորին աջ մասում գրվում է տրման ամսաթիվը:
19. Վկայականի միջուկի աջ հատվածը տպագրվում է ռուսերեն և անգլերեն լեզուներով և հանդիսանում է ձախ հատվածի բառացի թարգմանությունը:
20. Վկայականի միջուկի ձախ և աջ հատվածը կնքվում է Բարձրագույն դատական խորհրդի կնիքով, ընդ որում, ձախ մասը կնքվում է այնպես, որ կնիքի մի մասը լինի լուսանկարի ստորին մասում:
Ձև 1
ՄԱՏՅԱՆ
Իրավունքի ուժով նշանակված դատավորին տրվող ծառայողական
վկայականների տրման և հաշվառման
._____________________________________________________________________.
|Հ/Հ|Վկայականի|Վկայականի|Ում է |Աշխատանքի|Ստացողի|Նախորդ |Նշումներ|
| |տրման |համարը |տրվել, |վայրը |ստորագ-|վկայականի|ոչնչաց- |
| |ամսաթիվը | |(ԱԱՀ, | |րու- |համարը |նելու |
| | | |պաշտոնը)| |թյունը |(առկա- |մասին |
| | | | | | |յության | |
| | | | | | |դեպքում) | |
|___|_________|_________|________|_________|_______|_________|________|
|___|_________|_________|________|_________|_______|_________|________|
._____________________________________________________________________.
Ձև 2
._____________________________________________________________________.
|ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ | ՌԵՍՊՈՒԲԼԻԿԱ ԱՐՄԵՆԻՅԱ |
| | REPUBLIC OF ARMENIA |
|__________________________________|__________________________________|
| ._____. | ՈՒԴՕՍՏՕՎԵՐԵՆԻԵ |
| | | ՎԿԱՅԱԿԱՆ ՀՀ ____ | CERTIFICATE _______ |
| | | ԱԱՀ |ՖԻՕ |
| ._____. Պաշտոնը |NSP |
| |Դօլժնօստ |
| |Position |
| | |
| | |
|Բարձրագույն դատական |Պրեդսեդատել Վիսշեգօ |
|խորհրդի նախագահ |Սուդեբնօգօ Սօվետա |
| |Chairperson of the Supreme |
| |Judicial Council |
| | |
| «__» «_____» «__» | «__» «_____» «__» |
| | |
._____________________________________________________________________.