(ուժը կորցրել է 15.05.2020 թիվ 578-Ա որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
3 մայիսի 2019 թվականի N 484-Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ, ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2011 ԹՎԱԿԱՆԻ ՕԳՈՍՏՈՍԻ 20-Ի N 788-Ա ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով`
1. Ստեղծել Հաղթանակի և խաղաղության ու Հանրապետության տոներին նվիրված միջոցառումների նախապատրաստման և կազմակերպման` մշտական հիմունքներով գործող միջգերատեսչական հանձնաժողով և հաստատել դրա անհատական կազմը` համաձայն հավելվածի:
2. Միջգերատեսչական հանձնաժողովին` յուրաքանչյուր տարի մինչև ապրիլի 15-ը մշակել և Հայաստանի Հանրապետության վարչապետին ներկայացնել տվյալ տարվա` Հաղթանակի և խաղաղության ու Հանրապետության տոներին նվիրված միջոցառումների ծրագրերը:
i
3. Ուժը կորցրած ճանաչել Հայաստանի Հանրապետության վարչապետի 2011 թվականի օգոստոսի 20-ի «Միջգերատեսչական հանձնաժողով ստեղծելու մասին» N 788-Ա որոշումը:
Հայաստանի Հանրապետության
վարչապետ Ն. Փաշինյան
2019 թ. մայիսի 3
Երևան
Հավելված
i
ՀՀ վարչապետի
2019 թ. մայիսի 3-ի
N 484-Ա որոշման
ԱՆՀԱՏԱԿԱՆ ԿԱԶՄ ՀԱՂԹԱՆԱԿԻ ԵՎ ԽԱՂԱՂՈՒԹՅԱՆ ՈՒ ՀԱՆՐԱՊԵՏՈՒԹՅԱՆ ՏՈՆԵՐԻՆ ՆՎԻՐՎԱԾ ՄԻՋՈՑԱՌՈՒՄՆԵՐԻ ՆԱԽԱՊԱՏՐԱՍՏՄԱՆ ԵՎ ԿԱԶՄԱԿԵՐՊՄԱՆ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Ս. Պապիկյան - ՀՀ տարածքային կառավարման և ենթակառուցվածքների
նախարար (հանձնաժողովի նախագահ)
Դ. Տոնոյան - ՀՀ պաշտպանության նախարար
Ա. Հարությունյան - ՀՀ կրթության, գիտության, մշակույթի և սպորտի
նախարար
Ս. Զաքարյան - Հանրային հեռուստառադիոընկերության խորհրդի անդամ
(համաձայնությամբ)
Կ. Բրուտյան - ՀՀ ֆինանսների նախարարի առաջին տեղակալ
Գ. Գասպարյան - ՀՀ աշխատանքի և սոցիալական հարցերի նախարարի
առաջին տեղակալ
Ռ. Բազիկյան - ՀՀ ազգային անվտանգության ծառայության տնօրենի
տեղակալ
Հ. Մհրյան - ՀՀ ոստիկանության պետի տեղակալ
Տ. Վիրաբյան - Երևանի քաղաքապետի տեղակալ (համաձայնությամբ)
Լ. Մինասյան - ՀՀ արտաքին գործերի նախարարության պետական
արարողակարգի ծառայության պետ
Ս. Սիմոնյան - ՀՀ վարչապետի աշխատակազմի սոցիալական հարցերի
վարչության պետի տեղակալ
(հավելվածը փոփ. 06.03.2020 թիվ 295-Ա որոշում)
@ .