ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 հունիսի 2020 թվականի N 998-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ԱՊՐԻԼԻ 27-Ի N 568-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՀՈՒՆԻՍԻ 6-Ի N 886-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ, ԳՈՒՅՔ ՀԵՏ ՎԵՐՑՆԵԼՈՒ ԵՎ ՀԱՆՁՆԵԼՈՒ ՄԱՍԻՆ
i
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ, 34-րդ հոդվածները, Հայաստանի Հանրապետության քաղաքացիական օրենսգրքի 685-րդ, 686-րդ ու 688-րդ հոդվածները և «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 1-ին և 2-րդ մասերը` Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 2006 թվականի ապրիլի 27-ի «Պետական ոչ առևտրային կազմակերպություն ստեղծելու մասին» N 568-Ն որոշման 7-րդ կետում «Հայաստանի Հանրապետության պաշտպանության նախարարին» բառերը փոխել «Հայաստանի Հանրապետության կրթության, գիտության, մշակույթի և սպորտի նախարարին» բառերով:
2. «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպությանը (հասցեն` Հայաստանի Հանրապետության Արմավիրի մարզ, գ. Արաքս, Դանիել Բեկ-Փիրումյան փողոց, N 1 շենք, վկայականի N 2658342, 295763.0 դրամ և Հայաստանի Հանրապետության Արմավիրի մարզ, գ. Բաղրամյան հողամասի N 2681941, 2681942, 268144 վկայականներ, 10293.1 դրամ արժողությամբ) ամրացված` Հայաստանի Հանրապետության սեփականությունը հանդիսացող անշարժ գույքը (ամրացված գույքի կազմի վերաբերյալ ցանկը` համաձայն հավելվածի) հետ վերցնել և հանձնել Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի տնօրինությանը:
3. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին` սույն որոշումն ուժի մեջ մտնելուց հետո մեկամսյա ժամկետում «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության տնօրենի հետ` սահմանված կարգով կնքել 2-րդ կետով հանձնված անշարժ գույքի անհատույց անժամկետ օգտագործման պայմանագիր` դրանում սահմանելով, որ սույն կետից բխող գույքային իրավունքների պետական գրանցման և պայմանագրի կնքման հետ կապված ծախսերն իրականացվելու են «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» պետական ոչ առևտրային կազմակերպության միջոցների հաշվին:
i
4. Հայաստանի Հանրապետության կառավարության 2002 թվականի հունիսի 6-ի «Պետական ոչ առևտրային կազմակերպություններ ստեղծելու մասին» N 886-Ն որոշման N 3 հավելվածը լրացնել հետևյալ բովանդակությամբ նոր` 22-րդ կետով.
«22. Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան»:
5. Հայաստանի Հանրապետության կրթության, գիտության, մշակույթի և սպորտի նախարարին` սույն որոշումն ուժի մեջ մտնելուց հետո երկամսյա ժամկետում սահմանված կարգով Հայաստանի Հանրապետության վարչապետի աշխատակազմ ներկայացնել «Հայաստանի Հանրապետության կառավարության 2019 թվականի դեկտեմբերի 26-ի N 1919-Ն որոշման մեջ փոփոխություններ կատարելու մասին» Հայաստանի Հանրապետության կառավարության որոշման նախագիծ:
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2020 թ. հունիսի 19
Երևան
Հավելված
ՀՀ կառավարության
2020 թվականի հունիսի 18-ի
N 998-Ն որոշման
ՑԱՆԿ
ԱՄՐԱՑՎԱԾ ԳՈՒՅՔԻ ԿԱԶՄԻ
Վկայական N 2681941
Հողամաս 1,1541 հա.
Վկայական N 2658342
Հողամաս 30,9 հա
Շենքի տվյալները, մակերեսը 7145,7 քառ. մ
.________________________________.
|Հուշապատ` դեկորատիվ | 57 գծմ|
|________________________|_______|
|Զանգակատուն |99.0 |
|________________________|_______|
|Հուշարձան արծիվներ |5 հատ |
|________________________|_______|
|Հուշարձան ցուլեր |2 հատ |
|________________________|_______|
|Առևտրի կետեր |43,5 |
|________________________|_______|
|Կաթսայատուն |64.3 |
|________________________|_______|
|Ճաշարան |15,5 |
|________________________|_______|
|Պահակատուն |46.5 |
|________________________|_______|
|Վառելանյութի պահեստ |19.5 |
|________________________|_______|
|Կիսակառույց |- |
|________________________|_______|
|Խորքային հոր |11.6 |
|________________________|_______|
|Ջրամբար |100.0 |
|________________________|_______|
|Պոմպակայան |6,0 |
|________________________|_______|
|Սանհանգույց |127.3 |
|________________________|_______|
|Փայտյա տնակ | - |
|________________________|_______|
|Հուշարձան | - |
.________________________________.
Վկայական N 2681942
Հողամաս 5,4593 հա
Շենքի տվյալները
1 շենք 92,6 / 145,3 քառ. մ և 2-րդ շենք 136,2/ 189,2 քառ. մ
.__________________________________.
|Ջրավազան |46,0 |
|________________________|_________|
|Շատրվանով ջրավազան |200.0 |
|________________________|_________|
|Էլ. ենթակայան |22,1 |
|________________________|_________|
|Պահեստ |44,3 |
|________________________|_________|
|Պոմպակայան |20.5 |
|________________________|_________|
|Ծածկած զուգարան |77.2 24,6|
|________________________|_________|
|Պարիսպ |25,4 |
.__________________________________.
Վկայական N 2681944
Հողամաս 1,5353 հա