ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 հուլիսի 2020 թվականի N 1210-Ա
ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏԱՐԱԾՔ ՏՐԱՄԱԴՐԵԼՈՒ ԵՎ ԳՆՄԱՆ ԸՆԹԱՑԱԿԱՐԳԻ ԿԱԶՄԱԿԵՐՊՄԱՆ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
i
Հիմք ընդունելով Հայաստանի Հանրապետության քաղաքացիական օրենսգրքի 685-րդ, 688-րդ հոդվածները և Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 3-րդ կետը` Հայաստանի Հանրապետության կառավարությունը որոշում է.
1. Թույլատրել Հայաստանի Հանրապետության ոստիկանությանը ճաշարանային սննդի մատուցման ծառայությունների (այսուհետ` ծառայություն) գնման գործընթացը կազմակերպել փակ նպատակային մրցույթով` երկու փուլով:
2. Հայաստանի Հանրապետության ոստիկանությանը հանձնված գույքը` քաղ. Երևան, Դավթաշեն, 2-րդ թաղամաս, 62/26` ընդհանուր 498 քառ. մետր (վկայական` N 20052020-01-0182), քաղ. Երևան, Ծովակալ Իսակովի 25` ընդհանուր 670.9 քառ. մետր (վկայական` N 16032020-01-0091), հասցեներում գտնվող տարածքները 5 տարի ժամկետով, անհատույց օգտագործման իրավունքով հանձնել սույն որոշման 1-ին կետով նախատեսված ծառայության գնման ընթացակարգի արդյունքում հաղթող ճանաչված կազմակերպությանը (այսուհետ` կազմակերպություն):
3. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին` սույն որոշման 1-ին կետով նախատեսված գնման ընթացակարգի արդյունքում կնքված պայմանագիրը Հայաստանի Հանրապետության ոստիկանության կողմից Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին տրամադրվելուց և ուժի մեջ մտնելուց հետո երկամսյա ժամկետում կազմակերպության հետ կնքել անհատույց օգտագործման մասին պայմանագրեր` սահմանելով, որ պայմանագրերի նոտարական վավերացումները և պայմանագրերից ծագող իրավունքների պետական գրանցման հետ կապված ծախսերը ենթակա են իրականացման` կազմակերպության միջոցների հաշվին:
Հայաստանի Հանրապետության
վարչապետ Ն. Փաշինյան
2020 թ. հուլիսի
Երևան