ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ
ՀՐԱՄԱՆ
Թիվ 8-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ 2019 ԹՎԱԿԱՆԻ ՍԵՊՏԵՄԲԵՐԻ 11-Ի ԹԻՎ 21-Լ ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Նկատի ունենալով Հայաստանի Հանրապետության օրենսդրությամբ 2020 թ. հունվարի 1-ից Հայաստանի Հանրապետության ոստիկանության արտաբյուջետային միջոցների հաշիվներով շրջանառությունը դադարեցնելու հանգամանքը և համաձայն «Նորմատիվ իրավական ակտերի մասին» ՀՀ օրենքի 33-րդ և 34-րդ հոդվածների.
ՀՐԱՄԱՅՈՒՄ ԵՄ`
i
1. Հայաստանի Հանրապետության ոստիկանության պետի 2019 թվականի սեպտեմբերի 11-ի «Հայաստանի Հանրապետության ոստիկանության ծառայողներին (աշխատողներին) պարգևատրում տալու կարգը և չափերը (ցուցիչները) հաստատելու և Հայաստանի Հանրապետության ոստիկանության պետի 2019 թվականի մարտի 21-ի թիվ 3-Լ հրամանը ուժը կորցրած ճանաչելու մասին» թիվ 21-Լ հրամանի (այսուհետ` հրաման) 4-րդ կետում «քրեական հետախուզության գլխավոր» բառերը փոխարինել «քրեական ոստիկանության գլխավոր» բառերով և հանել «ներքին աուդիտի» բառերը:
i
2. Հրամանի 1-ին կետով հաստատված հավելվածի 4-րդ կետը շարադրել հետևյալ խմբագրությամբ.
«4. Պարգևատրման տվյալ ֆոնդից ճանապարհային ոստիկանության, ոստիկանության Երևան քաղաքի վարչության պարեկապահակետային ծառայության գնդի 4-րդ (հատուկ) գումարտակի ծառայողներին (աշխատողներին) ամսական պարգևատրողներ հատկացվում են պահպանելով մինչև սույն հրամանի տրման տարին բյուջետային և արտաբյուջետային միջոցների հաշվին յուրաքանչյուր ամիս հատկացվող հավելումների և լրավճարների արդյունքում ամսական աշխատանքի վարձատրության չափերը»:
3. Սույն հրամանն ուժի մեջ է մտնում ստորագրման հաջորդ օրվանից:
ԺԱՄԱՆԱԿԱՎՈՐ ՊԱՇՏՈՆԱԿԱՏԱՐ,
ՈՍՏԻԿԱՆՈՒԹՅԱՆ ԳՆԴԱՊԵՏ Ա. ՍԱՐԳՍՅԱՆ
5 փետրվարի 2020 թ.
Երևան