040.0690.310701
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«31» հուլիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 հուլիսի 2001 թվականի N 690
i
«ԱՐԱՐԱՏՑԵՄԵՆՏ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐԸ ՄԱՍՆԱՎՈՐԵՑՆԵԼՈՒ ՄԱՍԻՆ
«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 17-րդ հոդվածին համապատասխան` Հայաստան Հանրապետության կառավարությունը որոշում է.
1. «Արարատցեմենտ» փակ բաժնետիրական ընկերությունը վերակազմավորել «Արարատցեմենտ» բաց բաժնետիրական ընկերության: 2000 թվականի հոկտեմբերի 1-ի դրությամբ հաշվեկշռային մեթոդով 4197956 հազ. դրամ գնահատված ակտիվներ ունեցող «Արարատցեմենտ» բաց բաժնետիրական ընկերության պետական սեփականություն հանդիսացող բաժնետոմսերը մասնավորեցնել մրցույթով:
2. Սահմանել «Արարատցեմենտ» բաց բաժնետիրական ընկերության կանոնադրական կապիտալը` 3170030 հազ. դրամ, որը համապատասխանում է 317003 բաժնետոմսի` յուրաքանչյուրը 10000 դրամ անվանական արժեքով:
3. Հայաստանի Հանրապետության արդյունաբերության և առևտրի նախարարությանը` ապահովել սույն որոշման 1-ին կետում նշված վերակազմավորման աշխատանքների կատարումը և երկամսյա ժամկետում` Հայաստանի Հանրապետության օրենսդրությամբ սահմանված կարգով` բաժնետոմսերի կամ դրանց հավաստագրերի տպագրումը և գրանցումը:
4. Մրցույթով մասնավորեցման ենթակա պետական սեփականություն հանդիսացող բաժնետոմսերի արժեքը 3170030 հազ. դրամ է, որը համապատասխանում է 317003 բաժնետոմսի` յուրաքանչյուրը 10000 դրամ անվանական արժեքով:
5. «Արարատցեմենտ» փակ բաժնետիրական ընկերության պարտավորությունները 2000 թվականի հոկտեմբերի 1-ի դրությամբ կազմում են 1027926 հազ. դրամ, այդ թվում`
առևտրական կրեդիտորական պարտքեր` 421845 հազ. դրամ.
ստացված ընթացիկ կանխավճարներ` 135501 հազ. դրամ.
կարճաժամկետ կրեդիտորական պարտք Հայաստանի Հանրապետության պետական բյուջեին` 443463 հազ. դրամ, այդ թվում` տույժ և տուգանք` 172525 հազ. դրամ.
կարճաժամկետ կրեդիտորական պարտք` պարտադիր սոցիալական ապահովագրության գծով` 5899 հազ. դրամ.
պարտավորություններ անձնակազմին աշխատանքի վարձատրության գծով` 19070 հազ. դրամ.
գալիք ժամանակաշրջանի ծախսերի և վճարումների պահուստ` 2148 հազ. դրամ:
Ընդհանուր պարտավորությունների մեջ 2001 թվականի հուլիսի 1-ի դրությամբ կարճաժամկետ կրեդիտորական պարտքը Հայաստանի Հանրապետության պետական բյուջեին կազմում է 229181,4 հազ. դրամ, այդ թվում` տույժ և տուգանք` 209357 հազ. դրամ.
պարտավորություններ օգտագործված գազի դիմաց` 370700 հազ. դրամ.
պարտավորություններ օգտագործված էլեկտրաէներգիայի դիմաց` 286400 հազ. դրամ:
6. «Արարատցեմենտ» փակ բաժնետիրական ընկերության` 1999 թվականի տնտեսական գործունեության արդյունքներով Հայաստանի Հանրապետության պետական բյուջեին վճարման ենթակա շահաբաժինների գծով պարտավորությունները կազմում են 49895 հազ. դրամ:
7. Հայաստանի Հանրապետության պետական գույքի կառավարման նախարարությանը`
ա) մրցույթի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ ընկերության, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին.
բ) եռամսյա ժամկետում կազմակերպել մրցույթի անցկացումը:
8. Սահմանել`
ա) մրցույթի հաղթողին որոշելու հետևյալ պայմանները`
մասնավորեցվող բաժնետոմսերի համար առաջարկվող նվազագույն գինը` 4 մլն ԱՄՆ-ի դոլար.
ներդրումների չափը` տարիների կտրվածքով` առաջիկա 3 տարվա ընթացքում` նվազագույնը 6 մլն ԱՄՆ-ի դոլար.
սոցիալական երաշխիքներ, այդ թվում` նվազագույնը` 600 աշխատատեղի պահպանում.
բ) առաջարկների գնահատման համար հետևյալ կշռային գործակիցները`
գնի համար` մինչև 0,8,
ներդրումների համար` մինչև 0,1,
սոցիալական երաշխիքների համար` մինչև 0,1:
9. Մրցույթի մասնակցության կանխավճարը սահմանվում է 158500 հազ. դրամ: Մրցույթի հաղթողի մուծած կանխավճարը ներառվում է առաջարկվող գնի մեջ:
10. Մրցույթի հաղթողը բաժնետոմսերի գինը միանվագ վճարում է մասնավորեցման հատուկ հաշվին` մրցույթի արձանագրությունն ստանալուց հետո մեկ ամսվա ընթացքում:
11. Մրցույթի հաղթողը պարտավոր է`
ա) մրցույթի արձանագրությունն ստանալու պահից մեկ ամսվա ընթացքում ընկերությանը տրամադրել 4420 հազ. ԱՄՆ-ի դոլարին համարժեք դրամ փոխառություն` ընկերության հարկային և պարտադիր սոցիալական ապահովագրության վճարների գծով պարտավորությունը մարելու և սույն որոշման համաձայն կնքվող հողի առք ու վաճառքի պայմանագրով վճարման ենթակա գումարը վճարելու համար.
բ) աշխատողների կրճատումն իրականացնել 3 տարում` տրամադրելով դրամական փոխհատուցում:
12. Հայաստանի Հանրապետության Արարատի մարզպետին` «Արարատցեմենտ» բաց բաժնետիրական ընկերության մրցույթի կայացումից հետո 10-օրյա ժամկետում` Հայաստանի Հանրապետության օրենսդրությամբ սահմանված կարգով ապահովել «Արարատցեմենտ» բաց բաժնետիրական ընկերության կողմից օգտագործվող 457,5 հա հողատարածքի ուղղակի վաճառքի ձևով օտարումն «Արարատցեմենտ» բաց բաժնետիրական ընկերությանը` 4 մլն ԱՄՆ-ի դոլարին համարժեք դրամով, որը ենթակա է լրիվ վճարման Հայաստանի Հանրապետության պետական բյուջե` հողի առք ու վաճառքի պայմանագրի ստորագրության օրվանից մեկ ամսվա ընթացքում:
13. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` Հայաստանի Հանրապետության օրենսդրությամբ սահմանված կարգով գրանցել մասնավորեցված «Արարատցեմենտ» բաց բաժնետիրական ընկերության գույքային իրավունքները հողի և այլ անշարժ գույքի նկատմամբ:
14. Հայաստանի Հանրապետության բնապահպանության նախարարությանը` Հայաստանի Հանրապետության օրենսդրությամբ սահմանված կարգով քննարկել և հաստատել «Արարատցեմենտ» բաց բաժնետիրական ընկերության ջրօգտագործման, ջրահեռացման, արտանետումների սահմանաքանակները և նրա հետ կնքել համապատասխան պայմանագիր:
15. Վճարումները կատարել Հայաստանի Հանրապետության արժույթով:
16. Սույն որոշումն ուժի մեջ է մտնում 2001 թվականի հուլիսի 31-ից: