040.1192.191015
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 հոկտեմբերի 2015 թվականի N 1192-Ն
i
ՊԵՍՏԻՑԻԴՆԵՐԻ ՈՒ ԱԳՐՈՔԻՄԻԿԱՏՆԵՐԻ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ԿԱՐԳԸ ԵՎ ՊԵՍՏԻՑԻԴՆԵՐԻ ՈՒ ԱԳՐՈՔԻՄԻԿԱՏՆԵՐԻ ՆԵՐՄՈՒԾՄԱՆ ԵՎ ԱՐՏԱՀԱՆՄԱՆ ՄԱՍԻՆ ԵԶՐԱԿԱՑՈՒԹՅԱՆ ՁԵՎԵՐԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՀՈԿՏԵՄԲԵՐԻ 4-Ի N 1151-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Բուսասանիտարիայի մասին» Հայաստանի Հանրապետության օրենքի 5-րդ հոդվածի 1-ին մասի 5-րդ կետը` Հայաստանի Հանրապետության կառավարությունը որոշում է.
1. Սահմանել`
1) պեստիցիդների և ագրոքիմիկատների փորձաքննության անցկացման կարգը` համաձայն N 1 հավելվածի.
2) պեստիցիդների և ագրոքիմիկատների ներմուծման և արտահանման մասին եզրակացության ձևերը` համաձայն NN 2 և 3 հավելվածների:
i
2. ՈՒժը կորցրած ճանաչել Հայաստանի Հանրապետության կառավարության 2007 թվականի հոկտեմբերի 4-ի «Բույսերի պաշտպանության միջոցների և պարարտանյութերի փորձաքննության անցկացման կարգը և բույսերի պաշտպանության միջոցների ներմուծման և արտահանման ու պարարտանյութերի ներմուծման մասին եզրակացության ձևերը սահմանելու և Հայաստանի Հանրապետության կառավարության 2004 թվականի հունիսի 10-ի N 1052-Ն որոշումն ուժը կորցրած ճանաչելու մասին» N 1151-Ն որոշումը:
i
3. Հայաստանի Հանրապետության սննդամթերքի անվտանգության տեսչական մարմնի ղեկավարին` երկամսյա ժամկետում հաստատել պեստիցիդների արտադրության, պահպանման և իրացման մասին եզրակացության ձևը:
4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
(որոշումը փոփ. 14.01.2021 թիվ 47-Ն որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2015 ԹՎԱԿԱՆԻ ՀՈԿՏԵՄԲԵՐԻ 19-ԻՆ
Հավելված N 1
ՀՀ կառավարության
2015 թվականի հոկտեմբերի 15-ի
N 1192-Ն որոշման
ԿԱՐԳ
ՊԵՍՏԻՑԻԴՆԵՐԻ ԵՎ ԱԳՐՈՔԻՄԻԿԱՏՆԵՐԻ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է Հայաստանի Հանրապետություն ներմուծվող և Հայաստանի Հանրապետությունից արտահանվող, ինչպես նաև Հայաստանի Հանրապետությունում արտադրվող, պահպանվող և իրացվող (այսուհետ` իրացվող) պեստիցիդների ու ագրոքիմիկատների փորձաքննության գործընթացը:
2. Սույն կարգը չի տարածվում «Տարանցիկ փոխադրում» մաքսային ռեժիմով Հայաստանի Հանրապետություն ներմուծվող պեստիցիդների և ագրոքիմիկատների վրա:
II. ՕԳՏԱԳՈՐԾՎՈՂ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐԸ
3. Սույն կարգում օգտագործվող հիմնական հասկացություններն են`
i
1) լիազորված մարմին` Հայաստանի Հանրապետության սննդամթերքի անվտանգության տեսչական մարմին.
2) փորձաքննություն` պեստիցիդների և ագրոքիմիկատների խմբաքանակից վերցված նմուշների լաբորատոր փորձարկում` սահմանված չափորոշչին` ազդող նյութի համապատասխանության որոշման նպատակով, բացառությամբ օրգանական և օրգանահանքային պարարտանյութերի, պարաֆինային յուղերի, ֆերոմոնների, մանրէակենսաբանական միջատասպան պատրաստուկների, բույսերի աճի խթանիչների, բույսերի կենսաբանական ակտիվ նյութերի, բույսերի պատվաստանյութերի, կենդանի օրգանիզմների (մանրէների) պարունակությամբ ազդող նյութով պեստիցիդների և ագրոքիմիկատների, որոնց դեպքում փորձաքննությունը` յուրաքանչյուր խմբաքանակի համար ներմուծողի կողմից տրամադրված լաբորատոր փորձարկման արդյունքներն արձանագրած փաստաթղթի ուսումնասիրությունն է.
3) խմբաքանակ` նույնանման որակական հատկանիշներ ունեցող պեստիցիդ կամ ագրոքիմիկատ, որը նախատեսված է մեկ տրանսպորտային միջոցով մեկ նշանակման կետ մեկ ստացողին ուղարկելու համար.
4) կետային նմուշ` պեստիցիդների և ագրոքիմիկատների ոչ մեծ քանակություն, որը խմբաքանակից վերցվում է մեկ գործողության ընթացքում միացյալ նմուշի ձևավորման համար.
5) միացյալ նմուշ` մի քանի կետային նմուշներից կազմված նմուշ.
6) միջին նմուշ` միացյալ նմուշի մաս` առանձնացված` լաբորատոր փորձաքննության համար.
7) պահեստային նմուշ` իրացնողի ցանկությամբ միացյալ նմուշից առանձնացված նմուշ, որը ծածկագրված, կապարակնքված կամ դրոշմակնքված հանձնվում է իրացնողին.
8) իրացնող` պեստիցիդներ և ագրոքիմիկատներ ներմուծող, արտահանող, արտադրող, պահպանող ու իրացնող ֆիզիկական կամ իրավաբանական անձ.
9) լաբորատորիա` Հայաստանի Հանրապետության օրենսդրությամբ սահմանված կարգով հավատարմագրված փորձարկման լաբորատորիա:
(3-րդ կետը փոփ. 25.04.2024 թիվ 581-Ն որոշում)
III. ՊԵՍՏԻՑԻԴՆԵՐԻ ԵՎ ԱԳՐՈՔԻՄԻԿԱՏՆԵՐԻ ԽՄԲԱՔԱՆԱԿԻՑ ՆՄՈՒՇԱՌՈՒՄԸ
4. Պեստիցիդների և ագրոքիմիկատների նմուշառումը (այսուհետ` նմուշառում) իրականացնում է լիազորված մարմինը (այսուհետ` նմուշառու):
5. Նմուշառման տարաները և դրանց կափարիչները, ինչպես նաև կապարակնքման նպատակով օգտագործվող փաթեթավորող նյութերը պետք է պատրաստված լինեն պահման ու փոխադրման ժամանակ նմուշները փոփոխություններից պաշտպանող նյութերից:
6. Նմուշառումը պետք է իրականացվի ընտրանքային կարգով` խմբաքանակի տարբեր մասերից:
7. Պեստիցիդների խմբաքանակից կետային նմուշները վերցվում են հետևյալ չափաքանակներով`
._____________________________________________.
|NN |Խմբաքանակի տարավորված|Կետային նմուշառման |
|ը/կ|միավորի քանակը (հատ) |քանակը (հատ) |
|___|_____________________|___________________|
|1. |մինչև 50 | 3 |
|___|_____________________|___________________|
|2. |51-150 | 5 |
|___|_____________________|___________________|
|3. |151-400 | 8 |
|___|_____________________|___________________|
|4. |401-800 | 12 |
|___|_____________________|___________________|
|5. |801-1500 | 16 |
|___|_____________________|___________________|
|6. |1501-3000 | 22 |
|___|_____________________|___________________|
|7. |3001-5000 | 28 |
|___|_____________________|___________________|
|8. |5000-ից ավելի | 30 |
._____________________________________________.
8. Տարայով պահպանվող կամ փոխադրվող ագրոքիմիկատից նմուշառումը կատարվում է`
1) մինչև 50 տարայի դեպքում` յուրաքանչյուր հինգերորդ տարայից.
2) 51-100 տարայի դեպքում` յուրաքանչյուր քսաներորդ տարայից.
3) 101-500 տարայի դեպքում` յուրաքանչյուր հիսուներորդ տարայից.
4) 501-1000 տարայի դեպքում` յուրաքանչյուր հարյուրերորդ տարայից.
5) 1001-5000 տարայի դեպքում` յուրաքանչյուր երկուհարյուրերորդ տարայից:
9. Կետային նմուշառումը կատարվում է ճեղքաձև նմուշառման սարքի միջոցով` հորիզոնական դիրքում գտնվող տարայի հակադիր կողմերից:
10. Առանց փաթեթավորման, շարժման մեջ գտնվող կամ շեղջով լցված ագրոքիմիկատից նմուշառումը կատարվում է`
1) ագրոքիմիկատի բեռնման, բեռնաթափման կամ փաթեթավորման գործընթացների ժամանակ` մեխանիկական նմուշառման սարքի միջոցով կամ ձեռքով` անընդմեջ կամ հավասարաչափ դադարներով.
2) շեղջով լցված ագրոքիմիկատից նմուշառումը կատարվում է ձեռքի փակվող նմուշառման սարքի միջոցով, շեղջի` առնվազն 30 սանտիմետր խորությունից, երկու հակադիր կողմերից: Ընդհանուր զանգվածից նմուշների միջև եղած հեռավորությունը պետք է կազմի 20-25 սանտիմետր: Չի թույլատրվում շեղջի գագաթից 50 սանտիմետր ցածր և շեղջի հատակից 50 սանտիմետրից բարձր նմուշառում կատարել:
11. Յուրաքանչյուր վագոնից ագրոքիմիկատի նմուշը վերցվում է կարճակոթ գոգավոր թիակով, երկու անգամ`
1) առաջին` ագրոքիմիկատի բեռնաթափման ընթացքում` վագոնի դռան բացվածքից.
2) երկրորդ` ագրոքիմիկատի բեռնաթափումից հետո.
3) վերցվում է 3-ական կետային նմուշ` վերին, միջին և ներքին շերտերից, աջ և ձախ կողմերից: Կետային նմուշները միախառնում և կազմում են միացյալ նմուշ, որից առանձնացվում է միջին նմուշը: Միջին նմուշի քանակը պետք է կազմի յուրաքանչյուր վագոնում առկա ագրոքիմիկատի քաշի 0,002 տոկոսից ոչ պակաս:
12. Ավտոմեքենաների բեռնախցիկից նմուշառումը կատարվում է`
1) մինչև 5 տոննա տարողությամբ ավտոմեքենայում առկա ագրոքիմիկատի մակերեսն անկյունագծերով բաժանվում է 7 քառակուսու, և յուրաքանչյուր քառակուսուց վերցվում է մեկ կետային նմուշ.
2) 5 տոննայից ավելի տարողությամբ ավտոմեքենայում առկա ագրոքիմիկատի մակերեսը բաժանվում է 10 քառակուսու, և յուրաքանչյուր քառակուսուց վերցվում է մեկ կետային նմուշ:
13. Յուրաքանչյուր կետային նմուշի քանակը պետք է կազմի 400 գրամից ոչ պակաս:
14. Կետային նմուշները միախառնում, կազմում են միացյալ նմուշ և համապատասխան սարքավորմամբ բաժանում միջին նմուշների` 1-2.5 կիլոգրամ քաշով:
15. Պեստիցիդների յուրաքանչյուր կետային նմուշ պետք է լինի 30 գրամից (միլիլիտրից) ոչ ավելի:
16. Փորձաքննության համար նմուշառումն իրականացվում է, նմուշները ծածկագրվում, կապարակնքվում կամ դրոշմակնքվում են, և նմուշառման ակտը ձևակերպվում է լիազորված մարմնի ներկայացուցչի կողմից` իրացնողի կամ նրա լիազոր ներկայացուցչի մասնակցությամբ:
17. Նմուշառման ընթացքում նմուշառուի կողմից կազմվում է նմուշառման մասին ակտ` համաձայն N 1 ձևի, որում ներառվում են`
1) նմուշառման վայրը, տարեթիվը, ամիսը, ամսաթիվը.
2) նմուշառուի պաշտոնը, անունը, ազգանունը.
3) իրացնողի կամ նրա լիազոր ներկայացուցչի պաշտոնը, անունը, ազգանունը, ում ներկայությամբ է իրականացվել նմուշառումը.
4) պեստիցիդի կամ ագրոքիմիկատի անվանումը, արտաքին տնտեսական գործունեության ապրանքային անվանացանկի ծածկագիրը (ԱՏԳԱԱ-ի ծածկագիր).
5) արտադրող երկիրը, կազմակերպության կամ մատակարարի անվանումը, գտնվելու վայրը.
6) թողարկման տարեթիվը և ամիսը, պիտանիության ժամկետը.
7) խմբաքանակը (զանգվածը կամ ծավալը).
8) միջին նմուշի և պահեստային նմուշի (առկայության դեպքում) քանակը (զանգվածը կամ ծավալը):
IV. ՊԵՍՏԻՑԻԴՆԵՐԻ ԵՎ ԱԳՐՈՔԻՄԻԿԱՏՆԵՐԻ ՓՈՐՁԱՔՆՆՈՒԹՅՈՒՆԸ ԵՎ ԴՐԱ ԱՐԴՅՈՒՆՔՆԵՐԻ ՁԵՎԱԿԵՐՊՈՒՄԸ
i
18. Նմուշառուն խմբաքանակից վերցրած կետային նմուշներից կազմում է միացյալ նմուշ, որից վերցվում է միջին նմուշ: Նմուշառուի կողմից կատարվում է նմուշի համապատասխան ծածկագրում և կապարակնքումից կամ դրոշմակնքումից հետո դրանք ներկայացվում է լաբորատոր փորձաքննության:
(18-րդ կետը փոփ. 25.04.2024 թիվ 581-Ն որոշում)
19. Նմուշն ընդունում է լաբորատորիայի ներկայացուցիչը, որն ստուգում է`
1) ուղեկցող նամակի առկայությունը.
2) փաթեթավորման պահպանվածությունը.
3) ծածկագրի և կապարակնիքի կամ դրոշմակնիքի առկայությունը:
20. Եթե լաբորատորիայի ներկայացուցիչը հայտնաբերում է, որ նմուշը ներկայացվել է սույն կարգի 19-րդ կետի պահանջների խախտմամբ, ապա նմուշը չի ընդունվում և վերադարձվում է գրավոր հիմնավորմամբ:
21. Լիազորված մարմինը փորձաքննության ներկայացված նմուշները հաշվառում է առանձին գրանցամատյանում` համաձայն N 2 ձևի:
22. Լաբորատորիան մեկօրյա ժամկետում` վերցված նմուշների փորձաքննության արդյունքների մասին կազմում է արձանագրություն` համաձայն N 3 ձևի, երկու օրինակից, որոնցից մեկն ուղարկում է լիազորված մարմին, իսկ երկրորդը մնում է լաբորատորիայում:
23. Փորձաքննության մասին արձանագրությունն ստորագրում են փորձաքննություն կատարողը և լաբորատորիայի ղեկավարը: Փորձաքննության մասին արձանագրությունը վավերացվում է լաբորատորիայի կնիքով:
24. Լիազորված մարմինը փորձանմուշի փորձաքննության մասին արձանագրությունն ստանալուց հետո 24 ժամվա ընթացքում տալիս է պեստիցիդների և ագրոքիմիկատների մասին եզրակացություն:
i
24.1. Սույն կարգի 4-24-րդ կետերի դրույթները չեն տարածվում օրգանական և օրգանահանքային պարարտանյութերի, պարաֆինային յուղերի, ֆերոմոնների, մանրէակենսաբանական միջատասպան պատրաստուկների, բույսերի աճի խթանիչների, բույսերի կենսաբանական ակտիվ նյութերի, բույսերի պատվաստանյութերի, կենդանի օրգանիզմների (մանրէների) պարունակությամբ ազդող նյութով պեստիցիդների և ագրոքիմիկատների ներմուծման կամ արտահանման դեպքերի վրա: Նշված խումբ պեստիցիդների և ագրոքիմիկատների ներմուծման կամ արտահանման ժամանակ ֆիզիկական և իրավաբանական անձինք լիազորված մարմին են ներկայացնում`
1) դիմում (իրավաբանական անձինք կամ անհատ ձեռնարկատերերը դիմումում ներկայացնում են նաև պետական գրանցման կամ հաշվառման համարը).
2) ֆիզիկական անձինք` անձնագրի պատճենը.
3) ներմուծվող պեստիցիդների և ագրոքիմիկատների նկարագրությունը (անվանումը, արտաքին տնտեսական գործունեության ապրանքային անվանացանկի ծածկագիրը, քանակը, թողարկման տարեթիվը, ձեռք բերելու վայրը).
4) բուսասանիտարական հաշվառման վկայականը կամ դրա պատճենը.
5) ներմուծվող կամ արտահանվող խմբաքանակի համար` փորձարկման լաբորատորիայի կողմից տրամադրված փորձարկման արդյունքներն արձանագրած փաստաթուղթը.
6) պեստիցիդի կամ ագրոքիմիկատի ներմուծվող խմբաքանակին նույնականացնող փաստաթուղթը:
(24.1-ին կետը լրաց. 25.04.2024 թիվ 581-Ն որոշում)
24.2. Լիազորված մարմինը սույն կարգի 24.1-ին կետով սահմանված պեստիցիդների և ագրոքիմիկատների ներմուծման կամ արտահանման դեպքում` ուսումնասիրում է հայտատուի կողմից ներկայացված փաստաթղթերը և այն ներկայացնելուց հետո 24-ժամվա ընթացքում փորձաքննության արդյունքների հիման վրա տալիս է պեստիցիդների և ագրոքիմիկատների ներմուծման կամ արտահանման մասին եզրակացություն:
(24.2-րդ կետը լրաց. 25.04.2024 թիվ 581-Ն որոշում)
i
25. Պեստիցիդների և ագրոքիմիկատների ներմուծման ու արտահանման մասին եզրակացությունները տրամադրվում են բացառապես էլեկտրոնային եղանակով` Հայաստանի Հանրապետության արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր» (www.sw.gov.am) համակարգի միջոցով, բացառությամբ անհաղթահարելի ուժի առկայության, ինչպես նաև այլ երկրներ թղթային եղանակով ներկայացնելու անհրաժեշտության դեպքերի:
(25-րդ կետը լրացվել է և ուժի մեջ է «Թույլատվական փաստաթղթեր (www.sw.gov.am)» համակարգի գործարկման օրվանից` 16.02.2023 թիվ 186-Ն որոշում)
i
26. Հայտատուի ներկայացրած հայտում կամ դրան կից փաստաթղթերում թերությունների կամ անհամապատասխանությունների առկայության դեպքում մեկ աշխատանքային օրվա ընթացքում դրա մասին էլեկտրոնային կամ կապի այլ միջոցներով տեղեկացվում է հայտատուին: Հայտատուն փաստաթղթերը թերի լինելու մասին տեղեկացում ստանալուց հետո հինգ աշխատանքային օրվա ընթացքում պետք է համալրի դրանք կամ վերացնի անհամապատասխանությունները:
(26-րդ կետը լրաց. 25.04.2024 թիվ 581-Ն որոշում)
27. Պեստիցիդի և ագրոքիմիկատի ներմուծման կամ արտահանման մասին եզրակացության տրամադրումը մերժվում է, եթե`
1) սույն կարգի 26-րդ կետում սահմանված ժամկետում հայտատուն չի վերացնում հայտում կամ դրան կից փաստաթղթերում առկա թերությունները կամ չի ներկայացնում համալրված փաստաթղթերը.
2) պեստիցիդի կամ ագրոքիմիկատի փորձաքննության արդյունքները բացասական են.
3) պեստիցիդի և ագրոքիմիկատի ներմուծման և արտահանման մասին եզրակացության տրամադրման համար հիմք ծառայող մեկ կամ մի քանի փաստաթղթերի գործողությունը դադարեցված է կամ կասեցված է:
(27-րդ կետը լրաց. 25.04.2024 թիվ 581-Ն որոշում)
Ձև N 1
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ՆՄՈՒՇԱՌՄԱՆ ՄԱՍԻՆ ԱԿՏ N ____
____ _____________ 20 թ.
__________________________________________________________________ ում
(վայրը, որտեղ կատարվել է նմուշառումը)
ես` __________________________________________________________________,
(նմուշառուի պաշտոնը, անունը, ազգանունը)
____________________________________________________________________ _ի
(իրացնողի կամ նրա լիազոր ներկայացուցչի պաշտոնը, անունը, ազգանունը)
ներկայությամբ` փորձաքննության նպատակով հաստատված կարգով վերցրել եմ
միջին նմուշ:
_______________________________________________________________________
(պեստիցիդի կամ ագրոքիմիկատի անվանումը, ԱՏԳԱԱ-ի ծածկագիրը)
Արտադրող` _____________________________________________________________
(երկիրը, կազմակերպության կամ մատակարարի անվանումը, գտնվելու
վայրը)
Թողարկման ամսաթիվը _________________, պիտանիության ժամկետը ____________
(ամիսը, տարեթիվը)
Խմբաքանակը ____________________________________________________________
(զանգվածը կամ ծավալը)
Միջին նմուշի քանակը ___________________________________________________
(զանգվածը կամ ծավալը)
Պահեստային նմուշի (առկայության դեպքում) քանակը ________________________
(զանգվածը կամ ծավալը)
Նմուշառու ___________________ _______________________________________
(ստորագրությունը) (անունը, ազգանունը)
Իրացնող _________________ ____________________________________
(ներկայացուցիչ) (ստորագրությունը) (անունը, ազգանունը)
Ձև N 2
ԳՐԱՆՑԱՄԱՏՅԱՆ ՊԵՍՏԻՑԻԴՆԵՐԻ ԿԱՄ ԱԳՐՈՔԻՄԻԿԱՏՆԵՐԻ ՓՈՐՁԱՔՆՆՈՒԹՅԱՆ ՀԱՄԱՐ ՎԵՐՑՎԱԾ ՆՄՈՒՇՆԵՐԻ
._____________________________________________________________________.
|NN |Պեստիցիդներ|Պեստիցիդի |Արտադրող |Նմուշառման|Նմուշի |Փորձա- |
|ը/կ|կամ |կամ ագրո- |երկիրը, |ակտի |քանակը |քննության |
| |ագրոքիմի- |քիմիկատի |կազմակեր-|համարը, |(գրամ, |արդյունքնե-|
| |կատներ |անվանումը,|պությունը|ամսաթիվը, |միլիլիտր)|րը (արձանա-|
| |ներմուծողի,|ԱՏԳԱԱ-ի |կամ մատա-|ամիսը, | |գրության |
| |արտահանողի,|ծածկագիրը |կարարը, |տարեթիվը | |համարը, |
| |արտադրողի, | |գտնվելու | | |ամսաթիվը) |
| |պահպանողի | |վայրը | | | |
| |կամ | | | | | |
| |իրացնողի | | | | | |
| |անվանումը | | | | | |
| |կամ | | | | | |
| |անունը, | | | | | |
| |ազգանունը | | | | | |
| |և նմուշի | | | | | |
| |ծածկագիրը | | | | | |
|___|___________|__________|_________|__________|_________|___________|
| 1 | 2 | 3 | 4 | 5 | 6 | 7 |
|___|___________|__________|_________|__________|_________|___________|
| | | | | | | |
|___|___________|__________|_________|__________|_________|___________|
| | | | | | | |
|___|___________|__________|_________|__________|_________|___________|
| | | | | | | |
._____________________________________________________________________.
Ձև N 3
_____________________________________________________________________
(փորձաքննությունն իրականացնող լաբորատորիայի անվանումը և գտնվելու
վայրը)
ՓՈՐՁԱՔՆՆՈՒԹՅԱՆ ՄԱՍԻՆ ԱՐՁԱՆԱԳՐՈՒԹՅՈՒՆ N ____
___ _________ 20 թ.
Պեստիցիդի կամ ագրոքիմիկատի անվանումը ________________________________
ՈՒղեկցող նամակի համարը, ամսաթիվը ____________________________________
Նմուշի ծածկագիրը ____________, նմուշն ստանալու ամսաթիվը _____________
Փորձարկվող նմուշի (նմուշների) քանակը ________________________________
Ազդող նյութի քանակի որոշման մեթոդիկան _______________________________
_____________________________________________________________________
._____________________________________________________________________.
|Պեստիցիդի կամ|Ազդող |Արտադրող | Ցուցանիշը |Եզրակացություն|
|ագրոքիմիկատի |նյութը|երկիրը, |____________________|սահմանված |
|անվանումը, | |կազմակերպու-|ըստ |փաստացի` |չափորոշիչներին|
|ԱՏԳԱԱ-ի | |թյունը կամ |սահմանված |ըստ |համապատասխա- |
|ծածկագիրը | |մատակարարը |չափորո- |փորձա- |նության մասին |
| | | |շիչների |քննության| |
|_____________|______|____________|__________|_________|______________|
| | | | | | |
|_____________|______|____________|__________|_________|______________|
| | | | | | |
._____________________________________________________________________.
Արձանագրությունը կազմված է __________ օրինակից:
Փորձաքննություն կատարող ___________________ ________________________
(ստորագրությունը) (անունը, ազգանունը)
Լաբորատորիայի ղեկավար ___________________ ________________________
(ստորագրությունը) (անունը, ազգանունը)
Կ.Տ.
Հավելված N 2
i
ՀՀ կառավարության
2015 թվականի հոկտեմբերի 15-ի
N 1192-Ն որոշման
Ձև
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ԵԶՐԱԿԱՑՈՒԹՅՈՒՆ N ______
ՊԵՍՏԻՑԻԴՆԵՐԻ ԵՎ ԱԳՐՈՔԻՄԻԿԱՏՆԵՐԻ ՆԵՐՄՈՒԾՄԱՆ ՄԱՍԻՆ
Հայտատու __________________________________________________________
(իրավաբանական անձի անվանումը կամ ֆիզիկական անձի անունը,
ազգանունը)
________________________________________________________________________
(գտնվելու վայրը կամ հասցեն)
Արտադրող երկիրը, կազմակերպությունը կամ մատակարարը __________________
.______________________________________________________________.
|Պեստիցիդի կամ |ԱՏԳԱԱ-ի |Քանակը |Թողարկման |
|ագրոքիմիկատի անվանումը |ծածկագիրը |(կգ կամ լ)|ամիսը, տարեթիվը|
|_______________________|___________|__________|_______________|
|_______________________|___________|__________|_______________|
.______________________________________________________________.
Համաձայն փորձաքննության արդյունքների` թույլատրվում է _________________ պեստիցիդը կամ ագրոքիմիկատը ներկրել Հայաստանի Հանրապետություն:
Կատարող _________________ ___________________________
(ստորագրությունը) (անունը, ազգանունը, պաշտոնը)
____ ___________ 20 թ. «:
(2-րդ հավելվածը փոփ. 25.04.2024 թիվ 581-Ն որոշում)
Հավելված N 3
ՀՀ կառավարության
2015 թվականի հոկտեմբերի 15-ի
N 1192-Ն որոշման
Ձև
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ԵԶՐԱԿԱՑՈՒԹՅՈՒՆ N___________
ՊԵՍՏԻՑԻԴՆԵՐԻ ԵՎ ԱԳՐՈՔԻՄԻԿԱՏՆԵՐԻ ԱՐՏԱՀԱՆՄԱՆ ՄԱՍԻՆ
Հայտատու _____________________________________________________________
(իրավաբանական անձի անվանումը կամ ֆիզիկական անձի անունը,
ազգանունը)
___________________________________________________________________________
(գտնվելու վայրը կամ հասցեն)
Արտադրող երկիրը, կազմակերպությունը կամ մատակարարը _____________________
___________________________________________________________________________
.______________________________________________________________.
|Պեստիցիդի կամ |ԱՏԳԱԱ-ի |Քանակը |Թողարկման |
|ագրոքիմիկատի անվանումը |ծածկագիրը |(կգ կամ լ)|ամիսը, տարեթիվը|
|_______________________|___________|__________|_______________|
|_______________________|___________|__________|_______________|
.______________________________________________________________.
Համաձայն փորձաքննության արդյունքների` թույլատրվում է _________________ պեստիցիդը կամ ագրոքիմիկատն արտահանել Հայաստանի Հանրապետությունից:
Կատարող _________________ ___________________________
(ստորագրությունը) (անունը, ազգանունը, պաշտոնը)
____ ___________ 20 թ.
(3-րդ հավելվածը փոփ. 25.04.2024 թիվ 581-Ն որոշում)