ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ԻՐԱԶԵԿՄԱՆ ԹԵՐԹԻԿ
15 հունվարի 2021 թվականի N 121
ՌԵԶԻԴԵՆՏ ՇԱՀՈՒԹԱՀԱՐԿ ՎՃԱՐՈՂԻ ԿՈՂՄԻՑ ՌԴ ՊԵՏԱԿԱՆ ԲՅՈՒՋԵ ՎՃԱՐՎԱԾ ՀԱՐԿԵՐԻ ՄԱՍՈՎ ՀԱՄԱԽԱՌՆ ԵԿԱՄՏԻՑ ՆՎԱԶԵՑՈՒՄՆԵՐԻ ՎԵՐԱԲԵՐՅԱԼ
Հարց
«Ա» կազմակերպությունը, գովազդի տեղադրման պայմանագրի համաձայն` էլեկտրոնային եղանակով համացանցում գովազդի տեղադրման և տարածման ծառայություններ է մատուցում ՌԴ ռեզիդենտ «Բ» կազմակերպությանը: Համաձայն ՌԴ օրենսդրությանը «Ա» կազմակերպությունը հաշվառվել է ՌԴ հարկային մարմնում և ՌԴ հարկային օրենսգրքի 174.2 հոդվածի ՌԴ պետական բյուջե է վճարում ավելացված արժեքի հարկ:
Տվյալ դեպքում ռեզիդենտ շահութահարկ վճարողի հարկման բազան որոշելիս ռեզիդենտ շահութահարկ վճարողը համախառն եկամտից կարո՞ղ է նվազեցնել ՌԴ հարկային օրենսգրքի 174.2 հոդվածով սահմանված կարգով հաշվետու ժամանակահատվածում հաշվարկած և ՌԴ պետական բյուջե վճարված ավելացված արժեքի հարկի գումարը:
Պատասխան ՀՀ հարկային օրենսգրքի`
i
- 111-րդ հոդվածի 1-ին մասի համաձայն` ռեզիդենտ շահութահարկ վճարողի և մշտական հաստատության միջոցով «-ում գործունեություն իրականացնող ոչ ռեզիդենտ շահութահարկ վճարողի հարկման բազան որոշելիս համախառն եկամտից նվազեցվում են շահութահարկ վճարողի կատարած` օրենսգրքի 55-րդ հոդվածի 2-րդ մասի 1-5-րդ կետերով, ինչպես նաև նույն հոդվածի 11-13-րդ մասերով սահմանված փաստաթղթերով հիմնավորված ծախսերը, եթե նույն հոդվածի 2-րդ մասով և օրենսգրքի 113-րդ հոդվածով այլ բան սահմանված չէ,
i
- 121-րդ հոդվածի 8-րդ մասի 6-րդ կետի համաձայն` ռեզիդենտ շահութահարկ վճարողի և մշտական հաստատության միջոցով «-ում գործունեություն իրականացնող ոչ ռեզիդենտ շահութահարկ վճարողի հարկման բազայի որոշման նպատակով ծախս են համարվում նաև չփոխհատուցվող և օրենսգրքով սահմանված կարգով չհաշվանցվող (չպակասեցվող) հարկերը (բացառությամբ օրենսգրքի 113-րդ հոդվածի 1-ին մասի 6-րդ կետով սահմանված դեպքերի) և վճարները:
Հաշվի առնելով վերը նշվածը` հայտնում ենք, որ շահութահարկով հարկման բազան որոշելիս համախառն եկամտից նվազեցվում են չփոխհատուցվող և օրենսգրքով սահմանված կարգով չհաշվանցվող (չպակասեցվող) հարկերը (բացառությամբ օրենսգրքի 113-րդ հոդվածի 1-ին մասի 6-րդ կետով սահմանված դեպքերի) և վճարները (տվյալ դեպքում` ՌԴ պետական բյուջե վճարված ԱԱՀ-ն)` օրենսգրքի 55-րդ հոդվածով նախատեսված փաստաթղթերի առկայության դեպքում` օրենսգրքի 121-րդ հոդվածի 7-րդ մասով սահմանված կարգով:
ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ