ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 դեկտեմբերի 2020 թվականի N 1968-Ա
ԳՈՒՅՔ ՀԵՏ ՎԵՐՑՆԵԼՈՒ, ՆՎԻՐԵԼՈՒ ԵՎ ԱՄՐԱՑՆԵԼՈՒ ՄԱՍԻՆ
i
Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ, 7-րդ և 8-րդ մասերը` Հայաստանի Հանրապետության կառավարությունը որոշում է.
1. Հայաստանի Հանրապետության սեփականությունը հանդիսացող, Հայաստանի Հանրապետության Արմավիրի մարզի Մարգարա համայնքում գտնվող անշարժ գույքը և դրա օգտագործման ու սպասարկման համար անհրաժեշտ հողամասը հետ վերցնել Հայաստանի Հանրապետության պետական եկամուտների կոմիտեից և նվիրել Հայաստանի Հանրապետության Արմավիրի մարզի Մարգարա համայնքին` համաձայն N 1 հավելվածի:
2. Հայաստանի Հանրապետության սեփականությունը հանդիսացող, Հայաստանի Հանրապետության Շիրակի մարզի Ախուրիկ համայնքում գտնվող անշարժ գույքը և դրա օգտագործման ու սպասարկման համար անհրաժեշտ հողամասը հետ վերցնել Հայաստանի Հանրապետության պետական եկամուտների կոմիտեից և ամրացնել Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին` համաձայն N 2 հավելվածի:
3. Հայաստանի Հանրապետության պետական եկամուտների կոմիտեի նախագահին`
1) Հայաստանի Հանրապետության Արմավիրի մարզի Մարգարա համայնքի ղեկավարի հետ համատեղ, սույն որոշումն ուժի մեջ մտնելուց հետո մեկամսյա ժամկետում Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետից բխող պայմանագրի կնքումը` դրանում սահմանելով, որ պայմանագրից բխող բոլոր ծախսերը ենթակա են իրականացման համայնքի միջոցների հաշվին.
2) սույն կետի 1-ին ենթակետում նշված աշխատանքների ավարտից հետո մեկամսյա ժամկետում Հայաստանի Հանրապետության Արմավիրի մարզի Մարգարա համայնքի ղեկավարի հետ համատեղ ապահովել սույն որոշման 1-ին կետում նշված անշարժ գույքի հանձնման-ընդունման աշխատանքների կատարումը.
3) Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահի հետ համատեղ ապահովել սույն որոշման 2-րդ կետում նշված գույքի հանձնման-ընդունման աշխատանքների կատարումը:
Հայաստանի Հանրապետության
վարչապետ Ն. Փաշինյան
2020 թ. դեկտեմբերի
Երևան
Հավելված N 1
ՀՀ կառավարության
2020 թվականի դեկտեմբերի 3-ի
N 1968-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ՄԱՐԳԱՐԱ ՀԱՄԱՅՆՔԻՆ ՆՎԻՐՎՈՂ ԱՆՇԱՐԺ ԳՈՒՅՔԻ
._________________________________________________________________________.
|NN |Գտնվելու վայրը |Անշարժ գույքի |Անշարժ|Հողա-|Անշարժ |Հաշ- |
|ը/կ| |անվանումը |գույքի|մասի |գույքի |վեկըշ-|
| | | |մակե- |մակե-|սկզբնա-|ռային |
| | | |րեսը |րեսը |կան |(մնա- |
| | | |(քառ. |(հա) |արժեքը |ցորդա-|
| | | |մետր) | |(դրամ) |յին) |
| | | | | | |արժեքը|
| | | | | | |(դրամ)|
|___|________________________|________________|______|_____|_______|______|
|1. |ՀՀ Արմավիրի մարզ, գյուղ |վարչական շենք |2052.3|0.83 |4999.3 |0 |
| |Մարգարա | | | | | |
|___|________________________|________________|______|_____|_______|______|
|2. |ՀՀ Արմավիրի մարզ, գյուղ |կաթսայատուն |238.4 |0.083|2044.5 |0 |
| |Մարգարա | | | | | |
|___|________________________|________________|______|_____|_______|______|
|3. |ՀՀ Արմավիրի մարզ, գյուղ |հյուրանոց |1056.1|1 |2468.2 |0 |
| |Մարգարա | | | | | |
._________________________________________________________________________.
Հավելված N 2
ՀՀ կառավարության
2020 թվականի դեկտեմբերի 3-ի
N 1968-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅԱՆ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ԿՈՄԻՏԵԻՆ ԱՄՐԱՑՎՈՂ ԱՆՇԱՐԺ ԳՈՒՅՔԻ
._________________________________________________________________________.
|NN |Գտնվելու վայրը |Անշարժ գույքի |Անշարժ|Հողա-|Անշարժ |Հաշ- |
|ը/կ| |անվանումը |գույքի|մասի |գույքի |վեկըշ-|
| | | |մակե- |մակե-|սկզբնական |ռային |
| | | |րեսը |րեսը |արժեքը |(մնա- |
| | | |(քառ. |(հա) |(դրամ) |ցորդա-|
| | | |մետր) | | |յին) |
| | | | | | |արժեքը|
| | | | | | |(դրամ)|
|___|_____________________|________________|______|_____|__________|______|
|1. |ՀՀ Շիրակի մարզ, գյուղ|վարչական շենք |669.43|0.12 |97012.281 |0 |
| |Ախուրիկ | | | | | |
._________________________________________________________________________.