ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 մարտի 2021 թվականի N 349-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՆՈՅԵՄԲԵՐԻ 21-Ի N 1667-Ն ԵՎ 2020 ԹՎԱԿԱՆԻ ՍԵՊՏԵՄԲԵՐԻ 29-Ի N 1603-Ն ՈՐՈՇՈՒՄՆԵՐՈՒՄ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Նորմատիվ իրավական ակտերի մասին» օրենքի 33-րդ հոդվածը` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2019 թվականի նոյեմբերի 21-ի «Սևանա լճում ձկան և խեցգետնի պաշարների վերականգնման, պահպանման, վերարտադրման, ինչպես նաև դրանց պաշարների որոշման, ձկան և խեցգետնի արդյունագործական որսի քանակների, ձևերի և կազմակերպման կարգը սահմանելու մասին» N 1667-Ն որոշման N 3 հավելվածում կատարել հետևյալ լրացումը և փոփոխությունը`
i
1) 3.1-ին կետի 1-ին ենթակետը «տեղամասերը» բառից հետո լրացնել «և որսի իրականացման ժամային գրաֆիկը» բառերով.
i
2) 4-րդ կետի 1-ին ենթակետում «օրվա լուսային ժամերին» բառերը փոխարինել «` համաձայն լիազոր մարմնի կողմից հաստատված որսի իրականացման ժամային գրաֆիկի» բառերով:
i
2. Հայաստանի Հանրապետության կառավարության 2020 թվականի սեպտեմբերի 29-ի «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների 2021 թվականի տարեկան ծրագիրը հաստատելու մասին» N 1603-Ն որոշման հավելվածով հաստատված Սևանա լճի էկոհամակարգի վերականգնման, պահպանման, վերարտադրման և օգտագործման 2021 թվականի տարեկան ծրագրի հավելվածը շարադրել նոր խմբագրությամբ` համաձայն հավելվածի:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2021 թ. մարտի 18
Երևան
Հավելված
ՀՀ կառավարության
2021 թվականի մարտի 18-ի
N 349-Ն որոշման
«Հավելված
Սևանա լճի էկոհամակարգի
վերականգնման, պահպանման,
վերարտադրման և օգտագործման
2021 թվականի տարեկան ծրագրի
ՍԵՎԱՆԱ ԼՃՈՒՄ ՁԿԱՆ ԵՎ ԽԵՑԳԵՏՆԻ ԱՐԴՅՈՒՆԱԳՈՐԾԱԿԱՆ ՈՐՍԻ ՏԱՐԵԿԱՆ ԱՌԱՎԵԼԱԳՈՒՅՆ ՉԱՓԱՔԱՆԱԿՆԵՐԸ ԵՎ ԱՐԴՅՈՒՆԱԳՈՐԾԱԿԱՆ ՈՐՍԻ ՈՐԱԿԻ ԲՆՈՒԹԱԳՐԵՐԸ
._________________________________________________________________________.
|NN |Ձկան տեսակը|Ձկնորսության|Ձկնորսության |Նախաձվադրային-ձվադրման |
|ը/կ| |թույլատրելի |համար |ժամանակահատվածը |
| | |առավել |թույլատրելի քաշը| |
| | |քանակություն|միավորի համար | |
| | |(տոննա) |(գրամ) | |
|___|___________|____________|________________|___________________________|
|1. | Սիգ | 250 |400 գրամից ոչ |նոյեմբերի 15-հունվարի 15 |
| | | |պակաս | |
|___|_____________________________________________________________________|
|2. |2021 թվականի համար Սևանա լճում կարաս և խեցգետին կենդանատեսակների |
| |համար արդյունագործական որսի չափաքանակ չի սահմանվել: |
|_________________________________________________________________________|
| Ընդհանուր պահանջներ |
|_________________________________________________________________________|
|3. |Սիգ ձկնատեսակի որսն իրականացվում է Սևանա լճի ամբողջ տարածքով, ափից |
| |առնվազն 500 մ հեռավորության վրա: |
|___|_____________________________________________________________________|
|4. |Սիգի արդյունագործական որսն իրականացվում է դնովի ցանցերով |
| |(ցանցավանդակի կառուցողական քայլի չափը 40 մմ և ավելի): |
|___|_____________________________________________________________________|
|5. |Արգելվում է որսն իրականացնել հանգուցային, արտադրված մեքենայական կամ |
| |ձեռքի միջոցով, սինթետիկ նեյլոնե կամ այլ պոլիամիդային մանրաթելերից, |
| |թելի տրամագիծը 0.5 մմ-ից պակաս և ցանցավանդակի չափը 80 մմ-ից պակաս |
| |(ցանցավանդակի կառուցողական քայլի չափը 40 մմ-ից պակաս) ձկնորսական |
| |ուռկաններով (ցանցեր): |
|___|_____________________________________________________________________|
|6. |Արգելվում է Սևանա լճում արդյունագործական որսը սույն հավելվածի 1-ին |
| |կետով չսահմանված կենդանատեսակների նկատմամբ: |
|___|_____________________________________________________________________|
|7. |Սևանա լճում կենդանական պաշարների օգտագործման մասին պայմանագրերի |
| |գործողության ժամկետ սահմանել 2021 թվականի մարտի 25-ից մինչև 2021 |
| |թվականի սեպտեմբերի 1-ը: |
|___|_____________________________________________________________________|
|8. |Արգելվում է ձկների արդյունագործական որսն իրականացնելու նպատակով |
| |Սևանա լիճ մուտք և ելք գործել Շրջակա միջավայրի նախարարի 2020 թվականի|
| |սեպտեմբերի 9-ի N 332-Լ հրամանով հաստատված մուտքի և ելքի տեղամասերից |
| |դուրս տարածքներից: |
._________________________________________________________________________.
«:
Պաշտոնական հրապարակման օրը` 19 մարտի 2021 թվական: