ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 մարտի 2021 թվականի N 295-Ա
ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ «ԱԱ ՏՐԱՆԶԻՏ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ԱՊՐԱՆՔՆԵՐԻ ՆԵՐՄՈՒԾՄԱՆ ԴԵՊՔՈՒՄ ՄԱՔՍԱՅԻՆ ԵՎ ՀԱՐԿԱՅԻՆ ՄԱՐՄԻՆՆԵՐԻ ԿՈՂՄԻՑ ՀԱՇՎԱՐԿՎԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎՃԱՐՄԱՆ ԺԱՄԿԵՏԸ ԵՐԵՔ ՏԱՐԻ ԺԱՄԿԵՏՈՎ ՀԵՏԱՁԳԵԼՈՒ ՄԱՍԻՆ
i
Հիմք ընդունելով Հայաստանի Հանրապետության հարկային օրենսգրքի 79-րդ հոդվածի 1-ին մասը և ղեկավարվելով Հայաստանի Հանրապետության կառավարության 2017 թվականի հոկտեմբերի 5-ի N 1225-Ն որոշման պահանջներով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության սահմանած կարգով ընտրված «ԱԱ ՏՐԱՆԶԻՏ» սահմանափակ պատասխանատվությամբ ընկերության կողմից իրականացվող ներդրումային ծրագրի շրջանակներում 2021 թվականի ապրիլի 1-ից մինչև 2023 թվականի դեկտեմբերի 31-ը ներառյալ ներմուծվող ապրանքների` համաձայն հավելվածի, մաքսային և հարկային մարմինների կողմից հաշվարկվող ավելացված արժեքի հարկի վճարման ժամկետը հետաձգվում է ներմուծման հայտարարագրման օրվանից հաշված 3 տարի ժամկետով:
2. Հայաստանի Հանրապետության էկոնոմիկայի նախարարին` ապահովել «ԱԱ ՏՐԱՆԶԻՏ» սահմանափակ պատասխանատվությամբ ընկերության հետ Հայաստանի Հանրապետության կառավարության 2017 թվականի հոկտեմբերի 5-ի N 1225-Ն որոշման 2-րդ կետով հաստատված` ներդրումային ծրագրի իրականացման ակնկալվող արդյունքների և մոնիթորինգի համակարգի մասին համապատասխան պայմանագրի կնքումը:
3. Սահմանել, որ սույն որոշման հավելվածում նշված են ապրանքների նախնական արժեքները:
Հայաստանի Հանրապետության
վարչապետ Ն. Փաշինյան
2021 թ. մարտի
Երևան
Հավելված
ՀՀ կառավարության
2021 թվականի մարտի 4-ի
N 295-Ա որոշման
ՑԱՆԿ
«ԱԱ ՏՐԱՆԶԻՏ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐՄՈՒԾՎՈՂ ԱՊՐԱՆՔՆԵՐԻ
._________________________________________________________________________.
|NN |ԱՏԳԱԱ-ի | Անվանումը |Չափի | Քանակը | Արժեքը |
|ը/կ|ծածկագիրը| |միավորը| | (դրամ) |
|___|_________|______________________________|_______|________|___________|
| 1 | 2 | 3 | 4 | 5 | 6 |
|___|_________|______________________________|_______|________|___________|
|1. | 0401 |Կաթ, կաթնային սերուցք ոչ | կգ |23400000|23000000000|
| | |խտացված, առանց շաքարի կամ այլ | | | |
| | |շաքարային հավելումների, յուղի | | | |
| | |բաղադրությունը 45%-ից բարձր, | | | |
| | |պաստերիզացված 50% յուղայնու- | | | |
| | |թյամբ, պատրաստված կովի բնական | | | |
| | |կաթից | | | |
|___|_________|______________________________|_______|________|___________|
|2. | 0401 |Կաթ, կաթնային սերուցք 21-45% | կգ |10000000| 8300000000|
| | |յուղայնությամբ, առաջնային | | | |
| | |փաթեթվածքներում 2 լիտրից ավելի| | | |
|___|_________|______________________________|_______|________|___________|
|3. | 0403 |Մածուն, առանց համաբուրավետիչ | կգ |10000000| 7200000000|
| | |հավելումների և առանց մրգեր, | | | |
| | |ընկույզներ կամ կակաո ավելաց- | | | |
| | |նելու, փոշի, հատիկավոր կամ այլ| | | |
| | |պինդ ձևով, առանց շաքար կամ | | | |
| | |այլ քաղցրացնող նյութեր | | | |
| | |ավելացնելու, ճարպի | | | |
| | |պարունակությունը 6%-ից ավելի | | | |
|___|_________|______________________________|_______|________|___________|
|4. | 0406 |Պանիր, քերած կամ փոշի վիճակով | կգ | 5000000| 3100000000|
|_____________________________________________________________|___________|
| Ընդամենը` |41600000000|
._________________________________________________________________________.