040.0822.060901
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«6» սեպտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 սեպտեմբերի 2001 թվականի N 822
ՀԱՅԱՍՏԱՆՈՒՄ ՔՐԻՍՏՈՆԵՈՒԹՅԱՆ ՊԵՏԱԿԱՆ ԿՐՈՆ ՀՌՉԱԿՄԱՆ 1700-ԱՄՅԱԿԻՆ ՆՎԻՐՎԱԾ «ՀԱՅԱՍՏԱՆ-01» ՖԻԼԱՏԵԼԻԱՅԻ ՄԻՋԱԶԳԱՅԻՆ ՑՈՒՑԱՀԱՆԴԵՍԻ ԿԱԶՄԱԿԵՐՊՄԱՆ ԾԱԽՍԵՐԸ ՖԻՆԱՆՍԱՎՈՐԵԼՈՒ ՄԱՍԻՆ
2001 թվականի սեպտեմբերի 10-16-ը «Հայաստան-01» ֆիլատելիայի միջազգային ցուցահանդեսը պատշաճ մակարդակով կազմակերպելու և անցկացնելու նպատակով Հայաստանի Հանրապետության կառավարությունը որոշում է.
i
1. Թույլատրել Հայաստանի Հանրապետության տրանսպորտի և կապի նախարարությանը Հայաստանում քրիստոնեության պետական կրոն հռչակման 1700-ամյակին նվիրված` Երևանում «Հայաստան-01» ֆիլատելիայի միջազգային ցուցահանդեսի նախապատրաստման և կազմակերպման ծախսերը` 15503,8 հազ. դրամի չափով, կատարել Հայաստանի Հանրապետության կառավարության 1999 թվականի մայիսի 15-ի «Հայաստանի Հանրապետության փոստի և հեռահաղորդակցության նախարարության համար բանկային հաշիվ բացելու մասին» N 313 որոշմամբ բացված բանկային հաշվի միջոցների հաշվին:
2. Սույն որոշման 1-ին կետում նշված ծախսերի ֆինանսավորումն իրականացնել Հայաստանի Հանրապետության ֆինանսների և էկոնոմիկայի նախարարության հետ համաձայնեցված արտաբյուջետային միջոցների գոյացման և տնօրինման նախահաշվի համաձայն:
3. Սույն որոշումն ուժի մեջ է մտնում 2001 թվականի սեպտեմբերի 6-ից: