ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 հունիսի 2021 թվականի N 914-Ա
ՈՐՊԵՍ ՆՎԻՐԱԲԵՐՈՒԹՅՈՒՆ ԳՈՒՅՔ ԸՆԴՈՒՆԵԼՈՒ, ԱՄՐԱՑՆԵԼՈՒ ԵՎ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ԳՈՒՅՔ ՀԱՆՁՆԵԼՈՒ ՄԱՍԻՆ
i
Հիմք ընդունելով Հայաստանի Հանրապետության քաղաքացիական օրենսգրքի 685-րդ, «Պետական գույքի կառավարման մասին» Հայաստանի Հանրապետության օրենքի 30-րդ և «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածները, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ, 6-րդ և 8-րդ մասերը` Հայաստանի Հանրապետության կառավարությունը որոշում է.
1. Որպես նվիրաբերություն Հայաստանի Հանրապետությանը ընդունել Հայաստանի Հանրապետության քաղաքացի Անդրանիկ Սուրենի Մարտիրոսյանի (նույնականացման քարտի համար` 000901413, տրված 010 կողմից) կողմից Հայաստանի Հանրապետության տարածք ներմուծված, 2020 թվականի նոյեմբերի 5-ի թիվ 10803040/031120/0098802 հայտարարագրով ձևակերպված և Հայաստանի Հանրապետության բարձր տեխնոլոգիական արդյունաբերության նախարարությանը տրամադրված 119 միավոր, 10392263 դրամ սկզբնական արժեքով շարժական գույքը և այն ամրացնել Հայաստանի Հանրապետության բարձր տեխնոլոգիական արդյունաբերության նախարարությանը` համաձայն հավելվածի:
2. Սույն որոշման 1-ին կետով Հայաստանի Հանրապետության բարձր տեխնոլոգիական արդյունաբերության նախարարությանն ամրացված գույքից 98 միավոր հանձնել «Հայաստանի հեռուստատեսային և ռադիոհաղորդիչ ցանց» ՓԲԸ-ին, 5 միավոր` «Երևանի մաթեմատիկական մեքենաների գործարան» ՓԲԸ-ին, 5 միավոր` «Պատնեշ» ՓԲԸ-ին, 8 միավոր` «Չարենցավանի հաստոցաշինական գործարան» բաց բաժնետիրական ընկերությանը և 3 միավոր` «Հեռահաղորդակցության հանրապետական կենտրոն» պետական ոչ առևտրային կազմակերպությանը` անհատույց օգտագործման իրավունքով:
3. Հայաստանի Հանրապետության բարձր տեխնոլոգիական արդյունաբերության նախարարի պաշտոնակատարին` սույն որոշումն ուժի մեջ մտնելուց հետո մեկամսյա ժամկետում ապահովել սույն որոշման 2-րդ կետով սահմանված ընկերությունների և պետական ոչ առևտրային կազմակերպության հետ անհատույց օգտագործման մասին պայմանագրերի կնքումը:
Հայաստանի Հանրապետության
վարչապետի պաշտոնակատար Ն. Փաշինյան
2021 թ. հունիսի
Երևան
Հավելված
ՀՀ կառավարության
2021 թվականի հունիսի 3-ի
N 914-Ա որոշման
ՑԱՆԿ
ԱՄՐԱՑՎՈՂ ԳՈՒՅՔԻ
._____________________________________________________________________.
|NN |Անվանումը |Ընդհանուր|Քանակ|Սկզբնական|Գույք ստացող մարմինը |
|ը/կ| |բրուտտո |(հատ)|արժեք | |
| | |քաշ (կգ) | |(ՀՀ դրամ)| |
|___|______________|_________|_____|_________|________________________|
|1. |Բենզինային |5712 |119 |10392263 |ՀՀ բարձր տեխնոլոգիական |
| |գեներատորներ | | | |արդյունաբերության |
| | | | | |նախարարություն |
._____________________________________________________________________.