040.0868.180901
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«18» սեպտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 սեպտեմբերի 2001 թվականի N 868
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Երևանի էլեկտրացանց», «Հյուսիսային էլեկտրացանց», «Հարավային էլեկտրացանց» և «Կենտրոնական էլեկտրացանց» փակ բաժնետիրական ընկերությունների մասնավորեցման մասին» Հայաստանի Հանրապետության օրենքի 12-րդ հոդվածով նախատեսված ադմինիստրատորի լիազորությունների իրականացումը ֆինանսավորելու նպատակով Հայաստանի Հանրապետության կառավարությունը որոշում է.
1. Ադմինիստրատորի աշխատանքների իրականացման նպատակով Հայաստանի Հանրապետության ֆինանսների և էկոնոմիկայի նախարարությանը հատկացնել 150000 ԱՄՆ-ի դոլարին համարժեք դրամ, որից` 95000 ԱՄՆ-ի դոլարը` Ճապոնիայի կառավարության կողմից տրամադրված «TF 025128» և «TF 025754» դրամաշնորհների հաշվին` ամսական 20000 ԱՄՆ-ի դոլարին համարժեք դրամ ծախսերի նախահաշվի համաձայն:
2. Հայաստանի Հանրապետության ֆինանսների և էկոնոմիկայի նախարարությանը`
i
ա) համաձայնեցնելով Համաշխարհային բանկի հետ` Հայաստանի Հանրապետության կառավարություն ներկայացնել առաջարկություն Հայաստանի Հանրապետության կառավարության 2000 թվականի դեկտեմբերի 6-ի «Ճապոնիայի կառավարության կողմից տրամադրված դրամաշնորհային ծրագրերի իրականացման աշխատանքները կազմակերպելու մասին» N 808 որոշման մեջ փոփոխություններ կատարելու վերաբերյալ.
i
բ) մինչև 2002 թվականի նոյեմբերի 1-ը Հայաստանի Հանրապետության կառավարություն ներկայացնել առաջարկություն ադմինիստրատորի աշխատանքների ֆինանսավորման լրացուցիչ աղբյուրների վերաբերյալ:
(2-րդ կետը փոփ. 05.06.02 թիվ 684, 18.07.02 թիվ 1053-Ա որոշումներ)
3. Սույն որոշումն ուժի մեջ է մտնում 2001 թվականի սեպտեմբերի 18-ից: