040.0899.250901
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25 սեպտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 սեպտեմբերի 2001 թվականի N 899
i
«ԱՐՓԱ-ՍԵՎԱՆ» ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԲՅՈՒՋԵՏԱՅԻՆ ԵՐԱՇԽԻՔ ՏՐԱՄԱԴՐԵԼՈՒ ՄԱՍԻՆ
«Հիդրոտեխնիկական կառուցվածքներ Որոտան գետի վրա» օբյեկտի N 2 թունելախորշի հորատանցման աշխատանքների անընդհատությունն ապահովելու և լրացուցիչ ծախսերից խուսափելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության քաղաքաշինության նախարարությանը` շարունակել «Հիդրոտեխնիկական կառուցվածքներ Որոտան գետի վրա» օբյեկտի N 2 թունելախորշի հորատանցման և դրա ապահովման հետ կապված առաջնահերթ աշխատանքներն ու դրանց հանձնման-ընդունման արձանագրությունները սահմանված կարգով ներկայացնել Հայաստանի Հանրապետության ֆինանսների և էկոնոմիկայի նախարարություն:
2. Հայաստանի Հանրապետության ֆինանսների և էկոնոմիկայի նախարարությանը`
ա) «Արփա-Սևան» բաց բաժնետիրական ընկերությանը տրամադրել բյուջետային երաշխիք` որպես որևէ բանկից մինչև 2002 թվականի դեկտեմբերի 20-ը մարման ժամկետով, տարեկան մինչև 10 տոկոս տոկոսադրույքով 600.0 մլն դրամ կամ դրան համարժեք ԱՄՆ-ի դոլար գումարով ստացված վարկի և հաշվարկված տոկոսների վճարման ապահովման միջոց.
բ) «Արփա-Սևան» բաց բաժնետիրական ընկերության հետ կնքել բյուջետային երաշխիքի տրամադրման պայմանագիր, առանց գրավի, դրանում նախատեսելով, որ ընկերությունը վարկը ներգրավելու է վարկային գծի ձևով, որով գումարների հատկացումները կատարվելու են Հայաստանի Հանրապետության քաղաքաշինության նախարարության կողմից հաստատված աշխատանքների հանձնման-ընդունման արձանագրությունների և Հայաստանի Հանրապետության ֆինանսների և էկոնոմիկայի նախարարության գրավոր համաձայնության հիման վրա.
գ) Հայաստանի Հանրապետության 2002 թվականի պետական բյուջեի «Հիդրոտեխնիկական կառուցվածքներ Որոտան գետի վրա» ծրագրում նախատեսվելիք հատկացումներում ընդգրկել սույն որոշմամբ նախատեսված վարկի սպասարկման գումարները:
3. Սույն որոշումն ուժի մեջ է մտնում 2001 թվականի սեպտեմբերի 25-ից: