ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ
ՀՐԱՄԱՆ
10 հոկտեմբերի 2019 թվականի N 670-Լ
ԻՆԿՈՐՊՈՐԱՑԻԱ
2021թ. հուլիսի 1-ից գործող խմբագրությամբ
ՄԻԱՍՆԱԿԱՆ ՀԱՇՎԻՆ ՄՈՒՏՔԱԳՐՄԱՆ ԵՆԹԱԿԱ ԳՈՒՄԱՐՆԵՐԻ ՀԻՄՆԱՎՈՐՎԱԾՈՒԹՅԱՆ ՈՒՍՈՒՄՆԱՍԻՐՈՒԹՅԱՆ ԵՎ (ԿԱՄ) ՊԱՐԶԵՑՎԱԾ ԸՆԹԱՑԱԿԱՐԳ ԿԻՐԱՌԵԼՈՒ ԴԻՄՈՒՄԻ ՁԵՎԸ ԵՎ ԼՐԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով Հայաստանի Հանրապետության հարկային օրենսգրքի 348-րդ հոդվածի 1-ին մասը և ղեկավարվելով Հայաստանի Հանրապետության վարչապետի 2018 թվականի հունիսի 11-ի N 702-Լ որոշմամբ հաստատված Հայաստանի Հանրապետության պետական եկամուտների կոմիտեի կանոնադրության 17-րդ կետի 14-րդ ենթակետով`
ՀՐԱՄԱՅՈՒՄ ԵՄ`
1. Հաստատել միասնական հաշվին մուտքագրման ենթակա գումարների հիմնավորվածության ուսումնասիրության և (կամ) պարզեցված ընթացակարգ կիրառելու դիմումի ձևը և լրացման կարգը` համաձայն հավելվածի:
2. Մինչև հարկային մարմնի էլեկտրոնային եղանակով փաստաթղթերի ընդունման համակարգում միասնական հաշվին մուտքագրման ենթակա գումարների հիմնավորվածության ուսումնասիրության և (կամ) պարզեցված ընթացակարգ կիրառելու դիմումի էլեկտրոնային եղանակով ներկայացման հնարավորության ստեղծումը նշված դիմումը ներկայացվում է թղթային եղանակով:
3. Սույն հրամանն ուժի մեջ է մտնում ստորագրման օրվան հաջորդող օրվանից:
ՍՏՈՐԱԳՐՎԵԼ է ՀՀ ՊԵԿ ՆԱԽԱԳԱՀԻ ԿՈՂՄԻՑ
Հավելված
ՀՀ պետական եկամուտների
կոմիտեի նախագահի
2019թ. հոկտեմբերի 10-ի
N 670-Լ հրամանի
._____________________________________________________________________.
|ԴԻՄՈՒՄ |Փաստաթղթի հերթական համարը |
|ՄԻԱՍՆԱԿԱՆ ՀԱՇՎԻՆ ՄՈՒՏՔԱԳՐՄԱՆ |_________________________________ |
|ԵՆԹԱԿԱ ԳՈՒՄԱՐՆԵՐԻ |(լրացվում է հարկային մարմնի |
|ՀԻՄՆԱՎՈՐՎԱԾՈՒԹՅԱՆ |կողմից) |
|ՈՒՍՈՒՄՆԱՍԻՐՈՒԹՅԱՆ ԵՎ (ԿԱՄ) | |
|ՊԱՐԶԵՑՎԱԾ ԸՆԹԱՑԱԿԱՐԳ ԿԻՐԱՌԵԼՈՒ| |
|______________________________|______________________________________|
|1. Հարկ վճարողի հաշվառման | | | | | | | | |
|համարը (ՀՎՀՀ) | | | | | | | | |
|______________________________|______________________________________|
|2. Հարկ վճարողի անվանումը | |
|______________________________|______________________________________|
|3. Հարկ վճարողի գտնվելու վայրը| |
| | |
|______________________________|______________________________________|
|4. Հարկ վճարողի հեռախոսահամարը| |
| | |
|______________________________|______________________________________|
|5. Հարկային մարմնի անվանումը | |
._____________________________________________________________________.
6. Խնդրում եմ ստորև նշված հաշվետու ժամանակաշրջանների համար իրականացնել միասնական հաշվին մուտքագրման ենթակա գումարների հիմնավորվածության ուսումնասիրություն.
1) ԱԱՀ-ի զրոյական դրույքաչափով հարկվող գործարքներից ԱԱՀ-ի փոխհատուցվող գումարի գծով.
._____________________________________________________________________.
|ՏԱՐԻ |ԱՄԻՍ/ԵՌԱՄՍՅԱԿ |ՊԱՐԶԵՑՎԱԾ ԸՆԹԱՑԱԿԱՐԳՈՎ |ՈՒՍՈՒՄՆԱՍԻՐՈՒԹՅԱՄԲ |
| | |ՓՈԽՀԱՏՈՒՑՎՈՂ ԳՈՒՄԱՐ |ՓՈԽՀԱՏՈՒՑՎՈՂ ԳՈՒՄԱՐ |
|______|_______________|________________________|_____________________|
|______|_______________|________________________|_____________________|
|______________________|________________________|_____________________|
|ԸՆԴԱՄԵՆԸ | | |
._____________________________________________________________________.
2) հաշվետու եռամսյակին հաջորդող ամսվա 21-ի դրությամբ ԱԱՀ-ի փոխհատուցվող գումարի գծով.
._____________________________________________________________________.
|ՏԱՐԻ |ԵՌԱՄՍՅԱԿ |ՊԱՐԶԵՑՎԱԾ ԸՆԹԱՑԱԿԱՐԳՈՎ |ՈՒՍՈՒՄՆԱՍԻՐՈՒԹՅԱՄԲ |
| | |ՓՈԽՀԱՏՈՒՑՎՈՂ ԳՈՒՄԱՐ |ՓՈԽՀԱՏՈՒՑՎՈՂ ԳՈՒՄԱՐ |
|______|_______________|________________________|_____________________|
|______|_______________|________________________|_____________________|
|______________________|________________________|_____________________|
|ԸՆԴԱՄԵՆԸ | | |
._____________________________________________________________________.
3) հաշվետու կիսամյակին հաջորդող ամսվա 21-ի դրությամբ ԱԱՀ-ի փոխհատուցվող գումարի գծով.
._____________________________________________________________________.
|ՏԱՐԻ |ԿԻՍԱՄՍՅԱԿ |ՊԱՐԶԵՑՎԱԾ ԸՆԹԱՑԱԿԱՐԳՈՎ |ՈՒՍՈՒՄՆԱՍԻՐՈՒԹՅԱՄԲ |
| | |ՓՈԽՀԱՏՈՒՑՎՈՂ ԳՈՒՄԱՐ |ՓՈԽՀԱՏՈՒՑՎՈՂ ԳՈՒՄԱՐ |
|______|_______________|________________________|_____________________|
|______|_______________|________________________|_____________________|
|______________________|________________________|_____________________|
|ԸՆԴԱՄԵՆԸ | | |
._____________________________________________________________________.
4) ՀՀ հարկային օրենսգրքի 89-րդ հոդվածի 2-րդ մասի 1-3-րդ կետերով սահմանված գործարքներից ակցիզային հարկի փոխհատուցվող գումարի գծով.
._____________________________________________________________________.
|ՏԱՐԻ |ՀԱՇՎԵՏՈՒ ԺԱՄԱՆԱԿԱՇՐՋԱՆ |ԳՈՒՄԱՐ |
|__________________|_______________________________|__________________|
|__________________|_______________________________|__________________|
|__________________________________________________|__________________|
|ԸՆԴԱՄԵՆԸ | |
._____________________________________________________________________.
6.1. 2021 թվականի հուլիսի 1-ից հետո ընկած հաշվետու ժամանակաշրջանների մասով` յուրաքանչյուր հաշվետու ժամանակաշրջանի ԱԱՀ-ի և ակցիզային հարկի միասնական հաշվարկի ներկայացման օրվան հաջորդող օրվա դրությամբ ԱԱՀ-ի փոխհատուցվող գումարի գծով.
._____________________________________________________________________.
|ՏԱՐԻ |ԱՄԻՍ |ՊԱՐԶԵՑՎԱԾ ԸՆԹԱՑԱԿԱՐԳՈՎ |ՈՒՍՈՒՄՆԱՍԻՐՈՒԹՅԱՄԲ |
| | |ՓՈԽՀԱՏՈՒՑՎՈՂ ԳՈՒՄԱՐ |ՓՈԽՀԱՏՈՒՑՎՈՂ ԳՈՒՄԱՐ |
|______|_______________|________________________|_____________________|
|______|_______________|________________________|_____________________|
|______________________|________________________|_____________________|
|ԸՆԴԱՄԵՆԸ | | |
._____________________________________________________________________.
7. Խնդրում եմ իրականացնել ՀՀ հարկային օրենսգիրքն ուժի մեջ մտնելու օրվա դրությամբ առկա գերավճարներից միասնական հաշվին մուտքագրման ենթակա _________ դրամ գումարի հիմնավորվածության ուսումնասիրություն:
Կից ներկայացնում եմ մինչև 2017 թվականի հունվարի 1-ն ընկած հաշվետու ժամանակաշրջանների համար ստացված հարկային հաշիվներում առանձնացված ԱԱՀ-ի գումարների` մինչև 2017 թվականի հունվարի 1-ը գործող կարգով բանկի կամ փոստի միջոցով մատակարարի բանկային հաշվին կատարված վճարումը հիմնավորող փաստաթղթերը _____________ էջ:
Պատասխանատու անձի _______________________________________
(ստորագրությունը, անունը, ազգանունը)
ԼՐԱՑՄԱՆ ԿԱՐԳ ՄԻԱՍՆԱԿԱՆ ՀԱՇՎԻՆ ՄՈՒՏՔԱԳՐՄԱՆ ԵՆԹԱԿԱ ԳՈՒՄԱՐՆԵՐԻ ՀԻՄՆԱՎՈՐՎԱԾՈՒԹՅԱՆ ՈՒՍՈՒՄՆԱՍԻՐՈՒԹՅԱՆ ԵՎ (ԿԱՄ) ՊԱՐԶԵՑՎԱԾ ԸՆԹԱՑԱԿԱՐԳ ԿԻՐԱՌԵԼՈՒ ԴԻՄՈՒՄԻ ՁԵՎԻ
Միասնական հաշվին մուտքագրման ենթակա գումարների հիմնավորվածության ուսումնասիրության և (կամ) պարզեցված ընթացակարգ կիրառելու դիմումի ձևի`
1) 1-ին կետում լրացվում է հարկ վճարողի հաշվառման համարը (ՀՎՀՀ),
2) 2-րդ կետում լրացվում է իրավաբանական անձի անվանումը, իսկ անհատ ձեռնարկատիրոջ դեպքում` «ԱՁ» նշումը և անհատ ձեռնարկատիրոջ անունը, ազգանունը, անհատ ձեռնարկատեր չհանդիսացող ֆիզիկական անձի դեպքում` ֆիզիկական անձի անունը, ազգանունը,
3) 3-րդ կետում լրացվում է հարկ վճարողի գտնվելու վայրը (իրավաբանական անձի դեպքում` իրավաբանական անձի գտնվելու վայրը, իսկ անհատ ձեռնարկատիրոջ կամ անհատ ձեռնարկատեր չհանդիսացող ֆիզիկական անձի դեպքում` բնակության վայրը),
4) 4-րդ կետում լրացվում է հարկ վճարողի հեռախոսահամարը,
5) 5-րդ կետում լրացվում է հարկ վճարողի հաշվառման վայրի հարկային մարմնի անվանումը,
6) 6-րդ կետի`
ա. 1-ին ենթակետը լրացվում է (ըստ ամիսների կամ եռամսյակների), եթե հարկ վճարողը ցանկանում է դիմել միասնական հաշվին մուտքագրման ենթակա` ԱԱՀ-ի զրոյական դրույքաչափով հարկվող գործարքների գծով ԱԱՀ-ի փոխհատուցվող գումարի հիմնավորվածության ուսումնասիրություն իրականացնելու և (կամ) պարզեցված ընթացակարգ կիրառելու համար: «Դիմումի ձևի 6-րդ կետի 1-ին ենթակետը լրացվում է ըստ ամիսների` ամսական կտրվածքով (օրենսդրությամբ սահմանված կարգով հաշվետու ժամանակաշրջան է համարվել ամիսը) ավելացված արժեքի հարկի և ակցիզային հարկի միասնական հաշվարկ (ավելացված արժեքի հարկի հաշվարկ) ներկայացված լինելու դեպքում, ըստ եռամսյակների` եռամսյակային կտրվածքով (օրենսդրությամբ սահմանված կարգով հաշվետու ժամանակաշրջան է համարվել եռամսյակը) ավելացված հարկի արժեքի հաշվարկ ներկայացված լինելու դեպքում»
բ. եթե միասնական հաշվին մուտքագրման ենթակա ԱԱՀ-ի զրոյական դրույքաչափով հարկվող գործարքների գծով ԱԱՀ-ի փոխհատուցվող գումարների մինչև 40 միլիոն դրամի հայտերի հիման վրա կիրառվելու է պարզեցված ընթացակարգ, ապա 1-ին ենթակետի «ՊԱՐԶԵՑՎԱԾ ԸՆԹԱՑԱԿԱՐԳՈՎ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում լրացվում է համապատասխան գումարի չափը,
գ. եթե միասնական հաշվին մուտքագրման ենթակա ԱԱՀ-ի զրոյական դրույքաչափով հարկվող գործարքների գծով ԱԱՀ-ի փոխհատուցվող գումարների մուտքագրումը միասնական հաշվին կատարվելու է ուսումնասիրության հիման վրա, ապա 1-ին ենթակետի «ՈՒՍՈՒՄՆԱՍԻՐՈՒԹՅԱՄԲ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում լրացվում է համապատասխան գումարի չափը,
դ. 2-րդ ենթակետը լրացվում է (ըստ եռամսյակների), եթե հարկ վճարողը ցանկանում է դիմել միասնական հաշվին մուտքագրման ենթակա` յուրաքանչյուր հաշվետու եռամսյակին հաջորդող ամսվա 21-ի դրությամբ ԱԱՀ-ի փոխհատուցվող գումարի հիմնավորվածության ուսումնասիրություն իրականացնելու և (կամ) պարզեցված ընթացակարգ կիրառելու համար:
Ընդ որում, յուրաքանչյուր հաշվետու եռամսյակին հաջորդող ամսվա 21-ի դրությամբ ԱԱՀ-ի փոխհատուցվող գումարն այդ եռամսյակի հաշվետու ժամանակաշրջանների համար ներկայացված ԱԱՀ-ի և ակցիզային հարկի միասնական հաշվարկում արտացոլված դեբետային գումարների հանրագումարն է,
ե. եթե միասնական հաշվին մուտքագրման ենթակա` յուրաքանչյուր հաշվետու եռամսյակին հաջորդող ամսվա 21-ի դրությամբ ԱԱՀ-ի փոխհատուցվող գումարի մինչև 40 միլիոն դրամի հայտերի հիման վրա ԱԱՀ-ի գումարների մուտքագրումը միասնական հաշվին կատարվելու է պարզեցված ընթացակարգով, ապա 2-րդ ենթակետի «ՊԱՐԶԵՑՎԱԾ ԸՆԹԱՑԱԿԱՐԳՈՎ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում լրացվում է համապատասխան գումարի չափը,
զ. եթե միասնական հաշվին մուտքագրման ենթակա` յուրաքանչյուր հաշվետու եռամսյակին հաջորդող ամսվա 21-ի դրությամբ ԱԱՀ-ի փոխհատուցվող գումարի մուտքագրումը միասնական հաշվին կատարվելու է ուսումնասիրության հիման վրա, ապա 2-րդ ենթակետի «ՈՒՍՈՒՄՆԱՍԻՐՈՒԹՅԱՄԲ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում լրացվում է համապատասխան գումարի չափը,
է. 3-րդ ենթակետը լրացվում է (ըստ հաշվետու ժամանակաշրջանների), եթե հարկ վճարողը ցանկանում է դիմել միասնական հաշվին մուտքագրման ենթակա` մինչև 2019 թվականի հուլիսի 1-ը յուրաքանչյուր հաշվետու կիսամյակին հաջորդող ամսվա 21-ի դրությամբ ԱԱՀ-ի փոխհատուցվող գումարի հիմնավորվածության ուսումնասիրություն իրականացնելու համար:
2018 թվականի հունվարի 1-ից մինչև 2019 թվականի հուլիսի 1-ը յուրաքանչյուր հաշվետու կիսամյակին հաջորդող ամսվա 21-ի դրությամբ ԱԱՀ-ի փոխհատուցվող գումարն այդ կիսամյակի հաշվետու ժամանակաշրջանների համար ներկայացված ԱԱՀ-ի և ակցիզային հարկի միասնական հաշվարկում արտացոլված դեբետային գումարների, իսկ մինչև ՀՀ հարկային օրենսգիրքն ուժի մեջ մտնելն
(մինչև 01.01.2018թ.) ընկած հաշվետու ժամանակաշրջանների համար` հաշվետու ժամանակաշրջանում հաշվանցման Ենթակա ԱԱՀ-ի գումարների` հարկվող շրջանառության նկատմամբ հաշվարկված ԱԱՀ-ի գումարները գերազանցող գումարների (բյուջեից հաշվանցման ենթակա ԱԱՀ-ի գումարների) հանրագումարն է,
ը. եթե միասնական հաշվին մուտքագրման ենթակա` յուրաքանչյուր հաշվետու կիսամյակին հաջորդող ամսվա 21-ի դրությամբ ԱԱՀ-ի փոխհատուցվող գումարի կամ բյուջեից հաշվանցման ենթակա ԱԱՀ գումարի մինչև 40 միլիոն դրամի հայտերի հիման վրա ԱԱՀ-ի գումարների մուտքագրումը միասնական հաշվին կատարվելու է պարզեցված ընթացակարգով, ապա 3-րդ ենթակետի «ՊԱՐԶԵՑՎԱԾ ԸՆԹԱՑԱԿԱՐԳՈՎ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում լրացվում է համապատասխան գումարի չափը,
թ. եթե միասնական հաշվին մուտքագրման ենթակա` յուրաքանչյուր հաշվետու կիսամյակին հաջորդող ամսվա 21-ի դրությամբ ԱԱՀ-ի փոխհատուցվող գումարի կամ բյուջեից հաշվանցման ենթակա ԱԱՀ գումարի մուտքագրումը միասնական հաշվին կատարվելու է ուսումնասիրության հիման վրա, ապա 3-րդ ենթակետի «ՈՒՍՈՒՄՆԱՍԻՐՈՒԹՅԱՄԲ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում լրացվում է համապատասխան գումարի չափը,
ժ. եթե հարկ վճարողը ցանկանում է դիմել միասնական հաշվին մուտքագրման ենթակա` ՀՀ հարկային օրենսգրքի 89-րդ հոդվածի 2-րդ մասի 1-3-րդ կետերով սահմանված գործարքներից ակցիզային հարկի փոխհատուցվող գումարի հիմնավորվածության նպատակով ուսումնասիրություն իրականացնելու համար, լրացվում է միայն 6-րդ կետի 4-րդ ենթակետը,
ժա. 6-րդ կետի 2-3-րդ ենթակետերը լրացվում են մինչև 2021 թվականի հուլիսի 1-ն ընկած հաշվետու ժամանակաշրջանների արդյունքներով` յուրաքանչյուր հաշվետու ժամանակաշրջանին հաջորդող ամսվա 21-ի դրությամբ ԱԱՀ-ի փոխհատուցվող գումարների գծով,
6.1) 6.1-ին կետը լրացվում է 2021 թվականի հուլիսի 1-ից հետո ընկած հաշվետու ժամանակաշրջանն` ըստ ամիսների, եթե հարկ վճարողը ցանկանում է դիմել միասնական հաշվին մուտքագրման ենթակա` հաշվետու ժամանակաշրջանի համար ԱԱՀ-ի և ակցիզային հարկի միասնական հաշվարկի ներկայացման օրվան հաջորդող օրվա դրությամբ օրենսգրքի 74-րդ հոդվածով սահմանված ԱԱՀ-ի փոխհատուցվող գումարի հիմնավորվածության ուսումնասիրություն իրականացնելու և (կամ) պարզեցված ընթացակարգ կիրառելու համար: Եթե միասնական հաշվին մուտքագրման ենթակա ԱԱՀ-ի փոխհատուցվող գումարների մինչև 40 միլիոն դրամի հայտի հիման վրա ԱԱՀ-ի գումարների մուտքագրումը միասնական հաշվին կատարվելու է պարզեցված ընթացակարգով, ապա ԱԱՀ փոխհատուցվող գումարի համապատասխան չափը լրացվում է «ՊԱՐԶԵՑՎԱԾ ԸՆԹԱՑԱԿԱՐԳՈՎ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում: Եթե միասնական հաշվին մուտքագրման ենթակա ԱԱՀ-ի փոխհատուցվող գումարների մուտքագրումը միասնական հաշվին կատարվելու է ուսումնասիրության հիման վրա, ապա ԱԱՀ փոխհատուցվող գումարի համապատասխան չափը լրացվում է «ՈՒՍՈՒՄՆԱՍԻՐՈՒԹՅԱՄԲ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում,
7) 7-րդ կետում լրացվում է ՀՀ հարկային օրենսգիրքն ուժի մեջ մտնելու օրվա դրությամբ առկա գերավճարներից միասնական հաշվին մուտքագրման ենթակա գումարի չափը,
8) Մինչև 2017 թվականի հունվարի 1-ն ընկած որևէ հաշվետու ժամանակաշրջանի համար դիմումում պարզեցված ընթացակարգ կիրառելու վերաբերյալ նշում լինելու դեպքում դիմումին կից ներկայացվում են նաև այդ հաշվետու ժամանակաշրջանի համար ստացված հարկային հաշիվներում առանձնացված ԱԱՀ-ի գումարների` մինչև 2017 թվականի հունվարի 1-ը գործող կարգով բանկի կամ փոստի միջոցով մատակարարի բանկային հաշվին կատարված վճարումը հիմնավորող փաստաթղթերը և լրացվում է դրանց էջերի քանակը:
Հարկային մարմին ներկայացվող դիմումում պարտադիր լրացվում են դիմումի ձևի 1-5-րդ կետերը, 6-րդ կետի որևէ ենթակետ և (կամ) 2021 թվականի հուլիսի 1-ից հետո ընկած հաշվետու ժամանակաշրջանների համար 6.1-ին կետը կամ 7-րդ կետը: Ընդ որում, դիմումի 7-րդ կետը լրացվելու դեպքում դիմումի 6-րդ և 6.1-ին կետերը չեն լրացվում:
Դիմումում նշված հաշվետու ժամանակաշրջան(ներ)ի համար պետք է սահմանված կարգով հարկային մարմին ներկայացված լինեն տվյալ հաշվետու ժամանակաշրջան(ներ)ի համապատասխան հարկատեսակի գծով բոլոր հարկային հաշվարկները, իսկ «ՊԱՐԶԵՑՎԱԾ ԸՆԹԱՑԱԿԱՐԳՈՎ ՓՈԽՀԱՏՈՒՑՎՈՂ ԳՈՒՄԱՐ» սյունակի համապատասխան վանդակում նշում կատարված լինելու դեպքում` դիմումի հարկային մարմին ներկայացման օրվա դրությամբ լրացած հաշվետու ժամանակաշրջանների համար ԱԱՀ-ի և ակցիզային հարկի միասնական հաշվարկները: Հարկային մարմին ներկայացված դիմումի 6-րդ կետի որևէ ենթակետում կամ 2021 թվականի հուլիսի 1-ից հետո ընկած հաշվետու ժամանակաշրջանների համար 6.1-րդ կետում նշված հաշվետու ժամանակաշրջանի համար հարկ վճարողը պետք է ունենա ԱԱՀ-ի փոխհատուցվող գումար (բյուջեից հաշվանցման ենթակա ԱԱՀ գումար):
Հարկային մարմին ներկայացված դիմումում նշված նույն հաշվետու ժամանակաշրջանների ցուցանիշները չպետք է լրացված լինեն դիմումի 6-րդ կետի տարբեր ենթակետերում:
Դիմումում բոլոր արժեքային մեծությունները լրացվում են ՀՀ դրամով: