ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ԻՐԱԶԵԿՄԱՆ ԹԵՐԹԻԿ
7 հունվարի 2022 թվականի N 310
ԱԱՀ-ՈՎ ՀԱՐԿՄԱՆ ԲԱԶԱՆ ՀԱՇՎԱՐԿԵԼՈՒ ՎԵՐԱԲԵՐՅԱԼ
Հարց
i
2021 թ.-ի հոկտեմբերի 22-ին «Ա» կազմակերպության հաշվեկշռում առկա անշարժ գույքը աճուրդով վաճառվել է 46.982.000 ՀՀ դրամով, սակայն գույքի կադաստրային արժեքը կազմում է 185.842.082 ՀՀ դրամ: Առաջնորդվելով ՀՀ հարկային օրենսգրքի 62-րդ հոդվածի 8-րդ կետով ԱԱՀ-ն պետք է հաշվարկել անշարժ գույքի հարկով հարկման բազայի 80%-ից 20% դրույքաչափով, որը կազմում է 29.734.733 ՀՀ դրամ:
Պատասխան
ՀՀ հարկային օրենսգրքի`
i
- 61-րդ հոդվածի 1-ին մասի համաձայն` ապրանքի մատակարարման, աշխատանքի կատարման կամ ծառայության մատուցման գործարքների դեպքում, եթե օրենսգրքի 62-րդ հոդվածով այլ բան սահմանված չէ, ապա ԱԱՀ-ով հարկման բազա է համարվում դրանց արժեքը` դրամական արտահայտությամբ` առանց ԱԱՀ-ի,
i
- 62-րդ հոդվածի 8-րդ մասի համաձայն` շենքերի, շինությունների (այդ թվում` անավարտ, կիսակառույց), բնակելի կամ այլ տարածքների, հողամասերի օտարման դեպքում ԱԱՀ-ով հարկման բազան որոշվում է օրենսգրքի 61-րդ հոդվածով և նույն հոդվածով սահմանված կարգով, բայց ոչ պակաս, քան դրանց համար օրենսգրքի 228-րդ հոդվածով սահմանված կարգով որոշվող անշարժ գույքի հարկով հարկման բազայի 80 տոկոսի չափով, բացառությամբ նույն մասով սահմանված դեպքի:
i
Հաշվի առնելով վերոգրյալը` հայտնում ենք, որ շենքերի, շինությունների, բնակելի կամ այլ տարածքների, հողամասերի օտարման դեպքում ԱԱՀ-ով հարկման բազան որոշվում է օրենսգրքի 61-րդ և 62-րդ հոդվածներով սահմանված կարգավորումներին համապատասխան, բայց ոչ պակաս, քան դրանց համար օրենսգրքի 228-րդ հոդվածով սահմանված կարգով որոշվող` անշարժ գույքի հարկով հարկման բազայի 80 տոկոսի չափով:
ՀՀ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ