(ուժը կորցրել 19.02.02 թիվ 49 որոշում)
i
050.0277.231001
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
23 հոկտեմբերի 2001 թվականի թիվ 277
«ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ ԵՎ ԼԻՑԵՆԶԱՎՈՐՈՒՄԸ, ՄԱՍՆԱՃՅՈՒՂԵՐԻ, ԳՈՐԾԱՌՆԱԿԱՆ ԳՐԱՍԵՆՅԱԿՆԵՐԻ (ԿԵՏԵՐԻ) ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ» ԿԱՆՈՆԱԿԱՐԳ 1-ՈՒՄ (ՆՈՐ ԽՄԲԱԳՐՈՒԹՅԱՄԲ) ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածով` Հայաստանի Հանրապետության կենտրոնական բանկի խորհուրդը
Որոշում է.
i
1. «Բանկերի և օտարերկրյա բանկերի մասնաճյուղերի գրանցումը և լիցենզավորումը, մասնաճյուղերի, գործառնական գրասենյակների (կետերի) և ներկայացուցչությունների գրանցումը» կանոնակարգ 1-ում (նոր խմբագրությամբ) կատարել հետևյալ փոփոխությունները`
1.1. հավելված 10-ը վերաշարադրել հետևյալ խմբագրությամբ.
«Հավելված 10
ԲԱՆԿԻՆ ՏՐՎՈՂ ԼԻՑԵՆԶԻԱՅԻ ՁԵՎ
ՀՀ կենտրոնական բանկի նախագահ
__________________
Լիցենզիան տրվել է ____ __________________ թ.
Լիցենզիայում փոփոխություն է կատարվել ____ __________________ թ.
____ __________________ թ.
____ __________________ թ.
Բանկային գործունեության լիցենզիա թիվ ____
Սույն լիցենզիան տրվում է --------------------------------------------
(բանկի անվանումը և կազմակերպական-իրավական տեսակը) «Բանկերի և բանկային գործունեության մասին» Հայաստանի Հանրապետության օրենքով նախատեսված հայկական դրամով և արտարժույթով բանկային գործունեություն և ֆինանսական գործառնություններ իրականացնելու համար».
1.2. հավելված 11-ը վերաշարադրել հետևյալ խմբագրությամբ.
«Հավելված 11
ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻՆ ՏՐՎՈՂ ԼԻՑԵՆԶԻԱՅԻ ՁԵՎ
ՀՀ կենտրոնական բանկի նախագահ
__________________
Լիցենզիան տրվել է ____ __________________ թ.
Լիցենզիայում փոփոխություն է կատարվել ____ __________________ թ.
____ __________________ թ.
____ __________________ թ.
Բանկային գործունեության լիցենզիա թիվ ___
Սույն լիցենզիան տրվում է -------------------------------------------
(օտարերկրյա բանկի մասնաճյուղի անվանումը) «Բանկերի և բանկային գործունեության մասին» Հայաստանի Հանրապետության օրենքով նախատեսված հայկական դրամով և արտարժույթով բանկային գործունեություն և ֆինանսական գործառնություններ իրականացնելու համար:
Օտարերկրյա բանկի մասնաճյուղը ՀՀ տարածքում կարող է ավանդներ ընդունել միայն Հայաստանի Հանրապետության ոչ ռեզիդենտներից, բացառությամբ Հայաստանի Հանրապետության տարածքում գործող բանկերի»:
2. Հանձնարարել Հայաստանի Հանրապետության կենտրոնական բանկի գործերի կառավարչությանը` սույն որոշումն ուժի մեջ մտնելու պահից երկշաբաթյա ժամկետում ձեռք բերել Հայաստանի Հանրապետության կառավարության կողմից արժեթղթերի համար սահմանված պաշտպանվածության աստիճան ունեցող լիցենզիաների ձևեր (թվով 50 հատ):
3. Հանձնարարել Հայաստանի Հանրապետության կենտրոնական բանկի բանկային վերահսկողության դեպարտամենտին` պաշտպանվածության աստիճան ունեցող լիցենզիաների ձևերը Հայաստանի Հանրապետության կենտրոնական բանկի գործերի կառավարչությունից ստանալուց հետո եռօրյա ժամկետում Հայաստանի Հանրապետության տարածքում գործող բանկերից պահանջել լիցենզիաների հին ձևերը և դրանք փոխարինել նոր ձևերով (համաձայն «Բանկերի և օտարերկրյա բանկերի մասնաճյուղերի գրանցումը և լիցենզավորումը, մասնաճյուղերի, գործառնական գրասենյակների (կետերի) և ներկայացուցչությունների գրանցումը» կանոնակարգ 1-ի
(նոր խմբագրությամբ)):
4. Սույն որոշումն ուժի մեջ է ընդունման պահից: