040.1080.071101
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«7» նոյեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 նոյեմբերի 2001 թվականի N 1080
ՎԱԶԳԵՆ ԱՌԱՋԻՆԻ ԱՆՎԱՆ ՊԱՏԵՐԱԶՄԻ ՀԱՇՄԱՆԴԱՄՆԵՐԻ ԲԱՐԵԳՈՐԾԱԿԱՆ ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆԸ ՇԵՆՔ ՀԱՆՁՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. Երևանի քաղաքապետարանի տնօրինության` Երևանի Ներքին Շենգավիթի 12-րդ փողոցում գտնվող նախկին N 2 բաղնիքի` 938 քառ. մետր ընդհանուր մակերես ունեցող շենքը հաշմանդամների համար սայլակների և այլ արտադրություն կազմակերպելու նպատակով տաս տարի ժամկետով վարձակալական իրավունքով հանձնել Վազգեն Առաջինի անվան պատերազմի հաշմանդամների բարեգործական հասարակական կազմակերպությանը` վերանորոգման աշխատանքների համար կատարվող ծախսերը հաշվարկելով որպես վարձավճար:
(1-ին կետը փոփ. 10.02.05 թիվ 118-Ա որոշում)
2. Հայաստանի Հանրապետության պետական գույքի կառավարման նախարարությանը` 15-օրյա ժամկետում` սահմանված կարգով Վազգեն Առաջինի անվան պատերազմի հաշմանդամների բարեգործական հասարակական կազմակերպության հետ համատեղ ապահովել նշված շենքի վարձակալական պայմանագրի կնքումը և գույքային իրավունքների պետական գրանցումը:
3. Սույն որոշումն ուժի մեջ է մտնում 2001 թվականի նոյեմբերի 7-ից: