ՏԵԽՆԻԿԱԿԱՆ ԱՐԱՏՈՐՈՇՄԱՆ ՄԻՋՈՑՆԵՐՈՎ ՏՐԱՆՍՊՈՐՏԱՅԻՆ ՄԻ ...

«Գրանցված է»
ՀՀ արդարադատության
նախարարության կողմից
10 ապրիլի 2008 թ.
Պետական գրանցման թիվ 60008122

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ
ՈՐՈՇՈՒՄ

28 մարտի 2008 թվականի N 149-Ն

ՏԵԽՆԻԿԱԿԱՆ ԱՐԱՏՈՐՈՇՄԱՆ ՄԻՋՈՑՆԵՐՈՎ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՊԱՐՏԱԴԻՐ ՏԵԽՆԻԿԱԿԱՆ ԶՆՆՈՒԹՅԱՆ ԱՆՑԿԱՑՄԱՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ՍԱԿԱԳՆԵՐԻ ՍԱՀՄԱՆՄԱՆ ՈՒ ՎԵՐԱՆԱՅՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման և վերանայման մասին» Հայաստանի Հանրապետության օրենքի 3-րդ հոդվածի 1-ին մասը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հաստատել տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման ու վերանայման կարգը (հավելված):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

  Հավելված    
Հաստատված է
ՀՀ հանրային ծառայությունները
կարգավորող հանձնաժողովի
2008 թվականի մարտի 28-ի
N 149-Ն որոշմամբ

ԿԱՐԳ
ՏԵԽՆԻԿԱԿԱՆ ԱՐԱՏՈՐՈՇՄԱՆ ՄԻՋՈՑՆԵՐՈՎ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՊԱՐՏԱԴԻՐ ՏԵԽՆԻԿԱԿԱՆ ԶՆՆՈՒԹՅԱՆ ԱՆՑԿԱՑՄԱՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ՍԱԿԱԳՆԵՐԻ ՍԱՀՄԱՆՄԱՆ ՈՒ ՎԵՐԱՆԱՅՄԱՆ

Սույն կարգը սահմանում է տեխնիկական արատորոշման միջոցներով տրանսպորտային միջոցների և դրանց կցորդների (այսուհետ` տրանսպորտային միջոցներ) պարտադիր տեխնիկական զննության անցկացման ծառայությունների (այսուհետ` ծառայություններ) մատուցման սակագների սահմանման ու վերանայման գործընթացը։

1. ԸՆԴՀԱՆՈՒՐ ԴՐՈՒՅԹՆԵՐ

1.1. Սակագների սահմանման ու վերանայման առնչությամբ Հայաստանի Հանրապետության կառավարության կողմից լիազորված պետական կառավարման մարմնի (այսուհետ` լիազոր մարմին) և ծառայություններ մատուցող անձանց կողմից ներկայացվող անհրաժեշտ փաստաթղթերի ձևերը և ցանկը (այսուհետ` հայտ) սահմանում է Հայաստանի Հանրապետության հանրային ծառայությունները կարգավորող հանձնաժողովը (այսուհետ` հանձնաժողով)։

1.2. Ծառայությունների մատուցման սակագների սահմանման ու վերանայման վերաբերյալ առաջարկությունը հանձնաժողով է ներկայացնում լիազոր մարմինը:

1.3. Սահմանված սակագինը կարող է վերանայվել ինչպես ծառայություններ մատուցող անձանց պահանջով` լիազոր մարմնի առաջարկությամբ, այնպես էլ հանձնաժողովի նախաձեռնությամբ։

1.4. Սահմանված սակագներն ուժի մեջ են մտնում որոշումն ընդունելուց 30 օր հետո։

1.5. Սակագների գործողության ժամկետը մեկ տարուց պակաս չի կարող լինել, բացառությամբ «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման և վերանայման մասին» Հայաստանի Հանրապետության օրենքով նախատեսված դեպքի:

1.6. Ծառայություններ մատուցող անձինք Հայաստանի Հանրապետության օրենքներով սահմանված կարգով պատասխանատվություն են կրում սույն կարգի համաձայն ներկայացված տեղեկատվության հավաստիության համար:

1.7. Լիազոր մարմնի կողմից հանձնաժողով ներկայացվող բոլոր փաստաթղթերը պետք է վավերացված լինեն լիազոր մարմնի կնիքով և լիազոր մարմնի ղեկավարի ստորագրությամբ:

2. ՍԱԿԱԳՆԵՐԻ ՍԱՀՄԱՆՄԱՆ ՈՒ ՎԵՐԱՆԱՅՄԱՆ ՎԵՐԱԲԵՐՅԱԼ ՀԱՅՏԻ ԸՆԴՈՒՆՈՒՄԸ, ՔՆՆԱՐԿՈՒՄԸ ԵՎ ՀԱՄԱՊԱՏԱՍԽԱՆ ՈՐՈՇՄԱՆ ԿԱՅԱՑՈՒՄԸ

2.1. Սակագների սահմանման ու վերանայման համար լիազոր մարմինը համապատասխան հաշվարկներով և բացատրագրով հայտ է ներկայացնում հանձնաժողով` երկու օրինակից, համաձայն սույն կարգի N 1 հավելվածով սահմանված փաստաթղթերի ցանկի։ Բացատրագրում նկարագրվում են սակագնի տարր կազմող յուրաքանչյուր հոդվածի հիմնավորումները:

2.2. Լիազոր մարմինը սույն կարգի N 1 հավելվածի 1-ին կետով և N 5 հավելվածով սահմանված ձևերով նախատեսված փաստացի տեղեկատվությունը հանձնաժողով է ներկայացնում հայտ ներկայացնելու տարվան նախորդող վերջին երկու հաշվետու տարիների արդյունքներով:

(2.2-րդ կետը փոփ. 21.03.12 թիվ 80-Ն որոշում)

2.3. Եթե լիազոր մարմինը առաջին հայտը ներկայացնում է մինչև ծառայություններ մատուցողների գործունեության մեկ տարին լրանալը, ապա սույն կարգի 2.1 կետով նախատեսված համապատասխան փաստաթղթերը լրացնելու ժամանակ հիմք է ընդունվում ծառայություններ մատուցողների եկամուտների և ծախսերի նախահաշիվների, իսկ տեխնիկական զննության ենթակա տրանսպորտային միջոցների մասով` ճանապարհային ոստիկանության ծառայության նախորդ տարվա փաստացի տվյալները` հաշվի առնելով դրանց աճի միտումը և ներդրումների փաստացի ծախսը: Նշված հայտի հիման վրա սահմանված սակագնի գործողության ժամկետը մեկ տարի է:

2.4. Լիազոր մարմինը սույն կարգի N 4 հավելվածով սահմանված ձևերով ծառայություների մատուցմանը վերաբերող տեղեկատվությունը հանձնաժողով է ներկայացնում կանխատեսվող ժամանակահատվածի համար:

2.5. Հայտը հանձնաժողովում մուտքագրվելուց հետո հանձնաժողովի համապատասխան ստորաբաժանումը ստուգում է հայտի ամբողջականությունը, նրանում ընդգրկված փաստաթղթերի ձևակերպման ճշտությունը։

2.6. Հանձնաժողովը հայտի ստուգման արդյունքների մասին գրավոր տեղեկացնում է լիազոր մարմնին` հայտը հանձնաժողովում մուտքագրվելու օրվանից ոչ ուշ, քան 10 աշխատանքային օրվա ընթացքում:

2.7. Հայտը չի ընդունվում ուսումնասիրության, եթե`

1) նրանում ընդգրկված փաստաթղթերը չեն համապատասխանում Հայաստանի Հանրապետության օրենքներով, այլ իրավական ակտերով և սույն կարգով սահմանված պահանջներին.

2) ներկայացված փաստաթղթերում և տեղեկատվություններում առկա են անճշտություններ և անհամապատասխանություններ։

2.8. Հայտի ստուգման բացասական արդյունքի դեպքում այն լիազոր մարմին չի վերադարձվում և պահպանվում է հանձնաժողովում։

2.9. Հայտի ստուգման բացասական արդյունքի դեպքում լիազոր մարմինը, հայտնաբերված թերությունները վերացնելուց հետո, կարող է նոր հայտով դիմել հանձնաժողով: Այդ դեպքում լիազոր մարմինն իրավունք ունի հղում կատարել նախկին հայտով ներկայացված փաստաթղթերին, եթե դրանցում ներկայացված տվյալները նոր հայտի ներկայացման պահին չեն փոփոխվել:

2.10. Հայտի ստուգման դրական արդյունքի դեպքում հանձնաժողովը հայտն ընդունում է ուսումնասիրության։ Հանձնաժողովը սակագինը սահմանում, վերանայում (վերահաստատում կամ փոփոխում) և համապատասխան որոշում է կայացնում լիազոր մարմին հայտի ստուգման արդյունքների մասին գրավոր տեղեկացնելու օրվանից հետո 90 օրվա ընթացքում:

2.11. Հանձնաժողովն իրավունք ունի լիազոր մարմնից պահանջել նաև ծառայություններ մատուցող անձանց գործունեությանը վերաբերող լրացուցիչ տեղեկատվություն և փաստաթղթեր, որոնց ներկայացման անհրաժեշտության մասին գրավոր տեղեկացնում է լիազոր մարմնին` նշելով ներկայացման ողջամիտ ժամկետ։ Եթե խախտվում է լրացուցիչ տեղեկատվության և փաստաթղթերի ներկայացման համար հանձնաժողովի գրությունում նշված ժամկետը, ապա ուշացման ժամանակը չի ներառվում սույն կարգի 2.9 կետում սահմանված ժամկետում:

3. ՀԱՆՁՆԱԺՈՂՈՎԻ ՆԱԽԱՁԵՌՆՈՒԹՅԱՄԲ ՍԱԿԱԳՆԵՐԻ ՎԵՐԱՆԱՅՈՒՄԸ

3.1. Հանձնաժողովն իր նախաձեռնությամբ սակագների վերանայման գործընթաց ձեռնարկելու դեպքում`

1) նախապես այդ մասին գրավոր տեղեկացնում է լիազոր մարմին.

2) կարող է դիմել լիազոր մարմին` ծառայություններ մատուցող անձանց ֆինանսատնտեսական գործունեությանը վերաբերող անհրաժեշտ տեղեկատվություն ստանալու համար:

4. ԾԱՌԱՅՈՒԹՅՈՒՆՆԵՐ ՄԱՏՈՒՑՈՂ ԱՆՁԱՆՑ ԿՈՂՄԻՑ ԼԻԱԶՈՐ ՄԱՐՄԻՆ ՍԱԿԱԳՆԵՐԻ ՍԱՀՄԱՆՄԱՆ ԵՎ ՎԵՐԱՆԱՅՄԱՆ ՀԵՏ ԿԱՊՎԱԾ ՖԻՆԱՆՍԱՏՆՏԵՍԱԿԱՆ ԳՈՐԾՈՒՆԵՈՒԹՅԱՆԸ ՎԵՐԱԲԵՐՈՂ ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՈՒՄԸ

4.1. Ծառայություններ մատուցող անձինք հաշվետվությունները լիազոր մարմին են ներկայացնում հանձնաժողովի կողմից հաստատված ձևերով (հավելված N 5):

4.2. Ծառայություններ մատուցող անձինք միաժամանակ լիազոր մարմին են ներկայացնում հաշվապահական հաշվառման հաշիվների շրջանառության տեղեկագիրը` կիսամյակային արդյունքներով և Հայաստանի Հանրապետության կառավարությանն առընթեր հարկային պետական ծառայության 2004 թվականի ապրիլի 2-ի «Ռեզիդենտների կողմից շահութահարկի հաշվարկման և վճարման կարգի մասին» հրահանգը հաստատելու և Հայաստանի Հանրապետության հարկային տեսչության 1998 թվականի փետրվարի 5-ի N 01/10 ու 1999 թվականի փետրվարի 11-ի N 01/8 հրամանները ուժը կորցրած ճանաչելու մասին» N 1-05/7-Ն հրամանով հաստատված հրահանգի համաձայն ներկայացվող շահութահարկի հաշվարկը` տարեկան արդյունքներով:

(4.2-րդ կետը փոփ. 21.03.12 թիվ 80-Ն որոշում)

4.3. Հաշվետվություններին կից լիազոր մարմին է ներկայացվում նաև դրանց էլեկտրոնային տարբերակը:

  Հավելված N 1            
ՀՀ հանրային ծառայությունները
կարգավորող հանձնաժողովի
2008 թվականի մարտի 28-ի
N 149-Ն որոշմամբ հաստատված կարգի

ՑԱՆԿ
ՏԵԽՆԻԿԱԿԱՆ ԱՐԱՏՈՐՈՇՄԱՆ ՄԻՋՈՑՆԵՐՈՎ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՊԱՐՏԱԴԻՐ ՏԵԽՆԻԿԱԿԱՆ ԶՆՆՈՒԹՅԱՆ ԱՆՑԿԱՑՄԱՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ՍԱԿԱԳՆԵՐԻ ՍԱՀՄԱՆՄԱՆ ՈՒ ՎԵՐԱՆԱՅՄԱՆ ՀԱՄԱՐ ԼԻԱԶՈՐ ՄԱՐՄՆԻ ԿՈՂՄԻՑ ՀԱՆՁՆԱԺՈՂՈՎ ՆԵՐԿԱՅԱՑՎՈՂ ԱՆՀՐԱԺԵՇՏ ՓԱՍՏԱԹՂԹԵՐԻ

1. Ծառայություններ մատուցող անձանց հաշվապահական հաշվառման հաշիվների շրջանառության տեղեկագիր և Հայաստանի Հանրապետության կառավարությանն առընթեր հարկային պետական ծառայության 2004 թվականի ապրիլի 2-ի «Ռեզիդենտների կողմից շահութահարկի հաշվարկման և վճարման կարգի մասին» հրահանգը հաստատելու և Հայաստանի Հանրապետության հարկային տեսչության 1998 թվականի փետրվարի 5-ի N 01/10 ու 1999 թվականի փետրվարի 11-ի N 01/8 հրամանները ուժը կորցրած ճանաչելու մասին» N 1-05/7-Ն հրամանով հաստատված հրահանգի համաձայն ներկայացվող շահութահարկի հաշվարկ,

(1-ին կետը փոփ. 21.03.12 թիվ 80-Ն որոշում)

2. ծառայություններ մատուցող անձանց կողմից տեխնիկական արատորոշման միջոցներով տրանսպորտային միջոցների պարտադիր տեխնիկական զննության համար օգտագործվող սարքավորումների տեխնիկական անձնագրեր,

3. սակագների սահմանման կամ վերանայման համար լիազոր մարմնի կողմից ներկայացվող դիմումի ձև (հավելված N 2),

4. Հայաստանի Հանրապետությունում երեք հազար և ավելի տպաքանակ ունեցող երեք թերթերում սակագների սահմանման կամ վերանայման վերաբերյալ լիազոր մարմնի մտադրության մասին հայտարարության ձև (հավելված N 3),

5. տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագնի հաշվարկ (հավելված N 4, ձև 4-1),

6. տեղեկատվություն տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման կապիտալ ներդրումների վերաբերյալ (հավելված N 4, ձև 4-2),

7. տեղեկատվություն աշխատակիցների աշխատանքի վարձատրությանն ուղղվող միջոցների վերաբերյալ (հավելված N 4, ձև 4-3),

8. տեղեկատվություն նյութական ծախսերի վերաբերյալ (հավելված N 4, ձև 4-4),

9. տեղեկատվություն այլ ծախսերի վերաբերյալ (հավելված N 4, ձև 4-5),

10. տեղեկատվություն տեխնիկական զննության ենթակա տրանսպորտային միջոցների վերաբերյալ (հավելված N 4, ձև 4-6),

11. եկամուտների և ծախսերի հաշվետվություն (հավելված N 5, ձև 5-1),

12. տեղեկատվություն աշխատակիցների աշխատավարձի, պարգևատրումների և այլ հավելավճարների մասին (հավելված N 5, ձև 5-2),

13. տեղեկատվություն ձեռք բերված հիմնական միջոցների և ոչ նյութական ակտիվների մասին (հավելված N 5, ձև 5-3),

14. տեղեկատվություն նյութերի և արագամաշ առարկաների շարժի վերաբերյալ (հավելված N 5, ձև 5-4),

15. տեղեկատվություն հիմնական միջոցների վրա կատարված ծախսերի մասին (հավելված N 5, ձև 5-5),

16. տեղեկատվություն վարկերի և փոխառությունների մասին (հավելված N 5, ձև 5-6):

17. Տեղեկատվություն հիմնական միջոցների մասին (հավելված N 5, ձև 5-7):

(17-րդ կետը լրաց. 21.03.12 թիվ 80-Ն որոշում)

  Հավելված N 2           
ՀՀ հանրային ծառայությունները
կարգավորող հանձնաժողովի
2008 թվականի մարտի 28-ի
N 149-Ն որոշմամբ հաստատված կարգի

ԴԻՄՈՒՄ

  Հավելված N 3         
ՀՀ հանրային ծառայությունները
կարգավորող հանձնաժողովի
2008 թվականի մարտի 28-ի
N 149-Ն որոշմամբ հաստատված կարգի

Ի ԳԻՏՈՒԹՅՈՒՆ ՀԱՍԱՐԱԿՈՒԹՅԱՆ

  Հավելված N 4        
ՀՀ հանրային ծառայությունները
կարգավորող հանձնաժողովի
2008 թվականի մարտի 28-ի
N 149-Ն որոշմամբ հաստատված կարգի

Ձև 4-1

ՏԵԽՆԻԿԱԿԱՆ ԱՐԱՏՈՐՈՇՄԱՆ ՄԻՋՈՑՆԵՐՈՎ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՊԱՐՏԱԴԻՐ ՏԵԽՆԻԿԱԿԱՆ ԶՆՆՈՒԹՅԱՆ ԱՆՑԿԱՑՄԱՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ՍԱԿԱԳՆԻ ՀԱՇՎԱՐԿ

1. Սակագների բաշխումն ըստ տրանսպորտային միջոցների տեսակների կատարվում է լիազոր մարմնի կողմից առաջարկված սկզբունքով:

2. Ծախսային հոդվածները լրացվում են առանց ավելացված արժեքի հարկի:

Ձև 4-2

ՏԵՂԵԿԱՏՎՈՒԹՅՈՒՆ
ՏԵԽՆԻԿԱԿԱՆ ԱՐԱՏՈՐՈՇՄԱՆ ՄԻՋՈՑՆԵՐՈՎ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՊԱՐՏԱԴԻՐ ՏԵԽՆԻԿԱԿԱՆ ԶՆՆՈՒԹՅԱՆ ԱՆՑԿԱՑՄԱՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ԿԱՊԻՏԱԼ ՆԵՐԴՐՈՒՄՆԵՐԻ ՎԵՐԱԲԵՐՅԱԼ

հազար դրամ (առանց ԱԱՀ)

Ձև 4-3

ՏԵՂԵԿԱՏՎՈՒԹՅՈՒՆ
ԱՇԽԱՏԱԿԻՑՆԵՐԻ ԱՇԽԱՏԱՆՔԻ ՎԱՐՁԱՏՐՈՒԹՅԱՆՆ ՈՒՂՂՎՈՂ ՄԻՋՈՑՆԵՐԻ ՎԵՐԱԲԵՐՅԱԼ

Ձև 4-4

ՏԵՂԵԿԱՏՎՈՒԹՅՈՒՆ
ՆՅՈՒԹԱԿԱՆ ԾԱԽՍԵՐԻ ՎԵՐԱԲԵՐՅԱԼ

առանց ԱԱՀ

Ձև 4-5

ՏԵՂԵԿԱՏՎՈՒԹՅՈՒՆ
ԱՅԼ ԾԱԽՍԵՐԻ ՎԵՐԱԲԵՐՅԱԼ

առանց ԱԱՀ

* Այլ ծախսերը չպետք է գերազանցեն ընդամենը այլ ծախսերի 1%-ը:

Ձև 4-6

ՏԵՂԵԿԱՏՎՈՒԹՅՈՒՆ
ՏԵԽՆԻԿԱԿԱՆ ԶՆՆՈՒԹՅԱՆ ԵՆԹԱԿԱ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՎԵՐԱԲԵՐՅԱԼ

հատ

Հավելված N 5        
 ՀՀ հանրային ծառայությունները
կարգավորող հանձնաժողովի
2008 թվականի մարտի 28-ի
N 149-Ն որոշմամբ հաստատված կարգի

____________________________________________________________

                                    (ընկերության անվանումը)

Ձև 5-1

ԵԿԱՄՈՒՏՆԵՐԻ ԵՎ ԾԱԽՍԵՐԻ ՀԱՇՎԵՏՎՈՒԹՅՈՒՆ

                 հաշվետու ժամանակաշրջան __________________________

1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:

հազար դրամ

(5-1-ին ձևը փոփ. 21.03.12 թիվ 80-Ն որոշում)

Ձև 5-2

ՏԵՂԵԿԱՏՎՈՒԹՅՈՒՆ ԱՇԽԱՏԱԿԻՑՆԵՐԻ ԱՇԽԱՏԱՎԱՐՁԻ, ՊԱՐԳԵՎԱՏՐՈՒՄՆԵՐԻ ԵՎ ԱՅԼ ՀԱՎԵԼԱՎՃԱՐՆԵՐԻ ՄԱՍԻՆ

                     հաշվետու ժամանակաշրջան______________________________

1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:

հազար դրամ

(5-2-րդ ձևը փոփ. 21.03.12 թիվ 80-Ն որոշում)

Ձև 5-3

ՏԵՂԵԿԱՏՎՈՒԹՅՈՒՆ ՁԵՌՔ ԲԵՐՎԱԾ ՀԻՄՆԱԿԱՆ ՄԻՋՈՑՆԵՐԻ ԵՎ ՈՉ ՆՅՈՒԹԱԿԱՆ ԱԿՏԻՎՆԵՐԻ ՄԱՍԻՆ

                   հաշվետու ժամանակաշրջան ___________________________________

1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:

հազար դրամ

ՏԵՂԵԿԱՏՎՈՒԹՅՈՒՆ ՎԱՐՁԱԿԱԼՎԱԾ ՀԻՄՆԱԿԱՆ ՄԻՋՈՑՆԵՐԻ ՄԱՍԻՆ

հազար դրամ

(5-3-րդ ձևը փոփ. 21.03.12 թիվ 80-Ն որոշում)

Ձև 5-4

ՏԵՂԵԿԱՏՎՈՒԹՅՈՒՆ ՆՅՈՒԹԵՐԻ ԵՎ ԱՐԱԳԱՄԱՇ ԱՌԱՐԿԱՆԵՐԻ ՇԱՐԺԻ ՎԵՐԱԲԵՐՅԱԼ

                       հաշվետու ժամանակաշրջան__________________________

1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:

հազար դրամ

(5-4-րդ ձևը փոփ. 21.03.12 թիվ 80-Ն որոշում)

Ձև 5-5

ՏԵՂԵԿԱՏՎՈՒԹՅՈՒՆ ՀԻՄՆԱԿԱՆ ՄԻՋՈՑՆԵՐԻ ՎՐԱ ԿԱՏԱՐՎԱԾ ԾԱԽՍԵՐԻ ՄԱՍԻՆ

                   հաշվետու ժամանակաշրջան__________________________

1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:

հազար դրամ

(5-4-րդ ձևը փոփ. 21.03.12 թիվ 80-Ն որոշում)

Ձև 5-6

ՏԵՂԵԿԱՏՎՈՒԹՅՈՒՆ ՎԱՐԿԵՐԻ ԵՎ ՓՈԽԱՌՈՒԹՅՈՒՆՆԵՐԻ ՄԱՍԻՆ

                              հաշվետու ժամանակաշրջան ______________________

1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:

        Կարճաժամկետ վարկեր և փոխառություններ

       Երկարաժամկետ վարկեր և փոխառություններ

*) Ներկայացնել վարկային պայմանագրի պատճենը:

(1-ին կետը փոփ. 21.03.12 թիվ 80-Ն որոշում)

Ձև 5-7

_____________________________________________________________

(ընկերության անվանումը)

ՏԵՂԵԿԱՏՎՈՒԹՅՈՒՆ ՀԻՄՆԱԿԱՆ ՄԻՋՈՑՆԵՐԻ ՄԱՍԻՆ

առ 1 ______________ 20 . . թվականի

1. Սույն ձևի ներկայացման ժամկետը` 1-ին կիսամյակի արդյունքներով, մինչև տվյալ տարվա օգոստոսի 1-ն է:

2. Սույն ձևի ներկայացման ժամկետը` տարեկան արդյունքներով, մինչև հաշվետու տարվան հաջորդող տարվա ապրիլի 20-ն է:

(հազար դրամ)

(5-7-րդ ձևը լրաց. 21.03.12 թիվ 80-Ն որոշում)