(ուժը կորցրել է 28.11.06 ՀՕ-199-Ն օրենք)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
ՈՐՈՇՈՒՄԸ
«Եկամտահարկի մասին» Հայաստանի Հանրապետության
օրենքի կիրարկման կարգի մասին
Հայաստանի Հանրապետության Գերագույն խորհուրդը որոշում է.
i
1. «Եկամտահարկի մասին» Հայաստանի Հանրապետության օրենքը կիրարկել 1995 թվականի ապրիլի 1-ից:
2. Սահմանել, որ`
ա) սույն օրենքի նորմերը կիրառվում են ֆիզիկական անձանց այն եկամուտների նկատմամբ, որոնք ստացվել են 1995 թվականի ապրիլի 1-ից հետո կատարված աշխատանքներից և այլ գործունեությունից.
բ) մինչև 1995 թվականի ապրիլի 1-ը ֆիզիկական անձանց կողմից աշխատանքային և քաղաքացիաիրավական պայմանագրերի կատարման հետ կապված, ինչպես նաև աշխատանքների, ծառայությունների և այլ գործունեության իրականացումից ստացված մյուս բոլոր եկամուտների հարկումը կատարվում է մինչև 1995 թվականի ապրիլի 1-ը գործող օրենսդրության համաձայն.
i
գ) սույն օրենքի 3 հոդվածի 1-ին կետի «ա» ենթակետի նորմի կիրառման համար հիմք է ընդունվում «Շահութահարկի մասին» Հայաստանի Հանրապետության օրենքի 23 հոդվածի «ա» կետի արտոնության կիրառման համար Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությամբ Հայաստանի Հանրապետության կառավարության կողմից հաստատված ցանկը` նկատի առնելով կատարված փոփոխությունները և լրացումները.
i
դ) սույն օրենքի 3 հոդվածի 1-ին կետի «ժե» ենթակետի նորմի կիրառման համար հիմք է ընդունվում «Հողի հարկի մասին» Հայաստանի Հանրապետության օրենքի 7 հոդվածով նախատեսված և Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությամբ Հայաստանի Հանրապետության կառավարության կողմից հաստատված ցանկը` նկատի ունենալով կատարված փոփոխությունները և լրացումները.
ե) մինչև Հայաստանի Հանրապետության օրենսդրական ակտերի համապատասխանեցումը սույն օրենքին, դրանք գործում են այնքանով, որքանով չեն հակասում օրենքին.
i
զ) սույն օրենքի 12 հոդվածի 1-ին կետի երկրորդ պարբերության մեջ նշված նորմերը կիրառելիս հիմք են ընդունվում Հայաստանի Հանրապետության կառավարության 1993 թվականի մայիսի 20-ի «Պետական գրանցում ստացած անհատ ձեռներեցների, անհատական (ընտանեկան) ձեռնարկությունների փաստաթղթերով չհաստատված ծախսերի նորմաների սահմանման մասին» թիվ 253 որոշմամբ հաստատված նորմերը` նկատի ունենալով դրանում կատարված փոփոխություններն ու լրացումները:
3. Հանձնարարել Հայաստանի Հանրապետության կառավարությանը`
i
ա) մեկամսյա ժամկետում հաստատել`
- օրենքի 2-րդ հոդվածով նախատեսված կարգը,
- օրենքի 10 հոդվածի 3-րդ կետում նշված նորմերը,
- օրենքի 10 հոդվածի 1-ին կետում և 14 հոդվածի 1-ին կետում նշված եկամուտների չափը.
բ) եռամսյա ժամկետում`
- Հայաստանի Հանրապետության Գերագույն խորհուրդ առաջարկություն ներկայացնել «Եկամատահարկի մասին» Հայաստանի Հանրապետության օրենքում տեղ գտած «եկամտի ստացման աղբյուր», «բնամթերային ձևով ստացված եկամուտ», «փոխհատուցման վճար», «պարենային և դրամական բավարարում», «մրցույթ» և «մրցություն» հասկացությունների սահմանման վերաբերյալ.
- Հայաստանի Հանրապետության կառավարության որոշումները համապատասխանեցնել սույն օրենքի պահանջներին և առաջարկություններ ներկայացնել Հայաստանի Հանրապետության Գերագույն խորհուրդ` Հայաստանի Հանրապետության օրենքներում սույն օրենքից բխող փոփոխություններ և լրացումներ կատարելու մասին:
4. Սույն օրենքի կիրարկման պահից դադարեցնել «ԽՍՀՄ քաղաքացիների, օտարերկրյա քաղաքացիների և քաղաքացիություն չունեցող անձանց եկամտային հարկի մասին» ԽՍՀՄ օրենքի և դրան վերաբերվող Հայաստանի Հանրապետության օրենսդրությամբ սահմանված դրույթների գործողությունը: