ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 դեկտեմբերի 2018 թվականի N 1394-Ա
ԳՈՒՅՔԻ ՆՎԻՐԱՏՎՈՒԹՅՈՒՆՆ ԸՆԴՈՒՆԵԼՈՒ, ԳՈՒՅՔ ՆՎԻՐԱԲԵՐԵԼՈՒ ԵՎ ԳՈՒՅՔ ԱՄՐԱՑՆԵԼՈՒ ՄԱՍԻՆ
i
Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ մասը, «Պետական ոչ առևտրային կազմակերպությունների մասին» Հայաստանի Հանրապետության օրենքի 4-րդ հոդվածը և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածը` Հայաստանի Հանրապետության կառավարությունը որոշում է.
1. Սահմանել «Կապանի բժշկական կենտրոն» փակ բաժնետիրական ընկերության և «Գորիսի բժշկական կենտրոն» փակ բաժնետիրական ընկերության կողմից Հայաստանի Հանրապետությանը որպես նվիրատվություն հանձնվող շտապ օգնության ռեանիմոբիլների, շտապ օգնության գծային մեքենաների և դրանց օժանդակ սարքավորումների ցանկը` համաձայն N 1 հավելվածի:
2. Որպես նվիրատվություն Հայաստանի Հանրապետությանը սույն որոշման N 1 հավելվածով սահմանված ցանկում ներառված կազմակերպություններից ընդունել ցանկում ներառված վերջիններիս սեփականության իրավունքով պատկանող շտապ օգնության ռեանիմոբիլները, շտապ օգնության գծային մեքենաները և դրանց օժանդակ սարքավորումները:
3. Սույն որոշման N 1 հավելվածում ներառված շտապ օգնության ռեանիմոբիլները, շտապ օգնության գծային մեքենաները և դրանց օժանդակ սարքավորումները Հայաստանի Հանրապետությունում շտապ օգնության աշխատանքը կազմակերպելու պայմանով նվիրաբերել բժշկական կազմակերպություններին` համաձայն N 2 հավելվածով նախատեսված շտապ օգնության ռեանիմոբիլների, շտապ օգնության գծային մեքենաների և դրանց օժանդակ սարքավորումների բաշխացուցակի:
4. Սույն որոշման N 1 հավելվածում ներառված 3 շտապ օգնության գծային մեքենաները` օժանդակ սարքավորումներով հանդերձ, ամրացվում են Հայաստանի Հանրապետության առողջապահության նախարարությանը` հետագայում դրանք ըստ պահանջի տնօրինելու նպատակով:
5. Հայաստանի Հանրապետության առողջապահության նախարարին`
1) սույն որոշումն ուժի մեջ մտնելու պահից երկու ամսվա ընթացքում ապահովել շտապ օգնության ռեանիմոբիլների, շտապ օգնության գծային մեքենաների և դրանց օժանդակ սարքավորումների նվիրաբերության մասին`
ա. եռակողմ պայմանագրերի կնքումը բժշկական կազմակերպությունների և դրանց բաժնետոմսերի կառավարման լիազորություններ ունեցող կամ պետական կառավարման լիազոր մարմին հանդիսացող մարմինների հետ,
բ. երկկողմ պայմանագրերի կնքումը մասնավոր բժշկական կազմակերպությունների հետ.
2) սույն որոշման 5-րդ կետի 1-ին ենթակետի «ա» և «բ» պարբերություններով սահմանված` կնքվելիք պայմանագրերում նախատեսել դրույթներ նվիրաբերված գույքը բացառապես շտապ օգնության ծառայությունների նպատակների համար օգտագործելու, դրանք տեխնիկական փաստաթղթերին համապատասխան շահագործելու, պահպանելու, սպասարկելու, սույն ենթակետում նշված պայմանները չպահպանելու դեպքում` նվիրաբերության վերացման հնարավորության մասին` սահմանելով նաև, որ գույքային իրավունքների գրանցման հետ կապված ծախսերն իրականացվելու են բժշկական կազմակերպությունների միջոցների հաշվին` Հայաստանի Հանրապետության օրենսդրությամբ սահմանված կարգով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ՊԱՇՏՈՆԱԿԱՏԱՐԻ ԿՈՂՄԻՑ
2018 ԹՎԱԿԱՆԻ ԴԵԿՏԵՄԲԵՐԻ 12-ԻՆ
Հավելված N 1
ՀՀ կառավարության
2018 թվականի դեկտեմբերի 6-ի
N 1394-Ա որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ ՆՎԻՐԱՏՎՈՒԹՅԱՄԲ ՀԱՆՁՆՎՈՂ ՇՏԱՊ ՕԳՆՈՒԹՅԱՆ ՌԵԱՆԻՄՈԲԻԼՆԵՐԻ, ՇՏԱՊ ՕԳՆՈՒԹՅԱՆ ԳԾԱՅԻՆ ՄԵՔԵՆԱՆԵՐԻ ԵՎ ԴՐԱՆՑ ՕԺԱՆԴԱԿ ՍԱՐՔԱՎՈՐՈՒՄՆԵՐԻ ՑԱՆԿԸ ԵՎ ԹԻՎԸ
._____________________________________________________________________.
|NN|Կազմակերպության անվանումը |Շտապ օգնության |Շտապ օգնության |
|ը/| |գծային մեքենաների |ոեանիմոբիլների |
|կ | |թիվը (հագեցված |թիվը (հագեցված |
| | |օժանդակ |օժանդակ |
| | |սարքավորումներով) |սարքավորումներով) |
| | |(Ջինբեյ Բրենդ, |(Ջինբեյ Բրենդ, |
| | |մակնիշը` |մակնիշը` |
| | |SY5038XJHL-M1S1BH)|SY5038XJHL-M1S1BH)|
|__|____________________________|__________________|__________________|
|1.|"Կապանի բժշկական կենտրոն" | 4 | |
| |ՓԲԸ | | |
|__|____________________________|__________________|__________________|
|2.|"Գորիսի բժշկական կենտրոն" | 8 | 3 |
| |ՓԲԸ | | |
|__|____________________________|__________________|__________________|
| |Ընդամենը | 12 | 3 |
._____________________________________________________________________.
Հավելված N 2
ՀՀ կառավարության
2018 թվականի դեկտեմբերի 6-ի
N 1394-Ա որոշման
ԲԱՇԽԱՑՈՒՑԱԿ ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻՆ ՆՎԻՐԱԲԵՐՈՒԹՅԱՄԲ ՀԱՆՁՆՎՈՂ ՇՏԱՊ ՕԳՆՈՒԹՅԱՆ ՌԵԱՆԻՄՈԲԻԼՆԵՐԻ, ՇՏԱՊ ՕԳՆՈՒԹՅԱՆ ԳԾԱՅԻՆ ՄԵՔԵՆԱՆԵՐԻ ԵՎ ԴՐԱՆՑ ՕԺԱՆԴԱԿ ՍԱՐՔԱՎՈՐՈՒՄՆԵՐԻ
._____________________________________________________________________.
|NN |Շտապ օգնության |Շտապ օգնության|Կազմակերպության անվանումը |
|ը/կ|գծային մեքենաների|ռեանիմոբիլների| |
| |թիվը (հագեցված |թիվը (հագեցված| |
| |օժանդակ սարքա- |օժանդակ սարքա-| |
| |վորումներով) |վորումներով) | |
|___|_________________|______________|________________________________|
|1. | | 1 |"Նորք Մարաշ ԲԿ" ՓԲԸ |
|___|_________________|______________|________________________________|
|2. | 1 | |"Լեւոն Հովհաննիսյանի անվան |
| | | |սրտաբանության գիտահետազոտական |
| | | |ինստիտուտ" ՓԲԸ |
|___|_________________|______________|________________________________|
|3. | 1 | |"Ավիաբուժ" բժշկական կենտրոն" ՓԲԸ|
|___|_________________|______________|________________________________|
|4. | | 1 |"Սուրբ Աստվածամայր" բժշկական |
| | | |կենտրոն" ՓԲԸ |
|___|_________________|______________|________________________________|
|5. | | 1 |"Գյումրու մոր եւ մանկան |
| | | |ավստրիական հիվանդանոց" ՓԲԸ |
|___|_________________|______________|________________________________|
|6. | 1 | |"Ռուբիկ Հարությունյանի անվան |
| | | |Աբովյանի բժշկական կենտրոն" ՓԲԸ |
|___|_________________|______________|________________________________|
|7. | 1 | |"Տաշիրի բժշկական կենտրոն" ՓԲԸ |
|___|_________________|______________|________________________________|
|8. | 1 | |"Հրազդանի բժշկական կենտրոն" ՓԲԸ |
|___|_________________|______________|________________________________|
|9. | 1 | |"Մարալիկի առողջության կենտրոն" |
| | | |ՓԲԸ |
|___|_________________|______________|________________________________|
|10 | 1 | |"Իջեւանի առողջության առաջնային |
| | | |պահպանման կենտրոն" ՓԲԸ |
|___|_________________|______________|________________________________|
|11.| 1 | |"Արծվաբերդի առողջության կենտրոն"|
| | | |ՊՈԱԿ |
._____________________________________________________________________.