040.0082.300102
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» հունվարի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 հունվարի 2002 թվականի N 82
ՋՐԱՅԻՆ ՌԵՍՈՒՐՍՆԵՐԻ ԿԱՌԱՎԱՐՄԱՆ ԳՈՐԾԱԿԱԼՈՒԹՅՈՒՆ ՍՏԵՂԾԵԼՈՒ ՄԱՍԻՆ
i
Համաձայն Հայաստանի Հանրապետության կառավարության 2001 թվականի փետրվարի 9-ի «Ջրային տնտեսության կառավարման համակարգի բարեփոխումների մասին» N 92 որոշմամբ հավանության արժանացած` Հայաստանի Հանրապետության ջրային պաշարների և ջրային տնտեսության կառավարման բարեփոխումների հայեցակարգի և Հայաստանի Հանրապետության ջրային ռեսուրսների կառավարումը կարգավորելու նպատակով Հայաստանի Հանրապետության կառավարությունը որոշում է.
i
1. Հայաստանի Հանրապետության բնապահպանության նախարարության կազմում ստեղծել Հայաստանի Հանրապետության ջրային ռեսուրսների կառավարման գործակալություն` հիմնարկի առանձնացված ստորաբաժանման կարգավիճակով:
(1-ին կետը խմբ. 11.05.02 թիվ 497 որոշում)
2. Հայաստանի Հանրապետության բնապահպանության նախարարությանը`
ա) երեսնօրյա ժամկետում` սահմանված կարգով Հայաստանի Հանրապետության կառավարություն ներկայացնել առաջարկություն Հայաստանի Հանրապետության բնապահպանության նախարարության և Հայաստանի Հանրապետության ջրային ռեսուրսների կառավարման գործակալության կանոնադրությունների, կառուցվածքների և կենտրոնական ապարատների աշխատողների թվի վերաբերյալ.
i
բ) Հայաստանի Հանրապետության նոր ջրային օրենսգրքի ընդունումից հետո երկամսյա ժամկետում` Հայաստանի Հանրապետության ֆինանսների և էկոնոմիկայի նախարարության և Հայաստանի Հանրապետության կառավարությանն առընթեր ջրային տնտեսության պետական կոմիտեի հետ համատեղ սահմանված կարգով Հայաստանի Հանրապետության կառավարություն ներկայացնել առաջարկություն ջրային ռեսուրսների կառավարման և օգտագործման ոլորտում Հայաստանի Հանրապետության գործադիր իշխանության մարմինների գործառույթների սահմանազատման վերաբերյալ.
գ) երեսունօրյա ժամկետում` սահմանված կարգով Հայաստանի Հանրապետության կառավարություն ներկայացնել առաջարկություն Հայաստանի Հանրապետության հիդրոօդերևութաբանության վարչության հետագա կարգավիճակի վերաբերյալ.
դ) տասնօրյա ժամկետում` Հայաստանի Հանրապետության ֆինանսների և էկոնոմիկայի նախարարության հետ համատեղ սահմանված կարգով Հայաստանի Հանրապետության վարչապետին ներկայացնել առաջարկություն գործակալության ապարատի պահպանման ծախսերի վերաբերյալ` ըստ տնտեսագիտական դասակարգման.
ե) Հայաստանի Հանրապետության ֆինանսների և էկոնոմիկայի նախարարության, Հայաստանի Հանրապետության ջրային տնտեսության պետական կոմիտեի և Հայաստանի Հանրապետության հիդրոօդերևութաբանության վարչության հետ համատեղ բանակցել միջազգային ֆինանսական կազմակերպությունների հետ ջրային ռեսուրսների կառավարման ոլորտի բարեփոխումների գործնական խնդիրների համար տեխնիկական օգնություն, դրամաշնորհներ ստանալու և այլ աջակցության շուրջ:
(2-րդ կետը փոփ. 11.05.02 թիվ 497 որոշում)
3. Սույն որոշումն ուժի մեջ է մտնում 2002 թվականի հունվարի 30-ից: