(ուժը կորցրել է 05.04.18 ՆՀ-226-Ն հրամանագիր)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ՉԱՇԽԱՏՈՂ ԿԵՆՍԱԹՈՇԱԿԱՌՈՒՆԵՐԻ ՍՈՑԻԱԼԱԿԱՆ
ՊԱՇՏՊԱՆՎԱԾՈՒԹՅՈՒՆՆ ԱՊԱՀՈՎԵԼՈՒ ԼՐԱՑՈՒՑԻՉ ՄԻՋՈՑԱՌՈՒՄՆԵՐԻ ՄԱՍԻՆ
Չաշխատող կենսաթոշակառուների սոցիալական պաշտպանվածությունն ապահովելու նպատակով, որոշում եմ.
1. 1993 թվականի հունվարի 1-ից չաշխատող կենսաթոշակառուներին վերապահել հետևյալ արտոնությունները.
ա/ բժիշկների դեղատոմսերով ձեռք բերվող դեղորայքի արժեքի 30 տոկոսի զեղչի իրավունք` պետական դեղատներից օգտվելու դեպքում.
բ/ բոլոր տեսակի պրոթեզաօրթոպեդիկ պարագաների անվճար ձեռքբերման իրավունք, բացառությամբ թանկարժեք մետաղներից պատրաստված պարագաները.
գ/ առաջնահերթ սպասարկում բուժպրոֆիլակտիկ հիմնարկներում և դեղատներում:
i
2. 1993 թվականի հունվարի 1-ից միայնակ /օրենսդրությամբ նախատեսվող խնամողներ չունեցող/ չաշխատող կենսաթոշակառուների համար սահմանել Հայաստանի Հանրապետության օրենսդրությամբ նախատեսված նորմայի սահմաններում նրանց կողմից բնակմակերեսի վարձի, ինչպես նաև կոմունալ ծառայությունների /ջրամատակարարում, գազ, էլեկտրական և ջերմային էներգիա, հեռախոս և այլ ծառայություններ/ վարձի 50 տոկոսի զեղչ:
Բնակմակերեսի վարձի զեղչի արտոնություններ տալ պետական և հանրային բնակարանային ֆոնդերում, իսկ կոմունալ ծառայությունների վարձի` պետական և հանրային բնակարանային ֆոնդերում, ինչպես նաև բնակարանային-շինարարական և անհատական բնակարանային ֆոնդերի տներում բնակվող միայնակ չաշխատող կենսաթոշակառուներին:
(2-րդ կետը վերացվել է 18.02.98 թիվ ՆՀՊ-891 հրամանագիր)
i
3. Հրամանագրի 1-ին կետով նախատեսվող արտոնությունների իրականացման հետ կապված ծախսերը կատարել հանրապետական բյուջեի միջոցների հաշվին:
(3-րդ կետը փոփ. 18.02.98 թիվ ՆՀՊ-891 հրամանագիր)
4. Հայաստանի հանրապետության կապի նախարարությանը` քննարկել միայնակ չաշխատող կենսաթոշակառուներին առաջնահերթ կարգով հեռախոսով ապահովելու հնարավորությունները և մեկամսյա ժամկետում համապատասխան առաջարկություններ ներկայացնել Հայաստանի Հանրապետության կառավարությանը:
5. Հայաստանի Հանրապետության աշխատանքի և սոցիալական ապահովության նախարարությանը` ի հաշիվ պետական սոցիալական ապահովագրության միջոցների հանրապետական հանգստյան տներում և առողջարաններում տեղերին մինչև 10 տոկոսը անվճար հատկացնել միայնակ չաշխատող կենսաթոշակառուներին:
i
6. Պատգամավորների շրջանային, հանրապետական ենթակայության քաղաքների քաղաքային խորհուրդների գործադիր կոմիտեներին`
ա/ Հայաստանի Հանրապետության աշխատանքի և սոցիալական ապահովության նախարարության հետ համատեղ կազմակերպել սոցիալական ծառայություններ այն շրջաններում և քաղաքներում, որտեղ չկան այդպիսիք.
բ/ միայնակ չաշխատող, խիստ կարիքավոր կենսաթոշակառուների համար հասարակական սննդի օբյեկտներից մեկում տեղական բյուջեի միջոցների հաշվին կազմակերպել անվճար սնունդ.
i
գ/ կենտրոնական ջեռուցում չունեցող տներում բնակվող միայնակ չաշխատող կենսաթոշակառուներին անվճար կոշտ վառելանյութ տրամադրել տարեկան 1 տոննայի չափով` տեղական բյուջեի միջոցների հաշվին:
(6-րդ կետի գ ենթակետը վերացվել է 18.02.98 թիվ ՆՀՊ-891 հրամանագիր)
7. Հայաստանի Հանրապետության պարենի և մթերումների նախարարությանը, առևտրի նախարարությանը և Հայկոոպի վարչությանը` բավարարել անվճար սնունդ կազմակերպելու համար պատգամավորների շրջանային, հանրապետական ենթակայության քաղաքների քաղաքային խորհուրդների գործադիր կոմիտեների կողմից ներկայացված հայտերը:
8. Հայաստանի Հանրապետության կառավարությանը` 10-օրյա ժամկետում ընդունել սույն հրամանագրի կիրարկումն ապահովող համապատասխան ակտեր:
29 դեկտեմբերի 1992 թ.
ՆՀ-185