ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
29 հուլիսի 1992 թ. թիվ 423
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԿԱՌԱՎԱՐՄԱՆ ՀԱՆՐԱՊԵՏԱԿԱՆ ՄԱՐՄԻՆՆԵՐԻ ՄԻՋԱԶԳԱՅԻՆ ԳՈՐԾՈՒՆԵՈՒԹՅԱՆ ՖԻՆԱՆՍԱԿԱՆ ՀԱՐՑԵՐԻ ՄԱՍԻՆ
Համաձայն «Հայաստանի Հանրապետության միջազգային պայմանագրերի կնքման, վավերացման և չեղյալ հայտարարման մասին» Հայաստանի Հանրապետության օրենքի և Հայաստանի Հանրապետության պետական կառավարման հանրապետական մարմինների կողմից արտաքին հարաբերություններ հաստատելիս ֆինանսական հարցերի կարգավորման նպատակով Հայաստանի Հանրապետության կառավարությունը որոշում է.
1. Հայաստանի Հանրապետության պետական կառավարման հանրապետական մարմինների և գերատեսչությունների կողմից կնքվող միջազգային պայմանագրերի նախագծերի ֆինանսական հարցերը նախապես համաձայնեցվում են Հայաստանի Հանրապետության ֆինանսների նախարարության և էկոնոմիկայի նախարարության հետ, իսկ կնքված ֆինանսական հարցեր շոշափող միջազգային պայմանագրերի պատճենները նրանց կողմից ուղարկվում են Հայաստանի Հանրապետության ֆինանսների նախարարություն:
2. Հայաստանի Հանրապետության պետական կառավարման հանրապետական մարմինների կողմից արտաքին ֆինանսական միջոցների (վարկեր, փոխառություններ, նվիրատվություններ և այլն) ստացման և տրման գործառնությունները ենթակա են հաշվառման Հայաստանի Հանրապետության ֆինանսների նախարարությունում:
3. Հայաստանի Հանրապետության ֆինանսների նախարարությանը` սկսած 1992 թվականի երրորդ եռամսյակից Հայաստանի Հանրապետության բյուջեում նախատեսել Հայաստանի Հանրապետության արտաքին պետական պարտքի սպասարկման ծախսեր: