040.0302.010402
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«1» ապրիլի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
1 ապրիլի 2002 թվականի N 302
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ՀՈՒՆԻՍԻ 7-Ի N 395 ՈՐՈՇՄԱՄԲ ԼՈՒԾԱՐՎՈՂ «ԱՐՄԱՎԻՐԻ ԹՌՉՆԱԲՈՒԾԱԿԱՆ ՖԱԲՐԻԿԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ
Հայաստանի Հանրապետության կառավարության 1999 թվականի հունիսի 7-ի «Մի շարք բաժնետիրական ընկերություններ լուծարելու մասին» N 395 որոշմամբ լուծարվող «Արմավիրի թռչնաբուծական ֆաբրիկա» փակ բաժնետիրական ընկերության պարտավորությունները մարելու նպատակով Հայաստանի Հանրապետության կառավարությունը որոշում է.
1. «Արմավիրի թռչնաբուծական ֆաբրիկա» փակ բաժնետիրական ընկերության լուծարման հանձնաժողովին`
ա) հաշվեկշռային մեթոդով 453210,9 հազար դրամ (ներառյալ ավելացված արժեքի հարկը` 543853,1 հազար դրամ) գնահատված «Արմավիրի թռչնաբուծական ֆաբրիկա» փակ բաժնետիրական ընկերության հիմնական միջոցները և ապրանքանյութական պաշարները վաճառել մրցույթով` որպես մեկ ամբողջական միավոր.
բ) սահմանել մրցույթի հաղթողին որոշելու հետևյալ պայմանները`
վաճառվող գույքի համար առաջարկվող գինը,
ներդրումների չափը.
գ) գույքի վաճառքի նվազագույն գինը սահմանել ընկերության պարտքերի (այդ թվում` վաճառքից առաջացող նոր պարտավորությունները) մեծության չափով` 58800,0 հազար դրամ.
դ) մրցույթի մասնակցության կանխավճարի չափը սահմանել գույքի գնահատված մեծության մեկ տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ.
ե) սահմանել, ոչ մրցույթի հաղթողը գույքի ձեռքբերման համար առաջարկված գինը պետք է վճարի մրցույթի արձանագրությունն ստանալու պահից 6-ամյսա ժամկետում.
զ) մրցույթի հաղթողի կողմից վճարումն իրականացվելուց հետո 10-օրյա ժամկետում մարել ընկերության կրեդիտորական պարտավորությունները` Հայաստանի Հանրապետության քաղաքացիական օրենսգրքի 70-րդ հոդվածով սահմանված կարգով.
է) կրեդիտորական պարտավորությունները մարելուց հետո 15-օրյա ժամկետում գույքի վաճառքից ստացված գումարից մնացած մասի քսան տոկոսը բաշխել ընկերության ոչ պետական բաժնետերերի միջև` ընկերությունում ունեցած նրանց բաժնետոմսերին համապատասխան.
ը) ընկերության ոչ պետական բաժնետոմսերի լուծարային արժեքը վճարելուց հետո մնացած դրամական միջոցները փոխանցել Հայաստանի Հանրապետության պետական բյուջեի համապատասխան հաշվին:
2. Հայաստանի Հանրապետության պետական գույքի կառավարման նախարարությանը`
ա) 2-ամսյա ժամկետում ապահովել մրցույթի անցկացումը.
բ) մրցույթի անցկացման օրվանից առնվազն մեկ ամիս առաջ մամուլում և (կամ) զանգվածային լրատվության մյուս միջոցներով հրապարակել ընդհանուր տեղեկություններ գույքի մրցույթի անցկացման պայմանների, ժամկետների, մասնակիցներին ներկայացվող պահանջների վերաբերյալ.
գ) 15-օրյա ժամկետում մրցույթի հաղթողի հետ կնքել գույքի վաճառքի պայմանագիր:
3. Սույն որոշումն ուժի մեջ է մտնում 2002 թվականի ապրիլի 1-ից: