(ուժը կորցրել է 14.04.04 թիվ 41-Ն որոշում)
i
600.0006.130202
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԿԱՐԳԱՎՈՐՈՂ ՀԱՆՁՆԱԺՈՂՈՎ
ՈՐՈՇՈՒՄ
13 փետրվարի 2002 թվականի N 6
ԵՆԹԱՍՊԱՌՈՂՆԵՐԻ ԷԼԵԿՏՐԱՄԱՏԱԿԱՐԱՐՄԱՆ ԱՊԱՀՈՎՄԱՆ ՀԱՄԱՐ ՍՊԱՌՈՂԻ ՄԱՏՈՒՑԱԾ ԾԱՌԱՅՈՒԹՅԱՆ ՎՃԱՐՆԵՐԻ ՀԱՇՎԱՐԿԻ ՄԵԹՈԴԻԿԱՅԻ ՄԱՍԻՆ
Հիմք ընդունելով «Էներգետիկայի մասին» ՀՀ օրենքի 48-րդ հոդվածը, ՀՀ էներգետիկայի կարգավորող հանձնաժողովը որոշում է:
1. Հաստատել ենթասպառողների էլեկտրամատակարարման ապահովման համար սպառողի մատուցած ծառայության վճարների հաշվարկի մեթոդիկան (կցվում է):
2. Սույն որոշումն ուժի մեջ է մտնում հրապարակման պահից:
Հաստատված է
Հայաստանի Հանրապետության
էներգետիկայի կարգավորող
հանձնաժողովի 2002 թվականի
փետրվարի 13-ի N 6 որոշմամբ
ՄԵԹՈԴԻԿԱ ԵՆԹԱՍՊԱՌՈՂՆԵՐԻ ԷԼԵԿՏՐԱՄԱՏԱԿԱՐԱՐՄԱՆ ԱՊԱՀՈՎՄԱՆ ՀԱՄԱՐ ՍՊԱՌՈՂԻ ՄԱՏՈՒՑԱԾ ԾԱՌԱՅՈՒԹՅԱՆ ՎՃԱՐՆԵՐԻ ՀԱՇՎԱՐԿԻ
1. Սույն մեթոդիկան սահմանում է էլեկտրամատակարարող ընկերության կողմից սպառողի էլեկտրատեղակայանքներով այլ սպառողներին (ենթասպառողներին) և (կամ) բաշխման ցանցերը սնելու հետ կապված սպառողի կողմից էլեկտրամատակարարող ընկերությանը էլեկտրաէներգիայի հաղորդման ծառայության մատուցման հետևանքով առաջացող լրացուցիչ ծախսերի հաշվարկման կարգը:
2. Էլեկտրամատակարարող ընկերության կողմից հատուցման ենթակա են սպառողի կողմից կատարված այն լրացուցիչ ծախսերը, որոնք առաջանում են սպառողի սեփականությունը հանդիսացող կամ նրա տնօրինման տակ գտնվող տեղակայանքների օգտագործմամբ` այլ սպառողների կամ բաշխման ցանցի սնման համար` հետևյալ գործունեություններն իրականացնելիս`
ա) էլեկտրաէներգիայի հաղորդումը 0.22-110 կՎ էլեկտրատեղակայանքներով (մալուխներ, օդային գծեր, կոմուտացիոն սարքեր),
բ) լարման փոխակերպումը 110/35/6(10) կՎ, 35/6(10) կՎ, 35/0.4 կՎ, 6(10)/0.4 կՎ:
3. (3-րդ կետն ուժը կորցրել է 30.09.02 թիվ 61-Ն որոշում)
i
4. Էլեկտրամատակարարող ընկերության և սպառողի հարաբերությունները` կապված սույն մեթոդիկայի հիման վրա հաշվարկված ծախսերի հատուցման հետ, կարգավորվում են ԷՄՕԿ-ով, պայմանագրով, որի անբաժանելի մասն է հանդիսանում սույն մեթոդիկային համապատասխան կազմված երկկողմ հաստատված փոխադարձ հաշվարկի ակտը:
5. Սույն մեթոդիկայի 4-րդ կետում նշված փոխադարձ հաշվարկի անհամաձայնությունը չի կարող հիմք հանդիսանալ ենթասպառողի կամ սպառողի էլեկտրամատակարարումը դադարեցնելու համար:
6. Ենթասպառողների էլեկտրամատակարարման ապահովման համար սպառողի մատուցած ծառայության ամսական վճարի չափը հաշվարկվում է հետևյալ բանաձևով`
C = a1 x n1 x W1/W2+ a2 x n2 + Wենթ x (a3+a4+a5) + a6 x T x Wենթ/100
որտեղ`
C - մատուցված ծառայության ամսական վճարի չափն է (դրամ),
Wենթ - ենթասպառողների առևտրային հաշվառքի սարքերով հաշվառված ամսական էլեկտրաէներգիայի քանակությունն է (կՎտժ),
n1 - 110, 35, 6(10)կՎ լարման ենթակայաններում ենթասպառողներին սնող բջիջների քանակն է,
a1 - 1 բջջի համար ամսական մատուցված ծառայության վճարն է (4800 դրամ` առանց ԱԱՀ-ի),
W1 - տվյալ բջջով ենթասպառողի սպառած էլեկտրաէներգիայի ամսական քանակն է,
W2 - տվյալ բջջով անցած էլեկտրաէներգիայի ամսական ընդհանուր քանակն է,
n2 - 0.22-0.4 կՎ լարումով սնվող ենթասպառողների միացման կետերի քանակն է,
a2 - 1 միացման կետի օգտագործման համար ամսական ծառայության վճարն է (260 դրամ` առանց ԱԱՀ-ի),
a3 - 110 կՎ լարման ենթակայաններում 1 կՎտժ էլեկտրաէներգիայի փոխակերպման ծառայության վճարն է (0.482 դրամ/կՎտժ` առանց ԱԱՀ-ի),
a4 - 35 կՎ լարման ենթակայաններում 1 կՎտժ էլեկտրաէներգիայի փոխակերպման ծառայության վճարն է (0.863 դրամ/կՎտժ` առանց ԱԱՀ-ի),
a5 - 6(10) կՎ լարման ենթակայաններում 1 կՎտժ էլեկտրաէներգիայի փոխակերպման ծառայության վճարն է (0.97 դրամ/կՎտժ` առանց ԱԱՀ-ի),
a6 - ենթասպառողների էլեկտրամատակարարման հետևանքով սպառողի տրանսֆորմատորում և գծերում առաջացող կորուստների չափն է (%),
a6 = a' + a»
T - սպառողի համար էլեկտրաէներգիայի սակագինն է (ցերեկային, դրամ/կՎտժ):
Ենթասպառողների էլեկտրամատակարարման հետևանքով սպառողի տրանսֆորմատորում և գծերում առաջացող կորուստները որոշվում են համաձայն հետևյալ աղյուսակի.
.__________________________________________________________________.
| | Կորուստները | Կորուստները |
| | տրանսֆորմատորում | գծերում |
| | a' | a» |
|_________________________________|__________________|_____________|
|35 կվ և բարձր լարումով սնվող | 1.3 % | 2 % |
|սպառողների համար | | |
|6(10) կվ լարումով ուղիղ բջջով | 1.3 % | 2 % |
|սնվող սպառողների համար | | |
|6(10) կվ լարումով ոչ ուղիղ բջջով | - | 2 % |
|սնվող սպառողների համար | | |
|0.22-0.4 կՎ լարումով սնվող | - | 2 % |
|սպառողների համար | | |
.__________________________________________________________________.