040.0398.150402
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«15» ապրիլի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 ապրիլի 2002 թվականի N 398
i
ՉՈՐՐՈՐԴ ԿԱՐԳԻ ՎԹԱՐԱՅԻՆ` ՇԻՆԱՐԱՐՆԵՐԻ ՓՈՂՈՑԻ N 6, ՖՈՒՉԻԿԻ ՓՈՂՈՑԻ NN 10 ԵՎ 19, ՍԻՍԱԿՅԱՆ ՓՈՂՈՑԻ N 16 ԲՆԱԿԵԼԻ ՏՆԵՐԻ ՔԱՆԴՄԱՆ ԵՎ ԴՐԱՆՑ ՏԱՐԱԾՔՆԵՐԸ ՎԱՐՁԱԿԱԼՈՒԹՅԱՆ ՏԱԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2000 թվականի հոկտեմբերի 25-ի «Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների բնակարանային խնդիրները լուծելու մասին» N 682 որոշումը և հաշվի առնելով բնակիչների վերաբնակեցման հետ կապված` շենքերի քանդման հրատապությունն ու դրանց համար ֆինանսավորման բացակայությունը` Հայաստանի Հանրապետության կառավարությունը որոշում է.
1. Թույլատրել Երևանի քաղաքապետին`
ա) ընտրել շինարարական կազմակերպություններ, որոնք իրենց միջոցների հաշվին կիրականացնեն Երևանի Շինարարների փողոցի N 6, Ֆուչիկի փողոցի NN 10 և 19, Սիսակյան փողոցի N 16 վթարային բնակելի շենքերի ապամոնտաժման, շինարարական աղբի տեղափոխման և տարածքի բարեկարգման աշխատանքները.
բ) նշված տարածքների բարեկարգման աշխատանքների ավարտից հետո դրանք առանց մրցույթի տրամադրել վարձակալության` իրացնող շինարարական կազմակերպություններին` տվյալ տարածքի գործառական նշանակությանը չհակասող կառուցապատման աշխատանքներ իրականացնելու համար:
2. Սույն որոշումն ուժի մեջ է մտնում 2002 թվականի ապրիլի 15-ից: